PROBERB 10:25 - KA BAIBL

²⁵ Haba ka lyer langthari ka ïaid, u bymman um don shuh: hynrei, u bahok u long ka nongrim kaba junom.

Khasi CL Bible (BSI)

²⁵ Ki 'erïong ki wan, bad ki bymman ki shah rong noh; hynrei ki briew kiba hok ki shngain borabor.

PROBERB 10:25 ပူးပေါင်းရင်းမြစ်များ

Ka Kitab U Job 17:9

U bahok un ïaineh pynban, bad uta u bakhuid la ki kti un nang khlaiñ nang khlaiñ.

Ka Kitab U Job 20:8

Un her noh kum ka jingphohsniew, te yn ym shem shuh ïa u: bad yn beh noh ïa u kum ka jingruma mynmiet.

Ka Kitab U Job 21:18

Ba ki long kum u 'langïap ha ka lyer, bad kum u stait ba la kit noh da ka 'erïong?

SALM 125:1

Kita kiba shaniah ha U Trai ki long kum u lum Seïon, u bym lah pynkhih, hynrei, u ïaineh bymjukut.

SALM 15:5

U bym ai tyngka ban shim sut than, lymne um bamsap ïaleh ïa uba lui lui. Uta uba leh ïa kine kiei kiei yn ym pynkhih ïa u lano lano ruh.

SALM 58:10

U bahok un shadkmen haba u ïohi ïa kata ka jingpynhiar kput: un sait ïa la ki kjat ha ka snam jong u bymman.

SALM 58:9

Haba ki khiew jong phi kim pat sngew ïa ki dieng shynraiñ, un rong noh ïa ki da ka lyer langthari, ki bajyrngam bad kiba ing kumjuh.

PROBERB 1:27

haba wan lap ka jingsheptieng jong phi kum ka 'erïong, bad haba nang wan ka jingjynjar jong phi kum ka lyer langthari; haba ka jingshipa bad ka jingsngewpisa ki ngat halor jong phi.

PROBERB 10:30

Ïa u bahok yn ym pynkhih lano lano ruh: hynrei, u bymman un ym ïoh shong ha ka ri.

PROBERB 12:3

Ïa u briew yn ym pynskhem da ka jingbymman: hynrei, ïa u thied jong u bahok yn ym pynkhih lano lano ruh.

PROBERB 12:7

Ïa ki bymman la pynkyllon, te kim don shuh: hynrei, ka ïing jong u bahok kan ïeng.

ISAÏAH 40:24

Shisha, ym shym la thung ïa ki; shisha, ym shym la bet ïa ki; shisha, ka met dieng jong ki kam shym la suhthied ha ka khyndew: u pyrsad ruh halor jong ki, bad ki tlor noh, bad ka lyer langthari ka rong noh ïa ki kum ïa ka skum.

MATHAÏOS 16:18

Nga ruh nga ong ha me, ba me long u Petros, bad halor une u mawsiang ngan tei ïa ka balang jong nga; te ki khyrdop ka dujok kin ym lah ïa ka.

EPHESOS 2:20

ba la tei ïa phi halor ka nongrim ki apostol bad ki nongïathuhlypa, U Jisu Khrist hi u da long u mawdong ba ha khlieh;

1 TIMOTHI 6:19

kiba kynshew ïa lade ïa ka nongrim babha ïa ka por lawei, khnang ba kin ïoh bat khak ïa kata ka jingim kaba long ka jingim kaba shisha.

2 TIMOTHI 2:19

Hynrei, kata ka nongrim baskhem jong U Blei ka ïaineh, kaba don kane ka shab: “U Trai u ithuh ïa kita kiba long ki jong u”: bad, “To uwei pa uwei baroh uba khot kyrteng ïa ka kyrteng U Khrist, un kyndiah noh na ka jingbymhok.”