MIKAH 5:3 - KA BAIBL

³ Namar kata, un iehnoh ïa ki, haduh kata ka por ba kata kaba suhkhun kan kha khun: ynda kumta, kita kiba sah na ki para jong u kin phai pat sha ki khun Israel.

Khasi CL Bible (BSI)

³ Kumta, U Trai un sa aiti noh ïa la ki briew sha ki nongshun jong ki haduh ba ka briew ka ban sa kha kan ïoh ïa u khun jong ka. Nangta kito ki paid Israel kiba dang don ha ka jingshah ringmraw kin wan ïasoh lang bad ki briew la jong.

MIKAH 5:3 ပူးပေါင်းရင်းမြစ်များ

1 SYIEM 14:16

Te un sa iehnoh noh ïa ki Israel namar ki pop u Jeroboam, uba la leh pop, bad da ki u la pynleh pop ïa ki Israel.”

2 KHRONIKL 30:7

Bad to wat long phi kum ki kpa jong phi, bad kum ki para jong phi, kiba la leh palat ïa U Trai, U Blei ki kpa jong ki, kumta ba u la aiti noh ïa ki ban long ka jingkynjah, kumba phi ïohi.

SALM 67:3

Ai ba ki kynja bynriew kin ïaroh ïa me, A U Blei; ai ba ki kynja bynriew baroh kin ïaroh ïa me.

ISAÏAH 11:11

Te kan jia ha kata ka sngi, ba U Trai un sei pat ha ka ba-ar sien ïa la ka kti ban pynïoh pat ïa i bynta ba dang sah jong u paidlang jong u, i ban dang sah, na Assyria, bad na Ijipt, bad na Pathros, bad na Kush, bad na Elam, bad na Shinar, bad na Hamath, bad na ki 'dewlynnong ka duriaw.

ISAÏAH 49:6

U la ong te, “Ka long kaba sting eh ba men long u shakri jong nga ban pynïeng ïa ki jaid u Jakob, bad ban pynbha pat ïa kiba pynsah jong ki Israel: ngan ai ruh ïa me ban long ka jingshai ïa ki Jentil, ba men ïoh long ka jingpynim jong nga haduh ka bakut ka pyrthei.”

JEREMAÏAH 23:5

“Ha khmih, ki sngi kin wan,” ong U Trai, “ba ngan pynmih ha u Dabid ïa U Tnat u bahok, te un synshar kum u syiem bad un leh stad, bad un leh ïa ka jingbishar bad ïa ka hok ha ka ri.

JEREMAÏAH 31:1

“Ha kata ka por,” ong U Trai, “ngan long U Blei jong ki ïing Israel baroh, bad kin long ki briew jong nga.”

ESEKIEL 34:16

‘Ngan wad ïa kaba la jah noh, bad ngan wallam pat ïa kaba la beh noh, bad ngan spaiñ ïa kaba la kheiñ noh, bad ngan pynshait ïa kaba la pang: hynrei, ïa ki basngaid bad ki bakhlaiñ ngan pynjot; ngan bsa ïa ki ha ka jingbishar.’

HOSIA 11:8

“Kumno ngan iehnoh ïa me, Ephraim? kumno ngan pyllait ïa me, Israel? kumno ngan pynlong ïa me kum ka Admah? kumno ngan buh ïa me kum ka Seboim? ïa ka dohnud jong nga la pynkylla hapoh jong nga, ïa ki jingsngewsynei jong nga la pynmeh lang.

HOSIA 2:14

“Namar kata, ha khmih, ngan ring pah ïa ka, bad ngan wallam ïa ka sha ka ri kynjah, ngan kren sngewbha ruh ha ka.

HOSIA 2:9

Namar kata, ngan shim pat ïa la u Kew ha ka por jong u, bad ïa la ka Waiñ ha ka aïom jong ka, bad ngan shim noh ïa la u 'saiwul bad ïa la u 'saihon kiba dei ban tap ïa ka jinglyngkhuit jong ka.

AMOS 5:15

To shun ïa ka basniew, bad ieit ïa ka babha, bad to pynïeng ïa ka jingbishar ha ka khyrdop: lehse U Trai, U Blei ki paid, un leh isynei ïa kiba sah jong u Joseph.

MIKAH 4:4

Hynrei, kin ïashong uwei uwei baroh hapoh la u dieng Waiñ bad hapoh la u dieng Dumbur; te ym don u ban pynsheptieng ïa ki: naba ka shyntur U Trai ki paid ka la kren ïa kata.

MIKAH 4:7

te ngan pynlong ka bynta ba sah ïa kata kaba la dkoh, bad ka jaid bynriew bakhlaiñ ïa kata kaba la bred noh sha jngai: bad U Trai un synshar halor jong ki ha u lum Seïon naduh mynta junom.”

MIKAH 5:7

Bad kiba sah jong u Jakob kin long hapdeng bun ki kynja bynriew kum ka umjer kaba na U Trai, kum ki 'lap praw halor u phlang; ki bym ap khmih ïa u briew, lymne ap ïa ki khun shynrang ki briew.

MIKAH 5:8

Bad kiba sah jong u Jakob kin long hapdeng ki jaid bynriew, hapdeng bun ki kynja bynriew, kum u sing hapdeng ki mrad khlaw, kum u sing samla hapdeng ki kynhun langbrot: uba, lada u ïaid lyngba, u ïuh roit bad u tar lyngkhot, bad ym don u ban pyllait.

MIKAH 6:14

Phan bam keiñ, hynrei, phan ym kdang: bad kata ka jingpynrit ïa pha kan long hapdeng jong pha: bad phan pynkynriah, hynrei, phan ym ïoh rah noh skhem; bad ïa kata kaba pha rah noh ngan ai noh ha ka waitlam.

MIKAH 7:13

La kumta, ka ri kan long kaba kynjah namar kita kiba shong ha ka, namar u soh ki jingleh jong ki.

SEKHARAÏAH 10:6

“Bad ngan pynkhlaiñ ïa ka ïing Judah, bad ngan pynim ïa ka ïing u Joseph, bad ngan wallam ïa ki pat, naba nga la isynei ïa ki; bad kin long kumta kumba ngam shym la kyntait ïa ki: naba nga long U Trai U Blei jong ki, bad ngan shahshkor ïa ki.

MATHAÏOS 1:21

kan kha ruh ïa u khun; men khot ruh ïa ka kyrteng jong u, ‘U Jisu’: naba un pynim ïa la ki briew na ki pop jong ki.”

MATHAÏOS 12:50

Naba uno uno ruh u ban leh ïa ka mon U Kpa jong nga uba ha bneng, uta keiñ u long u para jong nga bad ka para bad ka kmie de.”

MATHAÏOS 25:40

Uta U Syiem te un ïathuh bad un ong ha ki, ‘Shisha nga ong ha phi, ha kaba phi la leh ïa ka ha uwei u barit tam na kine ki para jong nga, phi la leh keiñ ha nga.’

Ka Shithi U Paul Sha Ki Nong Rom 8:29

Namar ïa kiba u la ithuh lypa, u la thmu lypa ruh ban long kiba shidur keiñ bad ka dur ka jong U Khun jong u, ba un ïoh long uba la kha nyngkong hapdeng kiba bun ki para.