PROBERB 10:22 - KA BAIBL

²² Ka jingkyrkhu U Trai ka pynriewspah, bad um pynlang ka jingsngewsih bad ka.

Khasi CL Bible (BSI)

²² Ka dei ka jingkyrkhu U Trai kaba pynriewspah ïa phi. Ka jingtrei shitom kan ym lah ban kham pynriewspah ïa phi.

PROBERB 10:22 ပူးပေါင်းရင်းမြစ်များ

JENESIS 12:2

bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu:

JENESIS 13:2

Bad u Abram u la riewbha eh ha ki jingri, ha ka rupa, bad ha ka ksiar.

JENESIS 14:23

ba ngan ym shim ei ei ruh em na ka jong me baroh, naduh iwei i ksai haduh i jingteh ka juti; ba ïoh men ong, ‘Nga la pynriewbha ma nga ïa u Abram.’

JENESIS 24:35

Bad U Trai u la kyrkhu shibun eh ïa u kynrad jong nga, bad u la man bakhraw: bad u la ai ha u ïa ki kynhun langbrot, bad ïa ki kynhun masi bad ïa ka rupa, bad ïa ka ksiar, bad ïa ki shakri shynrang, bad ki shakri kynthei, bad ïa ki ut, bad ïa ki kadda ruh.

JENESIS 26:12

Bad u Isaak u la bet ha kata ka khyndew, bad u la ïoh kynshew ha kata ka snem ïa kaba shispah shah. Bad U Trai u la kyrkhu ïa u.

JENESIS 26:13

Bad uta u briew u la man bha, bad u la nang kham khraw kham khraw, bad u la nang roi ruh ha ban da u la jia long uba khraw eh.

1 SYIEM 21:19

Bad men kren ha u da kaba ong, ‘Kumne ong U Trai, “Sha, me la pynïap, me la shimti ruh?” ’ Men kren ruh ha u, da kaba ong, ‘Kumne ong U Trai, “Ha ka jaka ha kaba ki ksew ki la jliah ïa ka snam u Naboth, ki ksew kin jliah ïa ka snam jong me, ka jong me hi keiñ.” ’ ”

1 KHRONIKL 4:10

Bad u Jabes u la kyrpad ha U Blei u Israel, u da ong, “A ban da men kyrkhu ïa nga da shisha, bad ba men pynkylluid ïa ka pud jong nga, bad ba ka kti jong me kan long lem bad nga, bad ba men sumar ïa nga na ka basniew, ba kan ym long ka jingsngewsih ïa nga!” Bad U Blei u la ai ha u, ïa kata kaba u la pan.

2 KHRONIKL 25:9

Te u Amasaïah u la ong ha uta u briew jong U Blei, “Hynrei, ngin leh kumno ïa kita ki shispah talent kiba ngi la ai ha ki shipai Israel?” Te uta u briew jong U Blei u la ïathuh, “U Trai u lah ban ai ïa me kham bun eh ban ïa kane.”

2 KHRONIKL 32:27

Te u Hesekaïah u la don ka spah bad ka burom shibun eh: bad u la pynkhreh ïa u ki ïing jingkynshew ïa ka rupa, bad ïa ka ksiar, bad ïa ki mawkordor, bad ïa ki masla, bad ïa ki stieh, bad ïa ki jaid baroh ki khiew ki pliang babha;

2 KHRONIKL 32:29

Nalor kita, u la pynkhreh ïa u ki nongbah, bad ki jingdon da ki kynhun blang bad kynhun masi shibun namar U Blei u la ai ïa u shibun eh ka spah.

SALM 107:38

U kyrkhu ïa ki ruh, ba kin nang bun shikatdei; bad um shah ba kin nang duna ki jingri jong ki.

SALM 127:2

Kaba lehnohei ba phin khie step, bad peit miet katta, bad ban bam ïa u kpu ka jingtrei shitom: naba kumta, u pynïohthiah ïa kiba ieit jong u.

SALM 37:22

Namar kat kiba u kyrkhu kin ïoh kynti ïa ka ri; bad ïa kita kiba u tim yn pynïap noh.

PROBERB 14:24

Ka pansngiat jong ki bastad long ka spah jong ki: hynrei, ka jingbieit jong ki babieit ka long tang ka jingbieit.

PROBERB 20:21

Ïa ka jingïoh kynti lah ban ïoh kyrkieh ha kaba sdang; hynrei, ïa ka bakut jong ka yn ym kyrkhu.

PROBERB 28:22

U briew u basniew ka khmat u beh kyrkieh ïa ka spah, bad um tip ba ka jingkyrduh kan wan lap ïa u.

PROBERB 8:21

ba nga lah ban pynïoh kynti ïa ka jingshisha ha kita kiba ieit ïa nga, bad ba ngan ïoh pyndap ïa ki jingkynshew jong ki.

DANIEL 1:15

Bad ha ka bakut kita ki shiphew sngi, ki khmat jong ki, ki la paw kham itynnad, bad ki la kham sngaid, ban ïa kita ki samla baroh kiba la bam na ka jingbam u syiem.

SEKHARAÏAH 5:4

“Ngan pynmih noh ïa ka,” ong U Trai ki paid, “bad kan leit bsut hapoh ka ïing jong u nongtuh, bad hapoh ka ïing jong uba smai lamler da ka kyrteng jong nga: bad kan sah hapdeng ka ïing jong u, bad kan bam duh ïa ka, lem bad ki dieng jong ka bad ki maw jong ka.”

DEUTERONOMI 26:10

Mynta te, ha khmih, nga la wallam ïa u soh nyngkong jong kata ka ri, ïa kaba ma me, A Trai, me la ai ha nga.’ Bad men buh ïa u, ha khmat U Trai uba U Blei jong me, bad men mane ha khmat U Trai uba U Blei jong me.

DEUTERONOMI 28:11

Bad U Trai un pynroi kyrhai ïa me ha kiei kiei ki babha, ha u soh ka met jong me, bad ha u soh ki jingri jong me, bad ha u soh ka khyndew jong me, ha kata ka ri ïa kaba U Trai u la smai ha ki kpa jong me ban ai ha me.

JOSHUA 6:18

Phi te, la kumno kumno phin kyndiah noh ïa lade na kata kaba la tim, ba ïoh phi hi phin long kiba la tim haba phi shim na kata kaba la tim; kumta phin pynlong ka jingtim ïa ka dara ki Israel, bad phin pynjynjar ïa ka.