MIKAH 5:4 - KA BAIBL

⁴ Bad un ïeng, bad un bsa ïa la ka kynhun ha ka bor U Trai, ha ka burom ka kyrteng U Trai U Blei jong u: bad kin ïashong; naba hangta un long uba khraw haduh ki bakut ka pyrthei.

Khasi CL Bible (BSI)

⁴ Haba u wan, un sa synshar ïa la ki briew da ka jingkhlaiñ kaba wan na U Trai bad da ka burom jong U Trai U Blei hi. Ki briew jong u kin shong ha ka jingshngain namar ki briew na kylleng ka pyrthei kin ithuh ïa ka jingkhraw jong u, bad un wanrah ïa ka jingsuk.

MIKAH 5:4 ပူးပေါင်းရင်းမြစ်များ

SALM 145:12

ïa ka ban pynbna ha u khun bynriew ïa ki jingleh badonbor jong u, bad ïa ka burom ka jingkhraw ka hima jong u.

SALM 22:27

Baroh ki bakut ka pyrthei kin kynmaw bad kin phai sha U Trai: bad ki kynja ki jaid bynriew baroh kin mane dem ha khmat jong me.

SALM 72:19

bad to long ba la kyrkhu ïa ka kyrteng ba-donburom jong u junom; bad to ai ban pyndap ïa ka khyndew baroh da ka burom jong u. Amen, bad Amen.

SALM 72:8

Un ïoh ka jingsynshar ruh naduh ka duriaw haduh ka duriaw, bad naduh ka Wah haduh ki bakut ka khyndew.

SALM 93:1

U Trai u synshar; u la kup ïa lade ha ka jinglong syiem; U Trai u la kup, u la panpoh ïa lade da ka bor: ïa ka pyrthei la pynskhem ruh, katba ym lah pynkhih ïa ka.

SALM 98:3

U la kynmaw ïa la ka jingisynei bad ïa la ka jingshisha sha ka ïing Israel: bad ki bakut ka khyndew baroh ki la ïohi ïa ka jingpynim U Blei jong ngi.

EKSODOS 23:21

To burom ïa u, bad to kohnguh ïa ka ktien jong u; wat pynbitar ïa u: namar un ym map ïa ki jingpalat jong phi; naba ka kyrteng jong nga ka don ha u.

ISAÏAH 45:22

“To phai khmat sha nga, bad to long ba la pynim ki bakut jong ka pyrthei baroh; namar nga, nga long U Blei, bad ym don uwei pat.

ISAÏAH 49:5

Te mynta u ong U Trai uba la thaw ïa nga na ka kpoh ban long u shakri jong u, ban wallam pat ha u ïa u Jakob, bad ban ïalum ïa ki Israel ha u: (naba nga long uba donburom ha khmat U Trai, bad U Blei jong nga u long ka bor jong nga:)

ISAÏAH 52:10

U Trai u la loit lyngkhuit ïa la ka ksang'ti bakhuid ha khmat ki jaid bynriew baroh; te ki bakut ka khyndew baroh kin ïohi ïa ka jingpynim U Blei jong nga.

ISAÏAH 52:13

Ha khmih, u shakri jong nga un leh stad, yn kyntiew ïa u bad yn pynkhraw ïa u, bad un long hajrong eh.

ISAÏAH 8:7

ha khmih te, namar kata, U Trai u wallam halor jong ki, ïa ki um jong kata ka Wah, kiba eh bad kiba bun, ïa u syiem ka Assyria keiñ, bad ka burom jong u baroh: te un kiew halor la ki wah baroh, bad un jyntia ïa la ki rud wah baroh:

MIKAH 7:14

To sharai ïa la ki briew da la u dieng, ka kynhun ka jingïoh kynti jong me, kiba shong weibriew, ha khlaw hapdeng u Karmel: ai kin ïabam ha Bashan bad Gilead, kum ha ki sngi mynbarim.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

SEKHARAÏAH 9:10

Bad ngan pynduh noh ïa ka kali thma na Ephraim, bad ïa u kulai na Jerusalem; bad yn pynduh noh ïa ka ryntieh ïaleh thma; bad un kren ka jingïasuk ha ki jaid bynriew: bad ka jingsynshar jong u kan long naduh ka duriaw haduh ka duriaw, bad naduh kata ka Wah haduh ki bakut ka khyndew.”

MALAKHI 1:5

Bad ki khmat jong phi kin ïohi, bad phi ong, ‘Ai ba yn pynkhraw ïa U Trai sha lyndet ka pud ki Israel.’ ”

MATHAÏOS 16:18

Nga ruh nga ong ha me, ba me long u Petros, bad halor une u mawsiang ngan tei ïa ka balang jong nga; te ki khyrdop ka dujok kin ym lah ïa ka.

MATHAÏOS 2:6

“ ‘Pha ruh ka Bethlehem, ka ri Judia, pham long i barit tam hapdeng ki syiem Judia: naba na pha un mih U Nongsynshar, u ban sharai ïa ki briew jong nga ki Israel.’ ”

MATHAÏOS 25:31

“Ynda U Khun u briew un wan te ha ka burom jong u, bad ki angel bakhuid baroh lem bad u, ynda kumta, un shong halor ka khet ka burom jong u,

LOUKAS 1:32

une un long U Bakhraw, bad yn khot ïa u, ‘U Khun U Bahakhlieh Tam Eh’: bad U Trai uba U Blei un ai ha u ïa ka khet u Dabid u kpa jong u;

ÏOANNIS 10:38

hynrei, lada nga leh, la phim ïangeit satia ïa nga, to phin ïangeit te ïa kita ki jingleh: ba phin ïoh tip, bad ba phin ïoh ngeit, ba uta U Kpa u ha nga, bad nga ruh ha u.”

ÏOANNIS 20:17

U Jisu u ong ha ka, “To wat ktah ïa nga; namar ngam pat leit kiew sha la U Kpa; hynrei, to khie leit sha ki para jong nga, bad to ong ha ki: Ngan sa leit kiew sha U Kpa jong nga, bad U Kpa jong phi, bad U Blei jong nga, bad U Blei jong phi.”

EPHESOS 1:3

Long ba la kyrkhu ïa U Blei bad U Kpa U Jisu Khrist uba U Trai jong ngi, uba la kyrkhu ïa ngi da ki jingkyrkhu bakynja mynsiem baroh ha ki jaka bneng ha U Khrist:

1 PETROS 1:5

ïa kiba la sumar da ka bor U Blei da ka jingngeit khnang ïa ka jingpynim, ïa kaba la khreh ban pynpaw ha ka Ïa ka bakhatduh.

JUDAH 1:1

U Judah, u shakri U Jisu Khrist, bad u para u Jakob, Ha kita ïa kiba la khot, kiba ieit ha U Blei U Kpa, bad ïa kiba la ri noh khnang ïa U Jisu Khrist:

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”