MIKAH 4:1 - KA BAIBL

¹ Hynrei, ha ki sngi ki bakhatduh kan long, ba ïa u lum ka ïing U Trai yn pynskhem halor ka khlieh ki lum, bad yn pynkyntiew ïa ka ha khlieh ki lum rit; bad ki paidbah kin ïatuid noh ha u.

Khasi CL Bible (BSI)

¹ Ha ki sngi ki ban wan u lumbah ha kaba ka Templ ka ïeng un long uba jrong tam na baroh, uba tyllep ïa ki lumrit baroh. Ki jaitbynriew kiba bun kin wan tuid sha u,

MIKAH 4:1 ပူးပေါင်းရင်းမြစ်များ

JENESIS 49:1

Ynda kumta, u Jakob u la khot ïa la ki khun shynrang, bad u la ong, “To ïalang hajuh, ba ngan ïathuh ha phi kaei kan jia ïa phi ha ki sngi ki ban sa wan.

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

SALM 110:3

Ki briew jong me ki aiti sngewbha ïa lade ha ka sngi ka bor jong me; ha ki jingitynnad ka jingkhuid, na ka kpoh ka step phyrngab, me don ka umjer la ka jinglong samla.

SALM 22:27

Baroh ki bakut ka pyrthei kin kynmaw bad kin phai sha U Trai: bad ki kynja ki jaid bynriew baroh kin mane dem ha khmat jong me.

SALM 48:1

U bakhraw long U Trai, bad uba dei eh ban ïaroh, ha ka nongbah U Blei jong ngi, ha u lum bakyntang jong u.

SALM 86:9

Ki jaid bynriew baroh kiba me la thaw kin wan mane ha khmat jong me, A Trai; bad kin pyndonburom ïa ka kyrteng jong me.

ISAÏAH 27:13

Te kan jia ha kata ka sngi, ba yn put ïa ka ronsing bakhraw; kita ruh kin wan ki ban sa jot ha ri Assyria, bad kita ruh kiba la long nongphetwir ha ri Ijipt; te kin ïamane ïa U Trai ha u lum bakhuid ha Jerusalem.

ISAÏAH 43:6

ngan ong ha ka shatei, ‘To ai noh’; bad ha ka shathie, ‘Wat bat noh’; to wallam ïa ki khun shynrang jong nga na jngai, bad ïa ki khun kynthei jong nga na ka bakut ka pyrthei;

ISAÏAH 49:6

U la ong te, “Ka long kaba sting eh ba men long u shakri jong nga ban pynïeng ïa ki jaid u Jakob, bad ban pynbha pat ïa kiba pynsah jong ki Israel: ngan ai ruh ïa me ban long ka jingshai ïa ki Jentil, ba men ïoh long ka jingpynim jong nga haduh ka bakut ka pyrthei.”

ISAÏAH 54:2

“Pynkylluid ïa ka jaka ka ïingjaiñ jong pha, bad to kin pynïar noh ïa ki jaiñ ki jaka shong jong pha; wat bynnud: kham pynjrong ïa ki tyllai jong pha, kham pynskhem ruh ïa ki snar jong pha.

ISAÏAH 56:7

ïa ki ngan wallam keiñ sha u lum bakyntang jong nga, bad ngan pynkmen ïa ki ha ka ïing jingduwai jong nga; ïa ki jingainguh thang jong ki bad ïa ki jingkñia jong ki yn pdiang hun ha ka duwan jong nga: namar ïa ka ïing jong nga yn khot ‘ka ïing jingduwai ïa ki kynja bynriew baroh.’ ”

JEREMAÏAH 16:19

A Trai, ka bor jong nga, bad ka kut baskhem jong nga, bad ka jaka rieh jong nga ha ka sngi ka jingjynjar, sha me ki jaid bynriew kin wan na ki bakut ka khyndew, bad kin ong, “Ki kpa jong ngi kim shym ïoh ei ei, hynrei, tang ki jinglamler, ïa ka jingthala keiñ, bad kiei kiei ki bym pynmyntoi.

JEREMAÏAH 26:18

“U Mikaïah u nong Morasht u la ïathuhlypa ha ki sngi u Hesekaïah u syiem ka Judah; bad u la kren ha u paidbah Judah baroh, u da ong, ‘Kumne u ong U Trai ki paid: “ ‘Ïa ka Seïon yn lur kum ïa ka lyngkha, bad ka Jerusalem kan long lymbher, bad u lum jong ka ïing kum ki jaka bajrong jong ka khlaw.’

JEREMAÏAH 3:17

Ha kata ka por, kin khot ïa ka Jerusalem ‘ka khet jong U Trai’; bad yn ïalum lang ïa ki jaid bynriew baroh ha ka, sha ka kyrteng U Trai, ha Jerusalem keiñ; lymne kin ym ïaid shuh kat kum ka jingmutlop ka dohnud basniew jong ki.

JEREMAÏAH 31:12

Bad kin sa ïawan rwai ha u lum Seïon, bad kin sa ïatuid lang sha ka jingbha jong U Trai, sha u Kew, bad sha ka Waiñ, bad sha ka umphniang, bad sha ki khun blang bad ki khun masi: bad ka mynsiem jong ki kan long kum ka kper ba la ai um, bad kin ym ïasngewsih shuh lano lano ruh.

JEREMAÏAH 48:47

Hynrei, ngan pynphai pat ïa ka jinglongmraw ka Moab ha ki sngi bakhatduh,” ong U Trai. Haduh katta long ka jingpynshitom ka Moab.

ESEKIEL 38:16

bad men wan kiew ban ïaleh ïa ki briew jong nga ki Israel, kum u lyoh ïa ka ban tap lup ïa ka ri; kan jia te ha ki sngi ki bakhatduh, ba ngan wallam ïa me ban ïaleh ïa ka ri jong nga, khnang ba ki jaid bynriew kin ithuh ïa me, haba yn pynkyntang ïa nga ha me, ko Gog, ha khmat jong ki.”

ESEKIEL 40:2

Ha ki jingithuhpaw jong U Blei, u la wallam ïa nga sha ka ri Israel, bad u la pynshong ïa nga halor uwei u lum bah uba da jrong eh, ha uta, la don kum ka dur jong ka shnong na shathie.

ESEKIEL 43:12

Kane ka long ka aiñ jong ka ïing: ha ka kliar u lum bah ka pud jong u baroh sawdong kan long ka bakhuid tam. Ha khmih, kane ka long ka aiñ jong ka ïing.”

DANIEL 10:14

Mynta nga la wan ban pynsngewthuh ïa me shaphang kata ka ban jia ïa ki briew jong me ha ki sngi ki bakhatduh: namar ka jingithuhpaw ka long ïa kaba lawei lathai.”

DANIEL 2:28

hynrei, don U Blei ha bneng uba pynpaw ïa ki jingbuhrieh, bad u la pyntip ïa u Nebukhadnessar syiem ïa kaei ka ban jia long ha ki sngi ki bakhatduh. Ka jingphohsniew jong me, bad ki jingithuhpaw ka khlieh jong me ha la ka jingthiah, ki long kine:

DANIEL 2:35

Ynda kumta, la pynlwet lang ïa ka nar, ïa ka 'dewbyrtha, ïa ka rnong, ïa ka rupa, bad ïa ka ksiar, bad ki la long kum u stait ha ki kyntem kba ha ka por lyiur; bad ka lyer ka la kit noh ïa ki, katba ym shym la shem jaka shuh ïa ki: te uta u maw uba la shoh ïa kata ka durblei u la kylla long u lum uba khraw, bad u la dap ïa ka khyndew baroh.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 7:14

Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

DANIEL 7:18

Hynrei, ki riewkhuid jong U Bahakhlieh Tam Eh kin ïoh ïa kata ka hima, bad kin shim ïa kata ka hima ha la ka rta, jin ha la ka rta, ha la ka rta hi.’

DANIEL 7:22

tad ynda uta uba na mynhyndai kulong u la wan, bad u la ai ka jingbishar ha kita ki riewkhuid jong U Bahakhlieh Tam Eh; bad ka por ka la poi ba ki riewkhuid ki la shim ïa kata ka hima.

DANIEL 7:27

Te ïa kata ka hima bad ïa ka jingsynshar, bad ïa ka jingkhraw jong kita ki hima hapoh ka bneng baroh, yn aiti noh ha ki briew jong kita ki riewkhuid ki jong U Bahakhlieh Tam Eh: ka hima jong u ka long ka hima bymjukut, bad ki jingsynshar baroh kin shakri bad kin kohnguh ïa u.’

HOSIA 3:5

hadien kata, ki khun Israel kin sa phai, bad kin sa wad ïa U Trai U Blei jong ki, bad ïa u Dabid u syiem jong ki de; te kin sa wan da ka jingsheptieng ha U Trai bad ha ka jinglehsbun jong u ha ki sngi ki bakhatduh.

MIKAH 3:12

Namar kata, ïa ka Seïon yn lur kum ka lyngkha namar jong phi, bad ka Jerusalem kan long ki lymbher, bad u lum jong ka ïing kum ki jaka bajrong jong ka khlaw.”

SEKHARAÏAH 14:10

Bad ïa ka ri baroh yn pynkylla kum ka madan, naduh Geba haduh Rimmon shaphang shathie ka Jerusalem; bad yn pynkyntiew ïa ka, bad kan shong ha la ka jaka, naduh ka khyrdop u Benjamin haduh ka jaka ka khyrdop ka banyngkong, haduh ka khyrdop ka dong, bad naduh ka kut u Hananil haduh ki jingtylliat Waiñ u syiem.

SEKHARAÏAH 2:11

Bad bun ki jaid bynriew kin pynïasoh ïa lade ha U Trai ha kata ka sngi, bad kin long ki briew jong nga: bad ngan shong hapdeng jong pha, bad phan ïoh tip ba U Trai ki paid u la phah ïa nga ha pha.

SEKHARAÏAH 8:3

Kumne u ong U Trai: “Nga la wan phai sha ka Seïon, bad ngan shong sah hapdeng ka Jerusalem: bad ïa ka Jerusalem yn khot ‘Ka nongbah ka jingshisha’; bad ïa u lum U Trai ki paid, ‘U lum u bakhuid.’ ”

MALAKHI 1:11

Naba na kaba mih ka sngi jin haduh kaba sep jong ka, ka kyrteng jong nga ka long kaba khraw hapdeng ki Jentil; bad ha ka jaka baroh la ainguh da ka jingainguh baiwbih ha ka kyrteng jong nga, bad da ka jingainguh ka bakhuid: naba ka kyrteng jong nga ka long kaba khraw hapdeng ki Jentil,” ong U Trai ki paid.

KI KAM 2:17

“ ‘Kan jia ruh ha ki sngi ki bakhatduh,’ ong U Blei, ‘ba ngan theh noh na U Mynsiem jong nga halor ka doh baroh; te ki khun shynrang jong phi bad ki khun kynthei jong phi kin ïathuhlypa, bad ki samla jong phi kin ïohi ïa ki jingithuhpaw, bad ki tymmen jong phi ruh kin phohsniew ki jingphohsniew:

HEBRU 1:2

ïa uba u la thung ban long u nongïoh pateng ïa kiei kiei baroh, da u ruh, la thaw ïa ki pyrthei;

2 PETROS 3:3

da kaba phi tip ïa kane nyngkong, ba ha ki sngi ki bakhatduh kin wan ki nongkrenbeiñ da ka jingkrenbeiñ, kiba ïaid katba kum ki jingkwah brai la ki jong hi,

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 15:4

Uei u ban ym tieng burom ïa me, A Trai, bad pyndonburom ïa ka kyrteng jong me? naba tang ma me hi u bakhuid. Naba ki kynja bynriew baroh kin ïawan bad kin ïamane dem ha khmat jong me, naba la pynpaw shynna ïa ki jingleh bahok jong me.”

JINGPYNPAW 20:4

Bad nga la ïohi ïa ki khet, bad don kiba la shong halor jong ki, bad la ai ka jingbishar ha ki; bad nga la ïohi ïa ki mynsiem jong kita ïa kiba la khrai khlieh na ka bynta kata ka jingphla ïa U Jisu, bad na ka bynta ka ktien U Blei, bad jar ki bym shym la ïamane dem ïa uta u mrad khlaw, lymne ïa ka dur jong u, bad kim shym la pdiang ïa kata ka dak halor ka shyllangmat jong ki bad halor ka kti jong ki; te ki la im, bad ki la synshar lem bad U Khrist, shi hajar snem.