PROBERB 10:18 - KA BAIBL

¹⁸ Uta uba buhrieh ïa ka jingshun u don ki rmiang shyntur kiba lamler; bad uta uba kren siar u long u babieit.

Khasi CL Bible (BSI)

¹⁸ U briew uba buhrieh ïa la ka jingshun u dei uba lamler. Uno uno uba pynphriang ïa ka jinglorni u dei uba bieit.

PROBERB 10:18 ပူးပေါင်းရင်းမြစ်များ

2 SAMUEL 3:27

Te haba u Abner u la wan phai noh sha Hebron, u Joab u la shim kyrpang ïa u shapdeng ka khyrdop ban ïakren bad u da kaba suk, bad u la shoh ïa u hangta na ka kpoh, ba kumta u la ïap noh, namar ka snam u Asahel u para jong u.

SALM 101:5

Jar uba kren siar ïa la u paramarjan harieh harieh, ïa uta ngan pynduh noh: uta uba imeng bad uba sarong la ka dohnud, ngan ym shah.

SALM 12:2

Ki kren ïa ka jingthala uwei uwei ïa la u paramarjan: da ka rmiang shyntur bashukor, bad da ka dohnud ka basynrop ki ïakren.

SALM 15:3

U bym kren siar da la u thylliej, lymne um leh sniew ïa la u lok, lymne um pdiang ïa ka jingkynnohbeiñ ïa la u paramarjan.

SALM 5:9

Namar ym don ka jingneh ha ka shyntur jong ki; kaba shapoh jong ki ka long ka jingbymman hi: ka ryndang jong ki ka long ka jingtep ba ang ryngheng; ki kren arsap da la u thylliej.

SALM 50:20

Me shong bad me kren pyrshah ïa la u para; me kren siar ïa u khun ka kmie jong me hi.

SALM 55:21

Ka shyntur jong u ka long jlih kum ka makhon, hynrei, ka dohnud jong u ka la long ka thma: ki ktien jong u ki la kham jem ïa ka umphniang, pynban, ki la long ki waitlam ba la sei.

EKSODOS 23:1

“Wat pynmih ïa ka jingbna balamler: wat ïasoh lem bad ki bymman ban long u nongsakhi bymhok.

JEREMAÏAH 6:28

Ki long baroh ki nongïaleh kiba pynshitom, kiba da ïaid kylleng da kaba kren siar; ki long ka rnong bad u nar; ki baroh ki leh bymman.

JEREMAÏAH 9:4

“To uwei uwei baroh un sumar na la u paramarjan, bad to wat shaniah ha uno uno u para: namar man u para un ïashukor naduh haduh, bad man u paramarjan un ïaid kylleng da ki jingkren siar.

LEBITIKOS 19:16

Wat ïaid me kum u nongkrensiar hapdeng u paidbah jong me: lymne ïeng pyrshah ïa ka snam jong u paramarjan jong me: Nga long U Trai keiñ.

1 SAMUEL 18:29

Bad u Saul u la nang kham sheptieng pynban ïa u Dabid; bad u Saul u la long u nongshun u Dabid ha la ka sngi.