PROBERB 1:5 - KA BAIBL

⁵ ba u riewstad un ïohsngew, bad ba un roi ha ka jinghikai; bad ba uta uba shemphang un kot sha ki jingpyrkhat ba shongnia:

Khasi CL Bible (BSI)

⁵ Kine ki proberb ki lah ban nang pynkhraw ïa ka jingtip jong ki riewstad bad kdew lynti ïa kiba la nang la tip,

PROBERB 1:5 ပူးပေါင်းရင်းမြစ်များ

2 KHRONIKL 25:16

Te katba u dang kren bad u, u syiem u la ong ha u, “Hato ngi la thung ïa me na ka jingsylla jong u syiem? Sngap jar; balei yn shoh ïap ïa me?” Ynda kumta, u nongïathuhlypa u la sngap, bad u la shu ong, “Nga tip ba U Blei u la thmu ban pynjot ïa me, namar me la leh ïa kane, bad mem shym la shahshkor ïa ka jingpyni jong nga.”

Ka Kitab U Job 34:10

“Namar kata, to sngap ïa nga, phi ki briew ki bashemphang: kaba eh ïa U Blei ba un leh ïa ka basniew; bad ïa U Badonbor Baroh ba un leh ïa ka bymhok.

Ka Kitab U Job 34:16

“Lada me don ka jingshemphang te, to sngew ïa kane: to sngap ïa ka jingsawa ki ktien jong nga.

Ka Kitab U Job 34:2

“To sngew ïa ki ktien jong nga, phi ki riewstad; bad to shahshkor ïa nga, phi kiba don ka jingtip.

Ka Kitab U Job 34:34

Ki briew ki bashemphang kin ong ha nga, bad u briew bastad baroh uba ïohsngew ïa nga:

PROBERB 12:1

Jar uba ieit ïa ka jingsneng u ieit ïa ka jingtip: hynrei, uba isih ïa ka jingsneng sympat u long u kynja mrad.

PROBERB 14:6

U nongrkhiebeiñ u wad ïa ka jingstad, te um shem: hynrei, ka jingtip ka long kaba jem ïa uba don ka jingshemphang.

PROBERB 18:15

Ka dohnud u basian ka ïoh ïa ka jingtip: bad ka shkor u bastad ka wad ïa ka jingtip.

PROBERB 19:25

To shoh ïa u nongrkhiebeiñ, te uta u bymsian un nang ïa ka jingsian: bad to sneng ïa uba don ka jingshemphang, te un shemphang ïa ka jingtip.

PROBERB 21:11

Haba ïa u nongrkhiebeiñ la pynshitom, ïa u bymsian la pynlong stad: bad haba la hikai ïa u bastad, u pdiang ïa ka jingtip.

PROBERB 8:33

To sngap ïa ka jinghikai, bad to long stad, bad wat kyntait ïa ka.

PROBERB 9:8

Wat sneng pynrem ïa u nongkrenbeiñ, ïoh u shun ïa me: to sneng ïa u bastad, te un ieit ïa me.

PROBERB 9:9

To ai jinghikai ïa u bastad, te un nang kham stad: to hikai ïa u bahok, te un nang roi ha ka jinghikai.

EKLESIASTIS 9:11

Nga la phai, bad nga la ïohi hapoh ka sngi, ba ka jingïaphet thong kam dei ïa uba stet, lymne ka jingïaleh thma ïa u bakhlaiñ, lymne pat u kpu ïa u bastad, lymne pat ki spah ki phew ïa ki briew ki bashemphang, lymne pat ka jingsngewbha ïa ki briew kiba don buit; hynrei, ka por bad ka bok ka jia ha ki baroh.

1 KORINTH 10:15

Nga kren keiñ kumba ha ki basian; to khan ma phi ïa kaba nga ong.

DEUTERONOMI 4:6

To sumar, namar kata, bad to leh ruh ïa ki; naba kane ka long ka jingstad, bad ka jingshemphang jong phi ha khmat kita ki jaid bynriew, ki ban ïohsngew ïa kine ki hukum baroh, bad kin ïa-ong, ‘Shisha kane ka jaid bynriew kaba khraw ka long u paidlang u bastad, bad u bashemphang.’