MIKAH 4:3 - KA BAIBL

³ Bad un bishar hapdeng bun ki kynja bynriew, bad un sneng ïa ki jaid bynriew kiba khlaiñ kiba ha jngai; te kin shoh ïa ki waitlam jong ki ban long kti-phar, bad ïa ki sum jong ki ban long ki wait khmut: ka jaid bynriew kan ym rah ïa ka waitlam pyrshah ïa ka jaid bynriew, lymne kin ym hikai ïaleh thma shuh.

Khasi CL Bible (BSI)

³ Un pynbeit ïa ki jingïakajia hapdeng ki jaitbynriew, hapdeng ki bor bakhraw hajan bad hajngai. Kin shoh tyrnem ïa la ki waitlam ban pynlong ki lyngkor bad ïa ki sum sha ki wait ngor tnat dieng. Ki jaitbynriew kin ym ïaleh thma shuh, kin ym pynkhreh shuh ban ïaleh thma.

MIKAH 4:3 ပူးပေါင်းရင်းမြစ်များ

SALM 46:10

To sngap, bad to tip ba nga long U Blei ma nga: yn pynkyntiew ïa nga hapdeng ki jaid bynriew, yn pynkyntiew ïa nga ha ka khyndew.

SALM 46:9

U pynduh ïa ki jingïaleh thma haduh ka bakut ka khyndew; u pynkheiñ ïa ka ryntieh, bad u kdiah noh ïa u sum; u thang ïa ki kali ïapom ha ka ding.

SALM 72:3

Ki lum kin wallam ka jingsuk ha u paidbah, bad ki lum rit, ha ka hok.

SALM 72:7

Ha ki sngi jong u ki bahok kin roi; bad ka jingkynrei ka jingsuk, haduh ba ym don bnai shuh.

SALM 82:8

To ïeng, A U Blei, to bishar ïa ka khyndew: naba men ïoh kynti ïa ki jaid bynriew baroh.

SALM 96:13

ha khmat U Trai, naba u wan; namar u wan ban bishar ïa ka khyndew; un bishar ïa ka pyrthei da ka hok, bad ïa ki kynja bynriew da ka jingshisha jong u.

SALM 98:9

ha khmat U Trai, naba u wan ïa ka ban bishar ïa ka khyndew: un bishar ïa ka pyrthei da ka hok, bad ïa ki kynja bynriew da ka jingbeit.

ISAÏAH 2:4

Bad un bishar hapdeng ki jaid bynriew, bad un sneng shibun ki kynja bynriew: te kin shoh phar-lyngkor ïa la ki waitlam, bad ki wait tari ïa la ki sum: ka jaid bynriew kan ym rah ka waitlam ban ïaleh ïa ka jaid bynriew, lymne, kin ym hikai ïaleh thma shuh.

ISAÏAH 25:3

Namar kata, u paidlang bakhlaiñ un pyndonburom ïa me, ka nongbah ki jaid bynriew ba-ishyrkhei kan sheptieng ïa me.

ISAÏAH 51:5

Ka hok jong nga ka hajan, ka jingpynim jong nga ka la mih noh, bad ki ksang'ti jong nga kin bishar ïa ki kynja bynriew; ki 'dewlynnong kin ap khmih ïa nga, bad ha ka ksang'ti jong nga kin shaniah.

ISAÏAH 60:12

Namar kata ka jaid bynriew bad kata ka hima ka ban ym shakri ïa pha kan jot noh; shisha keiñ, ïa kita ki jaid bynriew yn pynjot noh khoit.

ISAÏAH 65:25

U suri bad u khun langbrot kin ïabam ryngkat, u sing ruh un bam phlang kum u masi dab: bad ka 'dewmet kan long ka jingbam u bseiñ. Kin ym ïa-pynsniew lymne ïa-pynduh ha u lum bakhuid jong nga baroh,” ong U Trai.

ISAÏAH 9:7

Ka jingroi ka jingsynshar jong u bad ka jingsuk kan ym kut shuh, halor ka khet u Dabid, bad halor ka hima jong u, ïa ka ban pynïeng ïa ka, bad ïa ka ban kyrshan ïa ka da ka jingbishar bad da ka hok naduh mynta bad ha la ka rta. Ka jingshitrhem U Trai ki paid kan pyndep ïa kane.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

HOSIA 2:18

Te ha kata ka sngi, ngan pynlong ka jutang na ka bynta jong ki bad ki mrad khlaw, bad ki sim bneng, bad ki kynja bapar jong ka khyndew: ngan pynkheiñ ruh ïa ka ryntieh bad ïa ka waitlam bad ïa ka thma na ka ri, bad ngan pynthiah suk ïa ki.

HOSIA 2:20

Ngan ïatehktien ruh ïa pha ha nga ha ka jingïaineh: te phan ithuh ïa U Trai.

JOEL 3:2

ngan lum ïa ki jaid bynriew baroh, bad ngan wallam ïa ki ha Ka Them u Jehoshaphat; te ngan ïasaid bad ki hangta na ka bynta la ki briew bad na ka bynta ki Israel kaba ka bynta jong nga, ïa kiba ki la pynsaphred hapdeng ki jaid bynriew, bad ki la ïasam ïa ka ri jong nga.

MIKAH 5:15

Bad ngan pynhiar kput ha ka jingbitar bad ka jingotshla halor kita ki jaid bynriew ki bym shym la shahshkor.”

SEKHARAÏAH 14:3

Ynda kumta, U Trai un mih, bad un ïaleh ïa kita ki jaid bynriew, kumba u la ïaleh ha kata ka sngi ka jingïaleh thma.

SEKHARAÏAH 8:20

“Kumne u ong U Trai ki paid: ‘Kan jia pat ba kin wan bun ki paidbah, bad kiba shong ha bun ki nongbah:

SEKHARAÏAH 9:10

Bad ngan pynduh noh ïa ka kali thma na Ephraim, bad ïa u kulai na Jerusalem; bad yn pynduh noh ïa ka ryntieh ïaleh thma; bad un kren ka jingïasuk ha ki jaid bynriew: bad ka jingsynshar jong u kan long naduh ka duriaw haduh ka duriaw, bad naduh kata ka Wah haduh ki bakut ka khyndew.”

KI KAM 17:31

naba u la buh ka sngi ha kaba un sa bishar ïa ka pyrthei ha ka hok da uta u briew ïa uba u la thung; shaphang kata, u la ai ka jingpynskhem ha ki briew baroh, da kaba u la pynmih pat ïa u na ki baïap.”

JINGPYNPAW 19:11

Bad nga la ïohi ïa ka bneng ba la plie, bad ha khmih ka kulai balieh; bad ïa uta uba shong halor jong ka la khot U Baïaineh bad U Bashisha; bad ha ka hok, u bishar bad u ïaleh thma.

1 SAMUEL 2:10

Yn pynlwet jin ïa ki nongïaleh pyrshah ïa U Trai; na bneng un tied pyrthat pyrshah ïa ki: U Trai un bishar ïa ka bakut ka pyrthei; un ai bor ruh ha la u syiem, bad un pynkyntiew ïa ka reng jong uba la sleh jong u.”