MIKAH 4:8 - KA BAIBL

⁸ Bad ma pha, ko ka kut jong ka kynhun, u lum ka khun ka Seïon, sha pha kan wan; shisha, kata ka jingsynshar kaba mynshuwa kan wan, ka hima ka khun ka Jerusalem.

Khasi CL Bible (BSI)

⁸ Bad ma pha, ko Jerusalem, ha kaba U Blei, kum u nongaplangbrot, u sumar ïa la ki briew, phan long pat sa shisien ka nongbah jong ka hima kaba la ju long ka jong pha.

MIKAH 4:8 ပူးပေါင်းရင်းမြစ်များ

JENESIS 35:21

Bad u Israel u la nang ïaid noh, bad u la pyiar ïa la ka ïingjaiñ sha lyndet ka kut Edar.

2 SAMUEL 5:7

Pynban, u Dabid u la jop ïa ka kut jong ka Seïon; kata ka long “Ka nongbah u Dabid”.

NEHEMAÏAH 3:25

U Palal u khun u Usai u la shna marpyrshah ïa ka pyrkhung ka kynroh, bad ïa ka ïing phira kaba pynkha na ka ïingsyiem kaba haneng kaba hajan ka phyllaw ka karod. Nadien jong u, u Pedaïah u khun u Parosh.

SALM 24:7

To kyntiew ïa la ki khlieh, ko phi ki khyrdop; bad to pynkyntiew ïa lade, phi ki jingkhang bymjukut: te U Syiem ka burom un rung shapoh.

SALM 48:3

U Blei u la pynithuh ïa lade ha ki ïingsyiem jong ka kum ka jaka rieh.

SALM 61:3

Naba me ju long ka jaka rieh ïa nga, ka kut baskhem na u nongshun.

JINGRWAI SOLOMON 4:4

Ka ryndang jong pha ka long kum ka kut u Dabid ïa kaba la thaw ban long ka ïing buh tiar ïapom, ha kaba la woh shiphew hajar ki 'tiehbah, baroh ki stieh jong ki riewkhlaiñ.

ISAÏAH 1:26

ngan ai pat ruh ïa ki nongbishar jong pha kum ha kaba mynnyngkong, bad ki nongïasylla jong pha kum mynshuwa: hadien kata, yn sa khot ïa pha, ‘ka shnong ka hok, ka nongbah baïaineh.’ ”

ISAÏAH 10:32

Ha kane ka sngi hi un sangeh ha Nob: u kaweh la ka kti sha u lum ka khun ka Seïon, u lum Jerusalem.

ISAÏAH 5:2

bad u la ker ïa ka, bad u la lum noh ïa ki maw na ka, bad u la thung ïa u dieng Waiñ babha ha ka, bad u la tei ka ïing phira hapdeng jong ka, bad u la tih ruh ka jaka jingtylliat soh ha ka: te u la khmih lynti ba kan sei da ki soh Waiñ, bad ka la sei da ki soh Waiñ khlaw.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 7:18

Hynrei, ki riewkhuid jong U Bahakhlieh Tam Eh kin ïoh ïa kata ka hima, bad kin shim ïa kata ka hima ha la ka rta, jin ha la ka rta, ha la ka rta hi.’

OBADAÏAH 1:21

Bad ki nongpynim kin wan kiew halor u lum Seïon ban bishar ïa u lum u Iso; te ka hima kan long ka jong U Trai.”

MIKAH 2:12

Da shisha ngan lum lang ïa me baroh, ko Jakob; da shisha ngan lum lang ïa kiba dang sah jong ki Israel; ngan buh lang ïa ki kum ki langbrot Bosrah: kum ka kynhun ha la ka jaka bam phlang, kin pynlong ka jingsawa bakhraw namar ba bun eh ki briew.”

SEKHARAÏAH 9:10

Bad ngan pynduh noh ïa ka kali thma na Ephraim, bad ïa u kulai na Jerusalem; bad yn pynduh noh ïa ka ryntieh ïaleh thma; bad un kren ka jingïasuk ha ki jaid bynriew: bad ka jingsynshar jong u kan long naduh ka duriaw haduh ka duriaw, bad naduh kata ka Wah haduh ki bakut ka khyndew.”

SEKHARAÏAH 9:12

To phai noh sha kata ka kut baskhem, phi ki nongsah byndi ba sah jingkyrmen: wat ha kane ka sngi, nga pynbna ba ngan pynburia ha pha ar shah.

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

JINGKHEIÑ 24:19

Uwei na u Jakob un synshar, bad un pynjot noh ruh ïa kaba dang sah na ka nongbah.”

MATHAÏOS 21:33

“Ha sngew ïa kawei pat ka pharshi: La don u briew uba u trai ïing, uba la thung ka brisoh, bad u la ker ïa ka baroh sawdong, bad u la tih ïa ka jaka tylliat Waiñ ha ka, bad u la tei ka ïing phira, bad u la ai wai ïa ka ha ki nongsumar bri, bad u la leit noh sha kawei pat ka ri.

MARKOS 12:1

Bad u la sdang ban kren ïa ki ha ki pharshi. “U briew u la thung ka brisoh, bad u la ker baroh sawdong, bad u la tih jaka tylliat soh Waiñ bad u la tei ïa ka ïing phira, bad u la ai wai ïa ka ha ki nongsumar bri, bad u la leit noh ruh sha kawei pat ka ri.

EPHESOS 1:21

kham sha jrong eh keiñ ïa ka jingsynshar, bad kaba don bor, bad ka bor, bad ka jinglong trai baroh, bad halor ka kyrteng baroh ba la kyrteng, ym tang ha kane ka pyrthei, hynrei, ha kata ka ban sa wan ruh:

JINGPYNPAW 22:5

Bad ka miet kan ym long shuh; te kim donkam ïa ka jingshai ka sharak, lymne ïa ka jingshai ka sngi; naba U Trai uba U Blei un pynshai ha ki, bad kin synshar sha ki bymjukut ki bymjukut.