MIKAH 7:2 - KA BAIBL

² Ki babha ki la duh noh na ka khyndew, te ym don u bahok hapdeng ki briew: baroh ki ïa-ap thap ïa ka snam; ki ïabeh mrad uwei uwei baroh ïa la u para da ka jar.

Khasi CL Bible (BSI)

² Ym don shuh u briew uba hok uba dang don ha ka ri, ym don mano mano baïaineh bad U Blei. Uwei pa uwei u ap ïa ka kabu ban pynïap briew. Uwei pa uwei u behmrad ïa la u para shnong.

MIKAH 7:2 ပူးပေါင်းရင်းမြစ်များ

SALM 10:9

U ap thap ha kyndong kum u sing ha la ka krem: u ap thap ban kem ïa u baduk: u kem ïa u baduk, haba u ring ïa u ha la ka jar.

SALM 12:1

To ïarap, A Trai; naba ki bariewblei ki duh noh; naba ki jah noh kiba ngeit napdeng ki khun bynriew.

SALM 12:2

Ki kren ïa ka jingthala uwei uwei ïa la u paramarjan: da ka rmiang shyntur bashukor, bad da ka dohnud ka basynrop ki ïakren.

SALM 57:6

Ki la khreh ïa ka jar ïa ki jingjam jong nga: la pyndem ïa ka mynsiem jong nga: ki la tih ïa ka thliew ha khmat jong nga; ki la hap hi hapdeng jong ka. Selah.

PROBERB 1:11

Lada ki ong, “Ale bad ngi, to ngin ïathap ban ïoh snam, to ngin ïa-ap ïa uba lui lui khlem daw;

PROBERB 12:6

Ki ktien jong u bymman ki long shaphang kaba thap ban ïoh snam: hynrei, ka shyntur jong uba beit kan pyllait ïa ki.

ISAÏAH 3:5

Yn banbeiñ ïa u paidlang ruh, uwei ïa uwei pat, bad uwei uwei ïa la u paramarjan: u khynnah un leh sarong ïa u tymmen, bad uba poh ïa uba don burom.

ISAÏAH 57:1

Ki bahok ki duh noh, te ym don ba buh ha la ka dohnud; bad ïa ki briew ba-isynei la shim noh, te ym don uba pyrkhat ba la shim noh ïa u bahok na ka jingsniew ka ban sa wan.

ISAÏAH 59:7

Ki sla'jat jong ki, ki phet sha ka basniew, bad ki long kiba stet ban pynmih snam balui lui: ki jingmut jong ki, ki long ki jingmut bymhok: ka jingpynduh bad ka jingpynjot ki long ha ki lynti ïaid jong ki.

ISAÏAH 9:19

Da ka jingbitar U Trai ki paid, ka ri ka la ingkhong: u paidlang ruh u long jingbam ïa ka ding; ym don u briew uba riej ïa la u para.

JEREMAÏAH 16:16

“Ha khmih, ngan phah khot shibun ki nongtong dohkha,” ong U Trai, “bad kin tong ïa ki; bad hadien kata, ngan phah khot shibun ki nongbeh mrad, bad kin beh mrad ïa ki na u lum bah baroh, bad na u lum rit baroh, bad na ki thliew ki mawsiang.

JEREMAÏAH 5:16

Ka ryngkap jong ki ka long ka jingtep ba rynghang, ki baroh ki long ki briew ki bakhrawbor.

JEREMAÏAH 5:26

Naba hapdeng ki briew jong nga la shem ïa ki briew ki basniew: ki ap kumba ap ki nongriam sim; ki shna jingriam, ki riam ïa ki briew.

JEREMAÏAH 8:6

Nga la sngap bad nga la ïohsngew, hynrei, kim shym la kren kaba dei: ym don uba kylla na ka jingbymman jong u, da kaba ong, ‘Nga la leh aïu?’ Uwei uwei baroh u phai sha la ka lynti, kum u kulai uba tur ruma ha ka thma.

SNGEWSYNEI 4:18

Ki beh ïa ki jingjam jong ngi, katba ngim lah ban leit ha ki lynti shnong jong ngi: ka bakut jong ngi ka jan, ïa ki sngi jong ngi la pyndep; naba ka bakut jong ngi ka la poi.

ESEKIEL 22:12

Ha pha, ki la bam tyngka ban pynmih ïa ka snam; pha la shim ka sut bad ïa kaba tam, bad pha la myntoi da kaba khwan na ki paramarjan jong pha da ka jingbanbor, bad pha la klet ïa nga,’ ” ong U Trai U Blei.

ESEKIEL 24:6

Namar kata, kumne u ong U Trai U Blei: “Kordit ïa ka nongbah kaba bit snam, ïa u dek uba ka sarang jong u ka sah ha u, bad uba ka sarang jong u kam pat khlur na u! to sei noh kawei pa kawei ka lyngkhot; ym don kawei ruh ka jingkhalai kaba hap ha ka.

HOSIA 5:1

“To sngew ïa kane, phi ki lyngdoh, bad to sngap, phi ka ïing Israel, bad to shahshkor, ko ïing u syiem, namar ha phi long ka jingbishar; namar phi la long ka jingriam ha Mispah, bad ka jar ba la phriang halor u Tabor.

HOSIA 6:9

Bad kumba ki paid nongtuh ki ap thap ïa u briew, kumta ruh ka kynhun ki lyngdoh ka shoh noh ha lynti sha Shekhem: shisha keiñ, ki la leh awria.

MIKAH 2:8

Hynrei, mynhynnin u paidbah jong nga u la ïeng kum u nongshun: phi law noh ïa ka barandi na ka jingkup na kita kiba ïaid lait ha kaba suk kum ki bym kwah ïa ka thma.

MIKAH 3:10

Ki tei ïa ka Seïon da ka snam, bad ïa ka Jerusalem da ka pop.

MIKAH 3:2

Kiba shun ïa ka babha, bad kiba ieit ïa ka basniew; kiba khoh ïa ka snep jong ki na ki, bad ïa ka doh jong ki na ki shyieng jong ki;

SEKHARAÏAH 11:6

Naba ngan ym isynei shuh ïa kiba shong ha ka ri,” ong U Trai: “hynrei, ha khmih, ngan ai noh ïa ki briew uwei uwei baroh ha ka kti u paramarjan jong u, bad ha ka kti u syiem jong u: te kin pom ïa ka ri, bad ngan ym pyllait ïa ki na ka kti jong ki.

KI KAM 24:9

Bad kita ki Jiw ruh ki la ïakohnguh, ki da ïathuh skhem ba kine kiei kiei ruh ki la long kumta.

1 SAMUEL 24:11

Bad nalor kata ruh, to khmih, ko kpa jong nga, shisha, to khmih ïa ka rmiang ka barandi jong me ha ka kti jong nga; namar na kaba nga la ot noh ïa ka rmiang ka barandi jong me, khlem da pynïap ïa me, to tip keiñ bad to khmih ba ha ka kti jong nga ym don ka jingbymman lymne ka jingsniew, bad ba ngam shym la leh pop ïa me, pynban, ma me, me beh mrad ïa ka mynsiem jong nga khnang ban kem ïa ka.

1 SAMUEL 26:20

Te namar kata, wat ai ïa ka snam jong nga ba kan hap ha ka khyndew shawei shawei na khmat U Trai: naba u syiem ki Israel u la wan mih noh ïa ka ban wad ïa u thyllah, kumba uwei u beh ïa ka 'iar khlaw ha ki lum.”