MIKAH 7:3 - KA BAIBL

³ Ki kti jong ki, ki ha ka basniew ïa ka ban leh biang biang ïa ka; u syiem u pan, bad u nongbishar u kloi ban bamsap; bad u bakhraw batri u kren ïa ka bymman ha la ka mynsiem; kumne ki thain lang ïa ka.

Khasi CL Bible (BSI)

³ Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

MIKAH 7:3 ပူးပေါင်းရင်းမြစ်များ

PROBERB 16:30

Uta uba khapbrip ïa la ki khmat, ka long ïa ka ban pun ïa kiei kiei kiba runar: uta uba kyrbam ïa la ki rmiang shyntur u pynlong ïa ka jingsniew.

PROBERB 17:23

U riewbymman u shim ïa ka jingai na ka shadem, ïa ka ban pynbakla ïa ki lynti ka jingbishar.

ISAÏAH 1:23

Ki nongsynshar jong pha ki leh kiat, bad ki long ki lok ki nongtuh; uwei uwei baroh u ieit kaba bamsap, bad u beh ïa ka myntoi; kim bishar ïa u khunswet, bad ka kam ka riewkynthei kam ju wan ha khmat jong ki.

ISAÏAH 26:21

Namar ha khmih, U Trai u mih noh na la ka jaka ban pynshitom ïa kiba shong ha ka khyndew namar ka jingleh bymhok jong ki: ka khyndew ruh kan pynpaw ïa ka snam jong ka, bad kan ym tap shuh ïa kiba la pynïap jong ka.

ISAÏAH 3:5

Yn banbeiñ ïa u paidlang ruh, uwei ïa uwei pat, bad uwei uwei ïa la u paramarjan: u khynnah un leh sarong ïa u tymmen, bad uba poh ïa uba don burom.

ISAÏAH 32:7

Ki tiar jong u bukhir ruh ki long ki basniew: u thaw ki buit bymman ban pynjot ïa ki bajemnud da ki ktien lamler, wat haba u bakyrduh u kren beit.

ISAÏAH 5:23

kiba pynksan ïa u bymman da ka jingbamsap, bad kiba knieh noh ïa ka hok jong u bahok na u!

JEREMAÏAH 3:5

Un bat sah ïa la ka jingbitar junom? Un ri ïa ka haduh ka bakut?’ Ha khmih, pha la kren bad pha la leh ïa kiei kiei ki basniew, bad pha la ïoh ïa la ka lynti.”

JEREMAÏAH 4:22

“Naba ki briew jong nga ki la bieit, kim ithuh ïa nga; ki long ki khynnah ki babieit, kim don jingsngewthuh ei ei: ki long ki basian ïa ka ban leh sniew, hynrei, ïa ka ban leh bha kim tip ei ei.”

JEREMAÏAH 8:10

Namar kata, ïa ki tnga jong ki ngan ai ha kiwei, bad ïa ki lyngkha jong ki ha kita ki ban ïoh ïa ki: naba uwei uwei baroh, naduh u barit tam haduh u bakhraw tam u la aiti ïa lade ha ka jingkwah lalot, naduh u prophet keiñ haduh u lyngdoh, uwei uwei baroh u leh shukor.

ESEKIEL 22:12

Ha pha, ki la bam tyngka ban pynmih ïa ka snam; pha la shim ka sut bad ïa kaba tam, bad pha la myntoi da kaba khwan na ki paramarjan jong pha da ka jingbanbor, bad pha la klet ïa nga,’ ” ong U Trai U Blei.

ESEKIEL 22:27

Ki rangbah jong ka hapdeng jong ka ki long kum ki suri kiba tar la ka jinglute; ban pynmih ïa ka snam, bad ban pynjot ïa ki mynsiem, ba kin ïoh ïa ka nong bymhok.

ESEKIEL 22:6

“ ‘Ha khmih, ki rangbah Israel, uwei uwei baroh katba kum ka bor jong u, ki la don ha pha ban pynmih ïa ka snam.

ESEKIEL 34:21

Namar ba phi la kyndat da ka krung bad da ka tyrpeng, bad phi la tur ïa ki bakhrew baroh da ki reng jong phi, tad ynda phi la pynsakma ïa ki kylleng la kylleng;

ESEKIEL 9:9

Te u la ong ha nga, “Ka jingbymhok ka ïing Israel bad ka ïing Judah ka la khraw eh, bad ka ri ka la dap da ka snam, bad ka shnong ka la dap da ka jingpynbakla ïa ka bishar; namar ki ong, ‘U Trai u la iehnoh noh ïa ka ri bad U Trai um ïohi.’

HOSIA 4:18

Ka jingdih jong ki, ka la jew: ki ïai-leh nuti; ki nongsynshar jong ki, ki ieit eh ïa ka jinglehrain.

HOSIA 7:3

Ki pynsngewbha ïa u syiem da la ka jingbymman, bad ïa ki rangbah da la ki jinglamler.

AMOS 5:12

Naba nga tip kiba bun syrtap katno ki long ki jingryngkang jong phi bad katno kiba jur ki long ki pop jong phi; phi kiba pynjynjar ïa ki bahok, kiba bamsap, bad kiba ñiat noh ha ka khyrdop ïa ki bakyrduh na la ka hok.

MIKAH 2:8

Hynrei, mynhynnin u paidbah jong nga u la ïeng kum u nongshun: phi law noh ïa ka barandi na ka jingkup na kita kiba ïaid lait ha kaba suk kum ki bym kwah ïa ka thma.

MIKAH 3:11

Ki rangbah jong ka ki bishar ba kin ïohnong, bad ki lyngdoh jong ka ki hikai namar ka bainong, bad ki nongïathuhlypa jong ka ki khan ba kin ïoh tyngka: pynban, ki shan ha U Trai, bad ki ong, ‘Hato U Trai um don hapdeng jong ngi? kan ym jia ka basniew ïa ngi.’

MIKAH 3:2

Kiba shun ïa ka babha, bad kiba ieit ïa ka basniew; kiba khoh ïa ka snep jong ki na ki, bad ïa ka doh jong ki na ki shyieng jong ki;

MATHAÏOS 26:15

u la ong, “Phin ai aïu ha nga, ba ngan die noh ïa U ha phi?” Ki la thew te ha u laiphew ki sbai rupa.

1 KORINTH 4:5

Kumta te, phi wat bishar ei ei ruh ha bym pat poi ka Ïa, tad ynda U Trai un wan, u ban pynshai ïa kiei kiei ba la buhrieh jong ka jingdum, bad u ban pynpaw ruh ïa ki jingthmu jong ki dohnud: ynda kumta, uwei pa uwei un ïoh la ka jingïaroh na U Blei.