MIKAH 5:7 - KA BAIBL

⁷ Bad kiba sah jong u Jakob kin long hapdeng bun ki kynja bynriew kum ka umjer kaba na U Trai, kum ki 'lap praw halor u phlang; ki bym ap khmih ïa u briew, lymne ap ïa ki khun shynrang ki briew.

Khasi CL Bible (BSI)

⁷ Ki paid Israel kiba lait im kin long kum ka umjer ba pynpyngngad ba la phah da U Trai na ka bynta ki jaitbynriew ba bun, kum ki um slap ha ki jingthung ba dang mih. Kin shaniah ha U Blei, ym ha u briew.

MIKAH 5:7 ပူးပေါင်းရင်းမြစ်များ

MIKAH 5:3

Namar kata, un iehnoh ïa ki, haduh kata ka por ba kata kaba suhkhun kan kha khun: ynda kumta, kita kiba sah na ki para jong u kin phai pat sha ki khun Israel.

ISAÏAH 44:3

Naba ngan theh um ha uta u basliang, bad ki wah duid ha ka khyndew barkhiang: ngan theh ïa la U Mynsiem halor u symbai jong me, bad ïa la ka jingkyrkhu halor ki khun ki ksiew jong me:

DEUTERONOMI 32:2

Ka jinghikai jong nga kan hap kum u slap, ka jingkren jong nga ruh kan jaw kum ka umjer; kum u 'lap phñiup phñiup ha u jingthung balung, bad kum u 'lap praw ha u phlang:

HOSIA 14:5

Ngan long kum ka umjer ha u Israel: un phuh kum u 'tiew Lili, bad un suh ki thied jong u kum u Lebanon.

SALM 72:6

Un hiar kum u slap halor u phlang ba la ot: kum ki 'lap praw kiba ai um ïa ka khyndew.

Ka Shithi U Paul Sha Ki Nong Rom 10:20

Hynrei, shisha, u Isaïah u shlur shibun, bad u ong: “La shem ïa nga da kita ki bym shym la wad ïa nga; la pynpaw ïa nga ha kita ki bym ju kylli shaphang jong nga.”

SEKHARAÏAH 14:8

“Bad ha kata ka sngi, ki um kiba im kin mih noh na Jerusalem; shiteng jong ki shaphang ka duriaw mihngi, bad shiteng shaphang ka duriaw sepngi: mynlyiur bad myntlang ruh kan long.”

HOSIA 6:3

To ngin ithuh ruh, to ngin nang beh ban ithuh ïa U Trai; ka jingmih jong u ka skhem kum ka step: te un wan ha ngi kum u slap, kum u 'lap khatduh uba ai um ïa ka khyndew.

JEREMAÏAH 14:22

Don hapdeng ki jingthala ki Jentil kiba lah ban pynhap slap? Lane ki bneng ki lah ban ai 'lap praw? Ym long ma me uta, A Trai U Blei jong ngi? Namar kata, ngin ap khmih ïa me; namar me la thaw ïa kiei kiei baroh.

SALM 110:3

Ki briew jong me ki aiti sngewbha ïa lade ha ka sngi ka bor jong me; ha ki jingitynnad ka jingkhuid, na ka kpoh ka step phyrngab, me don ka umjer la ka jinglong samla.

1 KORINTH 3:6

Nga, nga la thung, u Apollos u la ai um; hynrei, U Blei u la pynman.

Ka Shithi U Paul Sha Ki Nong Rom 11:12

Te lada kata ka jingryngkang jong ki, ka jia long ka jingmanbha ïa ka pyrthei; bad kata ka jingduh jong ki, ka jia long ka jingmanbha ïa ki Jentil; hato kaba katno tam keiñ kan long ka jingdap jong ki?

Ka Shithi U Paul Sha Ki Nong Rom 9:30

Aïu pat ngin ïa-ong? Ba ki Jentil ki bym ju la beh ïa ka hok, ki la ïoh kot sha ka hok, wat ïa kata ka hok keiñ kaba na ka jingngeit.

KI KAM 16:9

Te ka jingithuhpaw ka la paw ha u Paul mynmiet; uwei u briew uba na Makedonia u la ïeng, u da kyrpad ïa u, bad u da ong, “To wan sha shiliang sha Makedonia bad to ïarap ïa ngi.”

KI KAM 13:46

Ynda kumta, u Paul bad u Barnabas ki la kren shlur, bad ki la ong, “La donkam ban ïalap ha phi nyngkong ïa ka ktien U Blei; hynrei, namar ba phi kyntait noh ïa ka, bad ba phi rai ïa lade ki bymbit ïa ka jingim bymjukut, ha khmih, ngi phai noh sha ki Jentil.

KI KAM 11:15

Te katba nga la sdang ban kren, U Mynsiem Bakhuid u la hap ha ki, kumjuh kumba ha ngi hi ha kaba mynnyngkong:

MATHAÏOS 28:19

namar kata keiñ, to khie da leit noh ma phi, to pynlong synran ïa ki bynriew baroh, da pynbaptis ïa ki ha ka kyrteng ka jong U Kpa, bad ka jong U Khun, bad ka jong U Mynsiem Bakhuid,

MIKAH 2:12

Da shisha ngan lum lang ïa me baroh, ko Jakob; da shisha ngan lum lang ïa kiba dang sah jong ki Israel; ngan buh lang ïa ki kum ki langbrot Bosrah: kum ka kynhun ha la ka jaka bam phlang, kin pynlong ka jingsawa bakhraw namar ba bun eh ki briew.”

AMOS 5:15

To shun ïa ka basniew, bad ieit ïa ka babha, bad to pynïeng ïa ka jingbishar ha ka khyrdop: lehse U Trai, U Blei ki paid, un leh isynei ïa kiba sah jong u Joseph.

JOEL 2:32

Te kan long, ba uwei uwei baroh uba khot kyrpad ïa ka kyrteng U Trai yn pynim ïa u: naba ha u lum Seïon bad ha Jerusalem kin long kita kiba lait im, kumba U Trai u la ong, bad hapdeng kita ba la pynsah, kita ïa kiba U Trai u khot.

ESEKIEL 47:1

Bad u la lam pat ïa nga sha ka jingkhang jong ka ïing; te ha khmih, ki um ki la mih noh napoh ka phyllaw jong ka ïing sha mihngi, namar ka khmat ka ïing ka la long shaphang mihngi: bad kita ki um ki la tuid na shapoh, na ka liang kaba sha kamon jong ka ïing, ha kaba shathie na ka duwan.

ISAÏAH 66:19

Bad ngan buh ka dak hapdeng jong ki, te kat kiba ïohlait na ki ngan phah sha ki jaid bynriew, sha Tarshish, sha Pul bad sha Lud, kiba wiat ïa ka ryntieh, sha Tubal bad sha Jaban, sha ki 'dewlynnong kiba sha jngai, ki bym shym la ïohsngew ïa ka nam jong nga, lymne kim shym la ïohi ïa ka burom jong nga; te kin sa pynbna ïa ka burom jong nga hapdeng ki jaid bynriew.

ISAÏAH 55:10

“Namar kumba u slap u hiar bad ka ïor na bneng, bad kam ju phai shatei, hynrei, ka ai um ïa ka khyndew, bad ka pynthylleng bad ka pynsei ïa ka, bad ka ai symbai ha uba bet bad kpu ha uba bam;

ISAÏAH 32:15

tad ynda yn theh noh ïa u mynsiem halor jong ngi na jrong, bad ka jaka khlaw kan long ka lyngkha basei soh, bad ka lyngkha basei soh yn ñiew kum ka bri dieng.

NONGBISHAR 6:36

Te u Gideon u la ong ha U Blei, “Lada men pynim ïa ki Israel da ka kti jong nga, kumba me la kren,

KI KAM 9:15

Hynrei, U Trai u la ong ha u, “To khie leit noh; naba uta u long u atiar ba la jied ha nga, ïa ka ban kit ïa ka kyrteng jong nga ha khmat ki Jentil, bad ki syiem, bad ki khun Israel de;

SEPHANAÏAH 3:13

Kita kiba sah jong u Israel kin ym leh bymhok, lymne kren ïa ka lamler; lymne ïa u thylliej uba shukor yn ym shem ha ka shyntur jong ki: naba kin bam bad kin thiah, te ym don shuh u ban pynsheptieng ïa ki.”

MIKAH 5:8

Bad kiba sah jong u Jakob kin long hapdeng ki jaid bynriew, hapdeng bun ki kynja bynriew, kum u sing hapdeng ki mrad khlaw, kum u sing samla hapdeng ki kynhun langbrot: uba, lada u ïaid lyngba, u ïuh roit bad u tar lyngkhot, bad ym don u ban pyllait.

ESEKIEL 14:22

Pynban, ha khmih, yn pynsah hangta ïa iba sah ïa iba yn rong noh, bad khun shynrang bad khun kynthei: ha khmih, kin ïawan noh sha phi, bad phin ïohi ïa ka lynti jong ki bad ïa ki jingleh jong ki: te yn sa pyntngen ïa phi shaphang kata ka basniew kaba nga la wallam halor ka Jerusalem, shaphang kata baroh keiñ kaba nga la wallam halor jong ka.

2 SAMUEL 17:12

Kumta, ngin lap ïa u ha kano kano ka jaka kat ha kaba yn shem ïa u, bad ngin tur ha u kumba hap ka umjer ha ka khyndew: te yn ym pynsah wat uwei ruh na u lymne na kita ki briew baroh kiba don lem bad u.

SALM 133:3

kum ka umjer u Hermon, kaba hiar halor ki lum Seïon: naba hangta keiñ, U Trai u la hukum ïa kata ka jingkyrkhu, ka jingim kaba ha la ka rta keiñ.

PROBERB 19:12

Ka jingbitar u syiem ka long kum ka jingkyrhuh u sing; hynrei, ka jingsngewbha jong u kum ka umjer halor u phlang.

DANIEL 11:32

Te kat ïa kita kiba leh sniew pyrshah ïa kata ka jutang, un pynkylla da ki jingshukor: hynrei, kita ki briew kiba ithuh ïa U Blei jong ki kin long kiba khlaiñ, bad kiba nang jop.

MIKAH 4:7

te ngan pynlong ka bynta ba sah ïa kata kaba la dkoh, bad ka jaid bynriew bakhlaiñ ïa kata kaba la bred noh sha jngai: bad U Trai un synshar halor jong ki ha u lum Seïon naduh mynta junom.”

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

ESEKIEL 5:5

Kumne u ong U Trai U Blei: “Kane ka long ka Jerusalem: nga la buh ïa ka hapdeng ki jaid bynriew, bad ki ri ki long baroh sawdong ïa ka.

MIKAH 4:13

To ïeng bad shoh kba, ko khun ka Seïon: naba ngan pynlong nar ïa ka reng jong pha, bad ngan pynlong rnong ïa ki khnap jong pha: te phan shoh lwet ïa bun ki jaid bynriew: bad phan pynkyntang ha U Trai ïa ka jingïoh jong ki, bad ïa ka spah jong ki ha U Trai ka khyndew baroh.

SEKHARAÏAH 9:13

Naba nga la wiat ïa u Judah ha nga, bad nga la pyndap ïa ka ryntieh da u Ephraim; bad ngan pynkhih ïa ki khun shynrang jong pha, ko Seïon, pyrshah ïa ki khun jong pha, ko Gris, bad ngan pynlong ïa pha kum ka waitlam u rangbah bakhlaiñ.”