NEHEMAÏAH 7:3 - KA BAIBL

³ Bad nga la ong ha ki, “Wat ai ba yn plie ïa ki khyrdop ka Jerusalem tad ynda ka la shit ka sngi: bad katba kin ïeng ban ap, to kin khyrdep ïa ki jingkhang, bad khang ma phi: bad buh ki jingap kylliang na ki trai-shnong Jerusalem, uwei pa uwei ha la ka jingap jingap, bad uwei pa uwei marpyrshah ïa la ka ïing.”

Khasi CL Bible (BSI)

³ Nga la ong ïa ki ban ym plie ïa ki khyrdop ka Jerusalem ha ka por mynstep haduh ka por ba la mih sngi bha bad ban khang ïa ki haba ki nongap phira kim don ha ka jingtreikam ha ka por sep sngi. Nga la ong ruh ïa ki ban thung ki nongap phira napdeng ki briew kiba shong basah ha Jerusalem bad ban buh ïa katto katne na ki ha ki jaka ba la jied khnang bad ïa kiwei pat ban ïaid pahara ïa ki jaka sawdong jong ki ïing jong ki hi.

NEHEMAÏAH 7:3 ပူးပေါင်းရင်းမြစ်များ

NEHEMAÏAH 13:19

Te haba ki khyrdop Jerusalem ki la sdang dum shuwa ka sngi Sabbaton, nga la hukum ba yn khang noh ïa ki jingkhang, bad nga la hukum ba yn ym plie ïa ki haduh ba ynda lah ka Sabbaton: bad nga la buh na ki shakri jong nga ban ap ïa ki khyrdop, ba yn ym wallam jingkit ei ei hapoh ha ka sngi Sabbaton.

NEHEMAÏAH 3:23

Nadien jong ki, u Benjamin bad u Hasshub ki la shna ïa kaba marpyrshah ïa la ka ïing. Nadien jong ki, u Asaraïah u khun u Maaseïah u khun u Ananiah u la shna hajan la ka ïing.

NEHEMAÏAH 7:2

nga la ai hukum ïa u Hanani u para jong nga, bad ïa u Hananiah u nongsynshar ka ïing phira, shaphang ka Jerusalem: namar u long u briew uba ïaineh, bad uba kham sheptieng ïa U Blei ban ïa kiba bun.

NEHEMAÏAH 7:4

Bad kane ka nongbah ka la long kaba ïar bad kaba khraw: hynrei, ki briew ha ka ki la long kiba khyndiat, bad ym shym la tei ïa ki ïing.

SALM 127:1

Lada U Trai um tei ïa ka ïing, ki minot lehnohei kiba tei ïa ka: lada U Trai um sumar ïa ka nongbah, u nongap u peit lehnohei.

SALM 147:13

Naba u la pynkhlaiñ ïa ki dieng jingkhang ki khyrdop jong pha; u la kyrkhu ïa ki khun jong pha hapoh jong pha.

MATHAÏOS 10:16

“Ha khmih, nga phah noh ïa phi kum ki langbrot hapdeng ki suri; namar kata, phin ïalong ki basian kum ki bseiñ, bad ki bajemnud kum ki paro.