PROBERB 1:24 - KA BAIBL

²⁴ Namar nga la khot, bad phim treh; nga la kner ïa la ka kti, bad ym don ba suidñiew;

Khasi CL Bible (BSI)

²⁴ Nga ïai pyrta ïa phi, nga da khot sngewbha ba phin wan, hynrei phim sngap. Phim shahshkor satia ïa nga.

PROBERB 1:24 ပူးပေါင်းရင်းမြစ်များ

2 KHRONIKL 33:10

Te U Trai u la kren ha u Manasseh, bad ha ki briew jong u: hynrei, kim shym la suidñiew.

2 KHRONIKL 36:16

Hynrei, ki la rkhiebeiñ ïa ki nonglam-ktien jong U Blei, bad ki la ñiewbeiñ ïa ki ktien jong u, bad ki la pyrthuhbeiñ ïa ki nongïathuhlypa jong u, haduh ba ka jingbitar U Trai ka la mih pyrshah ïa ki briew jong u, katba ym don jingshna shuh.

Ka Kitab U Job 33:14

Naba U Blei u kren shi sien, bad ar sien ruh, la u briew um sngap ïa kata.

SALM 31:20

Ha ka jaka rieh ka jingdon jong me, men buhrieh ïa ki na ki jingshet u briew: men ri kyndong ïa ki ha ka ïingjaiñ na ka jingïaleh ki thylliej.

PROBERB 29:1

Uta haba la sneng ïa u bunsien u pyneh ïa la ka ryndang yn pynlwet kyndit ïa u, bad kata bymdon jingshna shuh.

ISAÏAH 50:2

Na ka balei, haba nga la wan, bym shym la don briew? Haba nga la khot, bym shym don ba jubab? Hato la pynlyngkot ïa ka kti jong nga, ba kan ym lah siewspah? ne ngam don bor ban pyllait? Ha khmih, ha ka jingsneng jong nga, nga pynrngad ïa ka duriaw, nga pynlong khlaw ïa ki wah: ki dohkha jong ki, ki iwtung, namar bymdon um, bad ki ïap sliang.

ISAÏAH 65:12

te ngan thoh nusib ïa phi ha ka waitlam, bad phin sa dem ngon baroh ha ka jingpynïap: namar haba nga la khot, phim shym la phai ktien; haba nga la kren, phim shym pynsngew; hynrei, phi la leh ïa kata ka basniew ha khmat jong nga, bad phi la jied ïa kata kaba ngam shym la sngewbha.”

ISAÏAH 65:2

Nga la kner ïa la ki kti baroh shi sngi ha u paidlang bakiat, uba ïaid ha ka lynti ka bymbha, kat kum la ki jong ki jingmut;

ISAÏAH 66:4

nga ruh ngan jied ïa ki jingshukor jong ki, ngan pynwan ruh ki jingsheptieng jong ki halor jong ki; namar haba nga la khot, ym don ba phai ktien; haba nga la kren kim shym pynsngew: hynrei, ki la leh ïa kata ka basniew ha khmat jong nga, bad ki la jied ïa kata ha kaba ngam shym la sngewbha.”

JEREMAÏAH 35:17

namar kata,” kumne u ong U Trai, U Blei ki paid, U Blei ki Israel: “Ha khmih, ngan wallam halor ka Judah bad halor kiba shong ha Jerusalem baroh, ïa kata ka jingsniew baroh kaba nga la kren pyrshah ïa ki; namar nga la kren ha ki, hynrei, kim shym la sngap; bad nga la khot ïa ki, hynrei, kim shym phai ktien.”

JEREMAÏAH 44:16

“Shaphang kata ka ktien kaba me la kren ha ngi ha ka kyrteng U Trai, ngin ym sngap ïa me.

JEREMAÏAH 7:13

Mynta te, namar ba phi la leh ïa kine ki jingleh baroh,” ong U Trai, “bad ba nga la kren ha phi, nga da khie dang step bad nga kren, hynrei, phim shym la sngap; bad nga la khot ïa phi, hynrei, phim shym la phai ktien:

JEREMAÏAH 9:6

Ka jaka shong jong me ka long hapdeng ka jingshukor; namar ka jingshukor kim treh ban ithuh ïa nga,” ong U Trai.

ESEKIEL 8:18

Namar kata, nga ruh ngan leh ha ka jingbitar shla; ka khmat jong nga kan ym riej, lymne ngan ym isynei: bad la ki lynñiar ha ki shkor jong nga da ka sur kaba jam, pynban, ngan ym sngap ïa ki.”

SEKHARAÏAH 7:13

Te ka la jia, ba kumba u la pyrta, bad ki kim sngap; kumta, ki kin pyrta, nga de ngan ym sngap,” la ong U Trai ki paid;

KI KAM 4:30

da kaba me kner noh ïa la ka kti ban pynkhiah; bad ba yn ïoh leh ïa ki dak khyllah bad ki jingphylla da ka kyrteng U Khun Bakhuid jong me U Jisu.”

Ka Shithi U Paul Sha Ki Nong Rom 10:21

Hynrei, pleng shaphang ki Israel u ong: “Baroh shi sngi nga la kner noh ïa la ki kti ha u paidlang u bymkohnguh bad uba ïa-pharshi kylliang.”

1 SAMUEL 28:6

Bad haba u la kylli na U Trai, U Trai um shym ïathuh ha u, lymne da ki jingphohsniew, lymne da ki Urim, lymne da ki nongïathuhlypa de.