PROBERB 10:19 - KA BAIBL

¹⁹ Ha ka jingbun ki ktien ym ju duh ka jingryngkang: hynrei, uta uba khang ïa la ki rmiang shyntur u leh stad.

Khasi CL Bible (BSI)

¹⁹ Katba phi nang bunktien, katta phi nang leh pop. Lada phi long uba stad phin sngap jar.

PROBERB 10:19 ပူးပေါင်းရင်းမြစ်များ

Ka Kitab U Job 11:2

“Kam dei mo ban jubab ïa kaba bun ki ktien? Bad ka bit ne em ban pynksan ïa uba dap da ka jingkren?

SALM 39:1

Nga la ong, “Ngan sumar ïa la ki lynti, ba ngan ym leh pop da la u thylliej: ngan sumar ïa la ka shyntur da u lakam, katba u bymman u don ha khmat jong nga.”

PROBERB 11:12

Uta uba ñiewbeiñ ïa la u paramarjan u long uba suda ka jingstad: hynrei, u briew uba shemphang u sngap jar.

PROBERB 11:13

Uta uba par kylleng kum u nongkrensiar u pynpaw ïa ki ktien rieh: hynrei, uta uba don ka mynsiem kaba shaniah u buhrieh ïa ka kam.

PROBERB 12:23

U briew u basian u buhrieh ïa ka jingtip: hynrei, ka dohnud ki babieit ka pynbna ïa ka jingbieit.

PROBERB 18:21

Ka jingïap bad ka jingim ki long ha ka bor u thylliej; bad kita kiba ieit ïa u kin bam ïa u soh jong u.

EKLESIASTIS 5:1

Sumar ïa la ka sla'jat haba me leit ha ka ïing U Blei; namar kaba leit hajan ban sngap, ka long kham bha ban ïa ka ban ai ka jingainguh kiba bieit: namar ki kim tip ba ki leh sniew.

EKLESIASTIS 5:2

Wat long uba laplah da ka shyntur jong me, bad wat ai ïa la ka dohnud ban kren kyrkieh ei ei ha khmat U Blei; namar U Blei u don ha bneng, me te, me ha ka khyndew: namar kata, ai ba ki ktien jong me kin long kiba khyndiat.

EKLESIASTIS 5:3

Namar ka jingphohsniew ka wan da kaba bun ka kam: bad ka jingsawa u babieit da kaba bun ktien.

JAKOB 1:19

Namar kata, ko parabangeit ba-ieit jong nga, ai ba u briew baroh un long uba kloi ban ïohsngew, uba tud ïa ka ban kren, uba tud keiñ ïa ka ban bitar:

JAKOB 3:2

Namar ha bun kiei kiei ngi jynthut baroh. Lada uno uno ruh um jynthut ha ka ktien, une u long u briew bajanai, uba lah ban synshar ïa ka met ruh baroh kawei.