NEHEMAÏAH 11:3 - KA BAIBL

³ Kine te ki long ki rangbah ka shnat kiba la shong duh ha Jerusalem: hynrei, ha ki shnong Judah uwei uwei u la shong ha la ka bynta trai ha ki shnong jong ki, kita ki long, ki Israel, ki lyngdoh, bad ki Lebi, bad ki Nethin, bad ki khun ki shakri u Solomon.

Khasi CL Bible (BSI)

^3-8 Ha kiwei pat ki shnong bad ki nongbah, ki Israel, ki lyngdoh, ki Lebi, ki nongtrei ka Templ bad ki khun ki ksiew jong ki nongtrei u Solomon, ki shong ki sah ha ki jaka la jong ha ki shnong jong ki. Kane ka long ka thup jong ki nongshong shnong bapawkhmat jong ka probins jong ka Judah kiba shong basah ha Jerusalem: Ki dkhot jong ka jait Judah: U Athaïah, u khun jong u Ussaïah bad u ksiew jong u Sekharaïah. Kiwei pat ki kpa tymmen ki kynthup ïa u Amaraïah, u Shephataïah, bad u Mahalalel, ki khun ki ksiew u Peres, u khun jong u Judah. U Maaseïah, u khun jong u Barukh bad u ksiew jong u Kolhoseh. Kiwei ki kpa tymmen ki kynthup ïa u Hasaïah, u Adaïah, u Joïarib bad u Sekharaïah, ki khun ki ksiew jong u Shelah, u khun jong u Judah. Na ki khun ki ksiew u Peres, sawspah hynriewphew phra ngut ki rangbah bapawkhmat ki shong ki sah ha Jerusalem. Ki dkhot jong ka jait Benjamin: U Sallu, u khun jong u Meshullam bad u ksiew jong u Joed. Kiwei ki kpa tymmen jong u ki kynthup ïa u Pedaïah, u Kolaïah, u Maaseïah, u Ithiel bad u Jeshaïah. U Gabbai bad u Sallai, ki long ki ba-ha-ïing bajan jong u Sallu. Ha baroh, Khyndaispah arphew phra ngut ki Benjamin ki shong ki sah ha Jerusalem.

NEHEMAÏAH 11:3 ပူးပေါင်းရင်းမြစ်များ

ESRA 2:1

Te kine ki long ki khun jong kata ka jylla, kiba la leit kiew noh na kata ka jingpynwir jong kita ïa kiba la ring mraw, ïa kiba u Nebukhadnessar u syiem ka Babilon u la lah ring mraw sha Babilon, bad kiba la wan phai pat sha Jerusalem bad Judah, uwei uwei baroh sha la ka shnong ka shnong;

ESRA 2:43

Ki Nethin: ki khun u Siha, ki khun u Hasupha, ki khun u Tabbaoth:

ESRA 2:70

Kumta, ki lyngdoh, bad ki Lebi, bad katto katne na u paidbah, bad ki nongrwai, bad ki nongap jingkhang, bad ki Nethin, ki la shong ha la ki shnong, bad ki Israel baroh ha la ki shnong.

NEHEMAÏAH 11:20

Bad kiwei pat na ki Israel, na ki lyngdoh, bad na ki Lebi, ki la don ha ki shnong Judah baroh, uwei uwei ha la ka jingïoh pateng.

NEHEMAÏAH 11:4

Bad ha Jerusalem ki la shong kiba na ki khun u Judah bad na ki khun u Benjamin. Na ki khun u Judah: u Athaïah u khun u Ussiah, u khun u Sekharaïah, u khun u Amaraïah, u khun u Shephatiah, u khun u Mahalalil, u khun u Peres;

NEHEMAÏAH 7:39

Ki lyngdoh: ki khun u Jedaïah na ka ïing u Jeshua, khyndaispah hynñiewphew lai.

NEHEMAÏAH 7:43

Ki Lebi: ki khun u Jeshua, u Kadmiel, bad na ki khun u Hodebah, hynñiewphew saw.

NEHEMAÏAH 7:46

Ki Nethin: ki khun u Siha, ki khun u Hasupha, ki khun u Tabbaoth;

NEHEMAÏAH 7:6

Kine ki long ki khun kata ka shnat, kiba la leit kiew na ka jingpynwir jong kita ïa kiba la ring noh, kiba u Nebukhadnessar u syiem ka Babilon u la ring noh, bad kiba la wan phai pat ha Jerusalem bad ha Judah, uwei pa uwei ha la ka shnong;

NEHEMAÏAH 7:7

kiba la wan ryngkat bad u Serubbabel, u Jeshua, u Nehemaïah, u Asaraïah, u Ramiah, u Nahamani, u Mordekai, u Bilshan, u Mispereth, u Bigbai, u Nehum, u Baanah. Ka jingkheiñ ki rangbah u paidbah Israel:

NEHEMAÏAH 7:73

Kumta ki lyngdoh, bad ki Lebi, bad ki nongap jingkhang, bad ki nongrwai, bad kiba na u paidbah, bad ki Nethin, bad Israel baroh, ki la shong duh ha la ki shnong. Bad haba u 'nai hynñiew u la poi, ki khun Israel ki la don ha la ki shnong.