PROBERB 10:1 - KA BAIBL

¹ Ki Proberb u Solomon. U khun u bastad u pynlong u kpa uba kmen: hynrei, u khun u babieit u long ka jingkhia ïa la ka kmie.

Khasi CL Bible (BSI)

¹ Kine ki long ki proberb u Solomon: U khun uba stad u pynsngew sarong ïa la u jong u kpa; uba bieit u wallam ka jingsngewsih ïa la ka kmie.

PROBERB 10:1 ပူးပေါင်းရင်းမြစ်များ

1 SYIEM 4:32

Bad u la kren lai hajar ki proberb: bad ki jingrwai jong u ki la long shi hajar bad san.

PROBERB 1:1

Ki proberb u Solomon u khun u Dabid, u syiem ki Israel:

PROBERB 13:1

U khun u bastad u sngap ïa ka jinghikai u kpa jong u: hynrei, u nongrkhiebeiñ um sngap ïa ka jingsneng.

PROBERB 15:20

U khun u bastad u pynlong uba kmen ïa u kpa: hynrei, u briew u babieit u ñiewbeiñ ïa la ka kmie.

PROBERB 17:21

Uta uba pynkha ïa u babieit u ïoh ka jingsngewsih: bad u kpa jong u babieit um ïoh ka jingkmen.

PROBERB 17:25

U khun u babieit u long ka jingsngewsih ïa la u kpa, bad ka jingkthang ïa kata kaba la kha ïa u.

PROBERB 19:13

U khun u babieit u long ka jingjynjar ïa la u kpa; bad ki jingïapyneh ka tnga ki long ka jingjaw kaba khlem pud.

PROBERB 25:1

Kine ruh ki long ki proberb u Solomon, kiba ki briew jong u Hesekaïah u syiem ka Judah ki la kopi.

PROBERB 27:11

Ko khun, to long stad, bad to pynkmen ïa ka dohnud jong nga, ba ngan ïoh phai ktien ïa uba krenbeiñ ïa nga.

PROBERB 29:15

U dieng sympat bad ka jingsneng ki ai ka jingstad: hynrei, u khynnah ba la shu iehnoh katba mon u pynlehrain ïa la ka kmie.

PROBERB 29:17

To sneng pynbeit ïa la u khun, te un ai kaba jahthait ïa me; shisha, un ai kaba sngewbha ïa ka mynsiem jong me.

PROBERB 29:3

Jar uba ieit ïa ka jingstad u pynkmen ïa la u kpa: hynrei, uta uba shait ïalok bad ki nuti un pynsyrwa ïa la ka spah.

EKLESIASTIS 12:9

Bad nalor kane, namar ba u Nongïathuhkhana u la long u bastad, u la ïaihikai ïa ka jingstad ha u paidbah; shisha, u la puson, bad u la wad noh, bad u la buh ryntih bun ki proberb.

EKLESIASTIS 2:19

Bad uei ba tip la un long u bastad ne u babieit? Pynban, un ïoh synshar halor ka kam jong nga baroh ïa kaba nga la trei, bad ha kaba nga la pyni ka jingstad hapoh ka sngi. Kane ruh ka long kaba thala.