MIKAH 4:7 - KA BAIBL

⁷ te ngan pynlong ka bynta ba sah ïa kata kaba la dkoh, bad ka jaid bynriew bakhlaiñ ïa kata kaba la bred noh sha jngai: bad U Trai un synshar halor jong ki ha u lum Seïon naduh mynta junom.”

Khasi CL Bible (BSI)

⁷ Ki la long kiba dkoh bad jngai na ïing, hynrei ngan pynlong ka jingsdang kaba thymmai bad kito kiba sah, bad kin long ka jaitbynriew kaba khraw. Ngan synshar halor jong ki ha u lum Seïon naduh kata ka por bad junom.”

MIKAH 4:7 ပူးပေါင်းရင်းမြစ်များ

SALM 2:6

“Pynban, nga la thung ïa la u syiem halor ka Seïon, u lum bakyntang jong nga.”

ISAÏAH 16:5

Te ïa ka khet yn sa pynskhem ha ka jingisynei, bad uwei un shong halor jong ka ha ka jingshisha, ha ka ïingjaiñ u Dabid; u da bishar, bad u da wad ïa ka jingbishar, bad uba kloi ban leh ïa ka hok.”

ISAÏAH 24:23

Bad ïa u bnai yn pynthap baïong, ïa ka sngi ruh yn pynlehrain; namar U Trai ki paid un synshar ha u lum Seïon, bad ha Jerusalem, ha khmat ki tymmen jong u ruh da kaba donburom.

ISAÏAH 6:13

Te lada dang sah kaba shiphew ha ka, yn bam duh pat ïa ka: kum u dieng Elah, bad kum u dieng Sning, uba u dyngkhong jong u, u sah haba la khet ïa ki; kumta uta u symbai bakhuid un long u dyngkhong jong ka.”

ISAÏAH 60:22

Ita iba rit in sa long shi hajar, bad ita bapoh ka jaid bynriew badonbor: nga U Trai ngan pynkloi ïa kata ha ka por jong ka.

ISAÏAH 66:8

Uei ba la ïohsngew kum ïa kata? Uei ba la ïohi kum ïa kita? Ïa ka ri yn kha ha ka shi sngi? Yn kha ïa ka jaid bynriew shisyndon? Naba ka Seïon tang ba ka la suh, ka la kha ïa la ki khun kumne kumne ruh.

ESEKIEL 43:7

Bad u la ong ha nga, “Ko khun u briew, kane ka long ka jaka ka khet jong nga, bad ka jaka ki poh'jat ki kjat jong nga, ha kaba ngan shong hapdeng ki khun Israel junom: bad ka ïing Israel kan ym pyntngit shuh ïa ka kyrteng bakhuid jong nga, lymne ma ki, lymne ki syiem jong ki, da ka jingklim jong ki, bad da ki metïap ki syiem jong ki ha ki jaka bajrong jong ki;

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 4:34

“Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

DANIEL 7:14

Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

DANIEL 7:27

Te ïa kata ka hima bad ïa ka jingsynshar, bad ïa ka jingkhraw jong kita ki hima hapoh ka bneng baroh, yn aiti noh ha ki briew jong kita ki riewkhuid ki jong U Bahakhlieh Tam Eh: ka hima jong u ka long ka hima bymjukut, bad ki jingsynshar baroh kin shakri bad kin kohnguh ïa u.’

HOSIA 1:10

Pynban, ka jingkheiñ ki khun Israel kan long kum u shyiap ka duriaw, u bym lah ban thew lymne ñiew; kan long ruh, ba ha ka jaka ha kaba la ong ha ki, “Phi phim long u paidlang jong nga”, yn ong ha ki, “Phi long ki khun shynrang U Blei u ba-im”.

JOEL 2:32

Te kan long, ba uwei uwei baroh uba khot kyrpad ïa ka kyrteng U Trai yn pynim ïa u: naba ha u lum Seïon bad ha Jerusalem kin long kita kiba lait im, kumba U Trai u la ong, bad hapdeng kita ba la pynsah, kita ïa kiba U Trai u khot.

JOEL 3:17

“Kumta phin ïoh tip ba nga long U Trai U Blei jong phi, uba shong sah ha Seïon u lum bakyntang jong nga: ynda kumta, ka Jerusalem kan long ka bakyntang, bad yn ym don ki nongwei ki ban ïaid ïa ka shuh.

OBADAÏAH 1:21

Bad ki nongpynim kin wan kiew halor u lum Seïon ban bishar ïa u lum u Iso; te ka hima kan long ka jong U Trai.”

MIKAH 2:12

Da shisha ngan lum lang ïa me baroh, ko Jakob; da shisha ngan lum lang ïa kiba dang sah jong ki Israel; ngan buh lang ïa ki kum ki langbrot Bosrah: kum ka kynhun ha la ka jaka bam phlang, kin pynlong ka jingsawa bakhraw namar ba bun eh ki briew.”

MIKAH 2:13

U nongpynpait u la leit kiew ha shuwa jong ki: la thom lyngba bad ki la ïaid sha ka khyrdop, bad ki la leit noh na ka: te u syiem jong ki u la nang ïaid sha shuwa jong ki, bad U Trai u ha khlieh jong ki.

MIKAH 5:3

Namar kata, un iehnoh ïa ki, haduh kata ka por ba kata kaba suhkhun kan kha khun: ynda kumta, kita kiba sah na ki para jong u kin phai pat sha ki khun Israel.

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

SEPHANAÏAH 3:13

Kita kiba sah jong u Israel kin ym leh bymhok, lymne kren ïa ka lamler; lymne ïa u thylliej uba shukor yn ym shem ha ka shyntur jong ki: naba kin bam bad kin thiah, te ym don shuh u ban pynsheptieng ïa ki.”

SEPHANAÏAH 3:20

Ha kata ka por, ngan ïalam shapoh ïa phi, bad ha kata ka por, ngan lum ïa phi: naba ngan pynlong jingdonnam bad ka jingïaroh ïa phi hapdeng ki briew baroh ka khyndew, haba ngan pynphai noh ïa ka jinglongmraw jong phi ha shuwa ki khmat jong phi,” ong U Trai.

LOUKAS 1:33

bad un synshar halor ka ïing u Jakob ha la ka rta; bad ka hima jong u ruh ka ban ym kut shuh.”

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”