MIKAH 5:2 - KA BAIBL

² Hynrei, ma pha, ka Bethlehem Ephrathah, la pha long kaba rit hapdeng ki hajar Judah, na pha keiñ un mih ha nga uwei u ban sa long u nongsynshar ha Israel; uba ka jingmih jong u ka long na mynhyndai, naduh bymjukut.

Khasi CL Bible (BSI)

² U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

MIKAH 5:2 ပူးပေါင်းရင်းမြစ်များ

JENESIS 35:16

Ynda kumta, ki la ïaleit noh na Bethel; bad la don tang kumba shikyntien kwai lynti ban ïaid haduh Ephrath: bad ka Rakhel ka la suhkhun bad ka jingsuh khun jong ka, ka la long kaba jur eh.

JENESIS 35:19

Bad ka Rakhel ka la ïap noh, bad la tep ïa ka ha ka lynti sha Ephrath, kaba long ka Bethlehem.

JENESIS 48:7

Bad ynda nga la wan na Padan-Aram, ka Rakhel ka la ïap noh bad nga ha ka ri Kanaan ha lynti, haba dang don sa shi mail ka lynti haduh Ephrath: bad nga la tep ïa ka hangta ha ka lynti jong ka Ephrath; kaba long ka Bethlehem.”

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

1 KHRONIKL 2:54

Ki khun shynrang u Salma: u Bethlehem, bad ki Netophath, u Atroth-beth-Joab, bad shiteng ki Manahath, ki Sor.

1 KHRONIKL 4:4

bad u Penuel u kpa u Gedor, bad u Eser u kpa u Hushah. Kine ki long ki khun shynrang u Hur, u khun nyngkong u Ephrathah, u kpa u Bethlehem.

1 KHRONIKL 5:2

Naba u Judah u la jop halor ki para jong u, bad na u la wan uta u nongïalam; hynrei, ka jinglong hynmen ka la long ka jong u Joseph:)

SALM 132:6

Ha khmih, ngi la ïohsngew shaphang jong ka ha Ephrathah: ngi la shem ïa ka ha ka lyngkha ka Jaar.

SALM 90:2

Mynba mem pat pynmih noh ïa ki lum, lymne ba mem pat thaw dur ïa ka khyndew bad ïa ka pyrthei, wat naduh bymjukut haduh bymjukut, me, me long U Blei.

EKSODOS 18:21

Ruh putet, men jied na uta u paidbah baroh ïa ki briew kiba nang basian, ki basheptieng ïa U Blei, ïa ki briew keiñ ki bahok, kiba isih ïa ka jinglalot; men thung ruh kum kine halor jong ki, ba kin long ki nongsynshar ïa ki hajar, bad ki nongsynshar ïa ki spah, bad ki nongsynshar ïa ki sanphew, bad ki nongsynshar ïa ki phew.

EKSODOS 18:25

Te u Moses u la jied na ki Israel baroh ïa ki briew kiba nang basian, bad u la thung ïa ki, ki rangbah halor uta u paidbah, ki nongsynshar ïa ki hajar, ki nongsynshar ïa ki spah, ki nongsynshar ïa ki sanphew, bad ki nongsynshar ïa ki phew.

ISAÏAH 11:1

Te un mih u tnat lung na ka metbah u Jesse, bad u tnat na ki thied jong u un sei soh:

ISAÏAH 53:2

Naba u mih noh ha khmat jong u kum u jingthung ba dang lung, bad kum u thied na ka 'dewrkhiang: um don dur lymne jingitynnad: te haba ngi ïohi ïa u, ym don ka jingbhabriew ba ngin ibha ïa u.

ISAÏAH 55:4

Ha khmih, nga la ai ïa u ban long sakhi ha ki kynja bynriew, u nongïalam bad u nongai hukum ha ki kynja bynriew.

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

JEREMAÏAH 30:21

Bad u syiem jong ki un long napdeng jong ki hi, bad u nongsynshar jong ki un mih napdeng jong ki: bad ngan pynwan ïa u hajan, bad un wan sha jan jong nga: namar uei uta uba la ïoh ka jingshlur ban wan sha jan jong nga?” ong U Trai.

HOSIA 6:3

To ngin ithuh ruh, to ngin nang beh ban ithuh ïa U Trai; ka jingmih jong u ka skhem kum ka step: te un wan ha ngi kum u slap, kum u 'lap khatduh uba ai um ïa ka khyndew.

AMOS 9:11

“Ha kata ka sngi ngan pynïeng ïa Ka Tabernakl u Dabid kaba la kyllon, bad ngan pyndam ïa ki jingpynpei jong ka; bad ngan pynïeng pat ïa ki jingtwa jong ka, bad ngan tei pat ïa ki kumjuh kumba ha ki sngi mynbarim;

MIKAH 4:10

To nang suh, bad to kyan ban kha, ko khun ka Seïon, kum ka kynthei kaba kha khun: naba mynta phan mih noh na kane ka nongbah, bad phan shong ha madan, bad phan poi jin haduh Babilon; hangta keiñ, yn pynim ïa pha; hangta keiñ U Trai un siewspah ïa pha na ka kti ki nongshun jong pha.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

MATHAÏOS 2:1

Haba la kha ïa U Jisu ha Bethlehem Judia, mynba u Herod u long syiem, ha khmih, la wan ki riewstad na mihngi sha Jerusalem,

MATHAÏOS 2:6

“ ‘Pha ruh ka Bethlehem, ka ri Judia, pham long i barit tam hapdeng ki syiem Judia: naba na pha un mih U Nongsynshar, u ban sharai ïa ki briew jong nga ki Israel.’ ”

MATHAÏOS 28:18

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

LOUKAS 23:2

Ki la sdang ruh ban mudui ïa U, ki da ong, “Ngi la shem ïa une ba U da pynkiat ïa u paidlang, bad ba U da khang ban ai khajna ha u Kaisar, U da ong ba U hi U long U Khrist U Syiem.”

LOUKAS 23:38

La don te ka jingthoh shalor ba la thoh haneng jong U, ha ki dak Grik, bad Roman, bad Hebru de, “Une U Long U Syiem Jong Ki Jiw.”

ÏOANNIS 7:42

Kata Ka Jingthoh kam shym la ong, ba uta U Khrist u wan na u symbai u Dabid, bad na Bethlehem, ka nongrit ha kaba u Dabid u la ju don?”

DEUTERONOMI 1:15

Kumta, nga la shim ïa ki rangbah ki jaid jong phi, ki briew ki bastad, bad kiba donnam, bad nga la pynlong nongbishar ïa ki halor jong phi, ki rangbah halor ki hajar, bad ki rangbah halor ki spah, bad ki rangbah halor ki sanphew, bad ki rangbah halor ki shiphew, bad ki nongsynshar hapdeng ki jaid jong phi.

KOLOSSAI 1:17

bad u long mynshuwa kiei kiei baroh, bad ha u kiei kiei baroh ki ïaneh lang.

HEBRU 13:8

U Jisu Khrist u long ujuh mynhynnin, bad mynta, bad sha bymjukut.

HEBRU 7:14

Namar ka paw shynna ba U Trai jong ngi u la mih na u Judah; shaphang kata ka jaid, u Moses um shym kren ei ei ruh shaphang ki lyngdoh.

1 ÏOANNIS 1:1

Kata kaba la long na kaba mynnyngkong, ïa kaba ngi la ïohsngew, ïa kaba ngi la ïohi da ki khmat jong ngi, ïa kaba ngi la ïoh khmih pyllaw, bad ki kti jong ngi ki la ïoh tba, shaphang uta U Ktien ka jingim

JINGPYNPAW 19:16

Bad u don halor ka jaiñkup, bad halor ka lbong jong u, ka kyrteng ba la thoh, “U Syiem Ki Syiem bad U Trai Ki Trai”.

JINGPYNPAW 2:8

“Bad ha uta u angel jong ka balang ha Smyrna to thoh: Ïa kine kiei kiei ruh u ong uta u banyngkong bad u bakhatduh, uba la jia long u baïap, bad u la im pat:

JINGPYNPAW 21:6

Bad u la ong ha nga, “La pyndep. Nga long ma nga U Alpha bad U Omega, u basdang bad u bakut. Ha uta u basliang ngan ai ei na ka jong kata ka pukri ka um ka jingim.

NONGBISHAR 17:7

Te la don uwei u samla na Bethlehem Judah, na ka ïing Judah, uba long u Lebi, bad u la shong hangta.

RUTH 1:1

Te ha kita ki sngi, mynba ki nongbishar ki dang bishar, la don ka 'nemsniew ha kata ka ri. Bad uwei u briew uba na Bethlehem Judah, u la leit shong sha ka ri Moab, ma u bad ka tnga jong u, bad ki khun shynrang jong u, ar ngut.

RUTH 4:11

Te uta u paidbah baroh uba ha kata ka khyrdop, bad kita ki tymmen basan, ki la ïa-ong, “Ngi long sakhi keiñ. To U Trai un pynlong ïa kata ka kynthei kaba wan shapoh ka ïing jong me, kum ka Rakhel bad kum ka Leah, kita ar ngut keiñ kiba la tei ïa ka ïing Israel: to men man khraw bor ha Ephratah, bad to long uba donnam ha Bethlehem.

1 SAMUEL 10:19

phi te ha kane ka sngi phi la kyntait ïa U Blei jong phi, uba ma u hi u ju pynim ïa phi na ki jingjynjar jong phi baroh bad na ki jingkhuslai jong phi baroh; bad phi la ong ha u, ‘Em, hynrei, men thung syiem halor jong ngi.’ Mynta te namar kata, to ïeng ha khmat U Trai ha la ki jaid ki jaid, bad ha la ki hajar hajar.”

1 SAMUEL 17:12

Te u Dabid u la long u khun jong u nong Ephrath na Bethlehem Judah, uba kyrteng u Jesse; bad u la don phra ngut ki khun shynrang: te ha ki sngi u Saul, ïa une u briew la ñiew riewtymmen hapdeng ki briew.

1 SAMUEL 17:18

bad to rah ïa kine ki shiphew tylli ki ktung dud ha uta u rangbah shihajar jong ki, bad to leit jngoh ïa la ki hynmen, la ki koit ki khiah ne em, bad to pyllait ïa ka bynda jong ki.”

1 SAMUEL 23:23

To khmih te namar kata, bad to tip bha ïa kita ki jaka rieh baroh ha kiba u rieh, bad to wan phai pat sha nga khnang, te ngan ïaleit lem bad phi: bad lada u don ha kane ka ri, ngan wad ïa u kylleng ha ki hajar Judah baroh.”

1 SAMUEL 8:12

bad un buh ïa ki ha lade ban long ki rangbah ïa ki hajar, bad ki rangbah ïa ki sanphew; bad ban lur ïa ka lyngkha jong u, bad ban ot ïa ka jingot jong u, bad ban thaw ïa ki atiar ïapom jong u, bad ki atiar ïa ki kali ïapom jong u.