MIKAH 7:9 - KA BAIBL

⁹ Ngan shah ïa ka jingbitar U Trai, namar nga la leh pop ïa u; tad ynda un ïasaid ïa ka kam jong nga, bad un leh ïa ka jingbishar na ka bynta jong nga: un pynmih noh ïa nga sha bashai, te ngan ïohi ïa ka hok jong u.

Khasi CL Bible (BSI)

⁹ Ngi la leh pop pyrshah ïa U Trai, te mynta ngi dei ban ïaishah ïa ka jingbitar jong u shipor. Hynrei ha kaba kut un ïada ïa ngi bad un pynbeit ïa ka bymdei kaba la leh ha ngi. Un wallam ïa ngi shabar sha ka jingshai; ngin im ban ïohi ba u pyllait im ïa ngi.

MIKAH 7:9 ပူးပေါင်းရင်းမြစ်များ

2 SAMUEL 24:17

U Dabid te u la kren ha U Trai haba u la ïohi ïa uta u angel uba la shoh ïa u paidbah, bad u la ong, “Ha khmih, nga, nga la leh pop, bad nga, nga la leh kiat: hynrei, kine ki langbrot, ki la leh aïu kine? nga kyrpad ïa me, to ka kti jong me kan long halor jong nga, bad halor ka ïing u kpa jong nga.”

Ka Kitab U Job 23:10

Hynrei, u ithuh ïa ka lynti ba nga ïaid; ynda u la tynjuh ïa nga, ngan mih noh kum ka ksiar.

Ka Kitab U Job 35:14

Sa katno haba me ong lei lei ba mem ïohi ïa u, ka kam ka ha khmat jong u, bad me ap ïa u!

SALM 119:154

To ïasaid ma me ïa ka hok jong nga, bad to pyllait ïa nga: to pynim ïa nga katba kum ka ktien jong me.

SALM 37:6

Bad un pynmih noh ïa ka hok jong me kum ka jingshai, bad ïa ka jingbishar jong me kum ka shiteng sngi.

SALM 43:1

To bishar ïa nga, A U Blei, to ïasaid ïa ka kam jong nga, pyrshah ïa ka jaid bynriew bymriewblei: A to pyllait ïa nga na uta u briew uba shukor bad bymhok.

SALM 7:6

To ïeng, A Trai, ha ka jingbitar jong me, to pynïeng ïa lade pyrshah ïa ka jingbitar ba-meh ding ki nongïaleh ïa nga: bad to peit na ka bynta jong nga; me la hukum ïa ka jingbishar.

SALM 94:15

Naba ka jingbishar kan wan phai sha ka hok: bad baroh kat kiba beit la ka dohnud kin bud ïa ka.

ISAÏAH 42:16

Te ngan wallam ïa ki bamatlah da ka lynti ba kim shym ithuh; ha ki lynti ïaid ba kim tip ngan ïalam ïa ki: ngan pynlong shai ïa ka jingdum ha khmat jong ki, bad kiba beit ïa ki jaka bakyllaiñ. Ïa kine kiei kiei ngan leh, bad ngan ym iehnoh noh ïa ki.

ISAÏAH 42:7

ban pynpeit ïa ki khmat bamatlah, ban pyllait noh ïa ki nongsah byndi na ka byndi pohkhrum, bad ïa kita kiba shong ha ka jingdum na ka ïing byndi.

ISAÏAH 46:13

nga pynjan la ka hok, kan ym long kaba jngai, ka jingpynim jong nga ruh kan ym tud; te ngan buh ïa ka jingpynim ha Seïon ïa u Israel ka burom jong nga.”

ISAÏAH 51:22

kumne ong U Trai jong pha, U Trai, bad U Blei jong pha uba ïasaid na ka bynta la u paidlang, “Ha khmih, nga la shim noh na ka kti jong pha ïa ka khuri ka jingbuaid, wat kata ka pliang ka khuri ka jingkhih bitar jong nga; phan ym ïoh dih shuh ïa ka pat:

ISAÏAH 56:1

Kumne u ong U Trai, “To sumar ïa ka jingbishar, bad to leh ïa ka hok, namar ka jingpynim jong nga ka la jan wan, bad ka hok jong nga ka ban sa paw.

JEREMAÏAH 10:19

Kordit ïa nga namar ka jingmynsaw jong nga! ka jingmong jong nga ka jur: hynrei, nga la ong, “Shisha kane ka long ka jingsngewsih jong nga, bad nga dei ban shah ïa ka.”

JEREMAÏAH 14:7

“La ki jingleh bymhok jong ngi ki sakhi pyrshah ïa ngi, to leh ma me na ka bynta ka kyrteng jong me, A Trai; namar ki jingkylla dien jong ngi ki la bun; ngi la leh pop ïa me.

JEREMAÏAH 51:10

‘U Trai u la pynmih noh ïa ka hok jong ngi: ale, to ngin ïa-pynbna ha Seïon ïa ka kam U Trai U Blei jong ngi.’

SNGEWSYNEI 1:18

“U Trai u long u bahok; naba nga la ïaleh pyrshah ïa ka hukum jong u: to sngew, nga kyrpad ïa phi, phi ki kynja bynriew baroh, bad to khmih ïa ka jingsngewsih jong nga: ki theisotti jong nga bad ki samla jong nga ki la leit long mraw.

LEBITIKOS 26:41

nga ruh nga la ïaid pyrshah ïa ki, bad nga la ïalam ïa ki sha ka ri ki nongshun jong ki: ynda kumta, lada kita ki dohnud bym shym la otsher jong ki kin dem, bad kumta ba ki kohnguh ïa ka jingsaja ka jingleh bymman jong ki;

MALAKHI 3:18

Hangta te phin phai bad phin sngewthuh ïa u bahok na u bymman, bad ïa uba shakri ïa U Blei na uta u bym shakri ïa u.”

1 KORINTH 4:5

Kumta te, phi wat bishar ei ei ruh ha bym pat poi ka Ïa, tad ynda U Trai un wan, u ban pynshai ïa kiei kiei ba la buhrieh jong ka jingdum, bad u ban pynpaw ruh ïa ki jingthmu jong ki dohnud: ynda kumta, uwei pa uwei un ïoh la ka jingïaroh na U Blei.

2 TIMOTHI 4:8

Naduh mynta, ïa nga la buh ïa kata ka pansngiat jong ka hok, ïa kaba U Trai, uta U Nongbishar bahok, un ai ha nga ha kata ka sngi: bad ym tang ha nga hi, hynrei, ha kita baroh ruh kiba ieit ïa kata ka jingmihpaw jong u.

JINGPYNPAW 18:20

To phan leh kmen halor jong ka, ko ka bneng, bad phi ki riewkhuid, bad phi ki apostol, bad ki nongïathuhlypa; naba U Blei u la bishar ïa ka jingtian bishar jong phi halor jong ka.”

1 SAMUEL 24:15

Namar kata, to U Trai un long nongbishar, bad to un bishar hapdeng jong nga bad jong me, to un khmih ruh, bad un ïasaid ïa ka hok jong nga, bad pyllait ïa nga na ka kti jong me.”

1 SAMUEL 25:39

Te haba u Dabid u la ïohsngew ba la ïap u Nabal, u la ong, “Long ba la kyrkhu U Trai, uba la ïasaid ïa ka daw ka jingjahburom jong nga na ka kti u Nabal, bad uba la khang ïa la u shakri na kaba leh sniew: naba U Trai u la pynphai ïa ka jinglehsniew u Nabal halor ka khlieh jong u hi.” Bad u Dabid u la phah ïakren bad ka Abigail, ïa ka ban shim kurim ïa ka.

1 SAMUEL 26:10

U Dabid u la ong ruh, “Katba im U Trai, U Trai hi un shoh ïap ïa u; lane kan poi hi ka sngi jong u ïa ka ban ïap; lane un hiar thma, bad un ïap.

1 SAMUEL 3:18

Te u Samuel u la ïathuh ha u ïa kiei kiei baroh, bad um shym la buhrieh ei ei ruh na u. U te u la ong, “U long U Trai; to un leh ïa kaba u hi u sngewbha.”