MIKAH 7:6 - KA BAIBL

⁶ Naba u khun u pynjahburom ïa la u kpa, ka khun ka ïeng pyrshah ïa la ka kmie, ka pyrsa kurim pyrshah ïa la ka kiaw kurim; bad ki nongshun u briew kin long ki briew kiba dei ha ïing jong u hi.

Khasi CL Bible (BSI)

⁶ Ha kine ki por, ki khun shynrang ki ñiew ïa la ki kpa kum kiba bieit, ki khun kynthei ki pyrshah ïa la ki kmie, bad ki kynthei samla ki ïakajia bad la ki kiaw; ki nongshun jong u briew ki dei ki dkhot na ka longïing jong u hi.

MIKAH 7:6 ပူးပေါင်းရင်းမြစ်များ

JENESIS 49:4

uba kyrsoi thnam kum ka um, men ym long uba kham donnam tam; naba me la kiew sha ka jingthiah u kpa jong me; bad kumta, me la pyntngit ïa ka: sha ka jingthiah jong nga keiñ u la kiew.

2 SAMUEL 16:11

Bad u Dabid u la ong ha u Abishai, bad ha la ki shakri baroh, “Ha khmih, u khun jong nga, uba la mih na ka kpoh jong nga, u wad ïa ka jingim jong nga: sa katno tam te kumta une u kynja Benjamin? To iehnoh ïa u, un wat tim; naba U Trai u la hukum ïa u.

SALM 41:9

Wat uta u lok ba-ieit jong nga hi ruh, ha uba nga la shaniah, uba la ju bam ïa u kpu jong nga, u la rah ïa la ka khongdong'jat pyrshah ïa nga.

PROBERB 30:11

Don ka pateng bynriew kaba tim ïa u kpa jong ki, bad ka bymkyrkhu ïa ka kmie jong ki.

PROBERB 30:17

Ka khmat kaba rkhiebeiñ ïa la u kpa, bad kaba ñiewbeiñ ban kohnguh ïa la ka kmie, ïa kata, ki tyngab ka ri them kin khlaw noh, bad ki khun pukni kin bam ïa ka.

ISAÏAH 3:5

Yn banbeiñ ïa u paidlang ruh, uwei ïa uwei pat, bad uwei uwei ïa la u paramarjan: u khynnah un leh sarong ïa u tymmen, bad uba poh ïa uba don burom.

ISAÏAH 9:19

Da ka jingbitar U Trai ki paid, ka ri ka la ingkhong: u paidlang ruh u long jingbam ïa ka ding; ym don u briew uba riej ïa la u para.

JEREMAÏAH 12:6

Naba wat ki para jong me, bad ka ïing u kpa jong me, kita hi keiñ ki la ïashetkylla ïa me; kita hi ruh ki la pyrta jam nadien jong me: wat ngeit ïa ki, la ki kren da ki ktien ki babha ïa me.”

JEREMAÏAH 20:10

Namar nga la ïohsngew ïa ka jingpynbudnam kiba bun, “Ka jingshyrkhei baroh sawdong. To kynnoh sniew, te ngin kynnoh sniew ïa u,” ong ki lok bajan jong nga baroh, kita kiba ap ba ngan dkoh; “lehse yn riam pah ïa u, bad ngin lah ïa u, bad ngin pynhiar kput halor jong u.”

JEREMAÏAH 9:4

“To uwei uwei baroh un sumar na la u paramarjan, bad to wat shaniah ha uno uno u para: namar man u para un ïashukor naduh haduh, bad man u paramarjan un ïaid kylleng da ki jingkren siar.

ESEKIEL 22:7

Ha pha ki la ñiew sting ïa la u kpa bad ïa la ka kmie; hapdeng jong pha ki la banbeiñ ïa u nongwei: ha pha ki la leh bymdei ïa kiba khlem kpa bad ïa ki riewkynthei.

OBADAÏAH 1:7

Ki briew baroh kiba na kata ka jingïateh lok jong me ki la leit on lynti ïa me, jin haduh ka pud: kita ki briew kiba ïasuk bad me ki la shukor ïa me, bad ki la jop ïa me; kita kiba la bam ïa u kpu jong me, ki la buh ka jingriam hapoh jong me: ym don ka jingsngewthuh satia ha u.

MATHAÏOS 10:21

U para te un ai noh ïa la u para ïa ka ban ïap, u kpa ruh ïa la ki khun: ki khun ruh kin ïeng ïaleh ïa ki kmie ki kpa, bad kin ïa-pynïap ruh ïa ki.

MATHAÏOS 26:23

U da ïathuh u la ong, “Uta uba pynngam ïa la ka kti ha ka pliang lem bad nga, uta keiñ u ban die noh ïa nga.

LOUKAS 12:53

Kin ïaleh makynti u kpa bad la u khun, u khun ruh bad la u kpa; ka kmie bad la ka khun, ka khun ruh bad la ka kmie; ka kiaw kurim bad la ka pyrsa kurim, ka pyrsa kurim ruh bad la ka kiaw kurim.”

LOUKAS 21:16

Yn ai noh ruh ïa phi wat da ki kmie ki kpa, bad da ki para, bad da ki kur, bad da ki lok; bad ïa kiba na phi kin pynïap.

ÏOANNIS 13:18

Ngam kren shaphang jong phi baroh: nga, nga ithuh ïa kiba nga la jied, ba yn ïoh pyndep ïa kata Ka Jingthoh, ‘Uta uba bam jingbam lem bad nga u la rah ïa la ka khongdong'jat ban ïaleh ïa nga.’