MIKAH 3:7 - KA BAIBL

⁷ Te ki nongïohi kin lehrain, bad ki nongkhan kin dum buit; shisha, baroh kin tap ïa la ki rmiang shyntur: namar ym don ka jingphai ktien na U Blei.

Khasi CL Bible (BSI)

⁷ Kito kiba ïathuh lypa ïa ka lawei kin shah pynjahburom da ka jingbymlah jong ki. Baroh kin shah pynlehrain namar U Blei um shym jubab ïa ki.

MIKAH 3:7 ပူးပေါင်းရင်းမြစ်များ

SALM 74:9

Ngim ïohi shuh ïa ki dak jong ngi: ym don shuh u nongïathuhlypa; lymne ym don hapdeng jong ngi uno uno uba tip haduh lano.

EKSODOS 9:11

Kita ki nongleh byrtong te kim lah ïeng ha khmat u Moses namar kita ki tohjaw; namar kata, ki tohjaw ba-mih ksuit ki la don ha kita ki nongleh byrtong, bad ha ki Ijipt baroh.

ISAÏAH 44:25

Uba pyndam noh ïa ki dak jong kiba lamler, bad uba pynlamwir ïa ki nongkhan; uba pynphai da dien ïa ki bastad, bad uba pynbieit ïa ka jingtip jong ki:

JEREMAÏAH 18:18

Ynda kumta, ki la ong, “Ïa, to ngin ïathaw ki buit ban ïaleh ïa u Jeremaïah; naba ka hukum kan ym duh na u lyngdoh, lymne ka jingpyrkhat na uba stad, lymne ka ktien na u nongïathuhlypa, ïa ngin shoh ïa u da u thylliej, bad to ngin ym shahshkor ïa kino kino ki ktien jong u.”

ESEKIEL 24:17

To ud, hynrei, wat da pynjam; wat leh sngewsih na ka bynta ka baïap, spong la ka jaiñspong, phong la ki juti ha la ki kjat, bad wat tap la ki rmiang shyntur, bad wat bam ïa u kpu ki briew.”

ESEKIEL 24:22

Bad phin leh kumba la leh ma nga: phin ym tap la ki rmiang shyntur, lymne bam ïa u kpu ki briew.

LEBITIKOS 13:45

“Te uta u bapang 'ñiangthohlieh ha uba don kata ka jingpang sniew, ïa ki jaiñ jong u yn kad noh, bad ka khlieh jong u kan sah lyngkhaw, bad un tap ïa lade haduh ka rmiang shyntur jong u kaba shaneng; hadien kata, un pyrta, ‘U ba-tngit, u ba-tngit.’

AMOS 8:11

“Ha khmih, ki sngi kin wan,” ong U Trai U Blei, “bad ngan phah ka jingkyrduh ha ka ri, ym ka jingkyrduh kpu, lymne ka jingsliang ïa ka um, hynrei, ka jong kaba ïohsngew ïa ki ktien U Trai.

MIKAH 3:4

“Ynda kumta, kin ïam ha U Trai, hynrei, un ym phai ktien ïa ki: un buhrieh ïa la ka khmat na ki, pynban, ha kata ka por, kat kumba ki la leh sniew ha ki jingleh jong ki.

MIKAH 7:16

Ki jaid bynriew kin ïohi bad kin lehrain ïa ka bor jong ki baroh: kin buh ïa la ka kti ha ka shyntur jong ki, ki shkor jong ki kin kyllut.

SEKHARAÏAH 13:4

“Te kan jia ha kata ka sngi, ba ki nongïathuhlypa kin lehrain uwei uwei baroh ïa la ka jingithuhpaw, haba u ïathuhlypa; lymne kin ym phong ïa ka jaiñkup shñiuh ban shukor;

1 SAMUEL 14:37

Bad u Saul u la kylli na U Blei, “Ngan leit hiar ne em hadien kine ki Philistia? ma me ruh men aiti noh ne em ïa ki ha ka kti ki Israel?” Hynrei, um shym phai ktien ha u ha kata ka sngi.

1 SAMUEL 28:15

Te u Samuel u la ong ha u Saul, “Balei ba me la pynkhih ïa nga, ïa ka ban pynmih ïa nga?” Te u Saul u la ïathuh, “Ma nga, nga la shipa noh khop; namar ki Philistia ki ïaleh thma ïa nga, bad U Blei u la kynriah noh na nga, bad um ïathuh shuh ïa nga, lymne da ki nongïathuhlypa, lymne da ki jingphohsniew; namar kata, nga la khot ïa me, ba men pyntip ïa nga ïa kaei kaba nga dei ban leh.”

1 SAMUEL 28:6

Bad haba u la kylli na U Trai, U Trai um shym ïathuh ha u, lymne da ki jingphohsniew, lymne da ki Urim, lymne da ki nongïathuhlypa de.

1 SAMUEL 9:9

(Mynnor ha Israel, u briew haba u leit ban ïakylli na U Blei, u la ju ong kumne, “Ale ngin ïaleit sha u nongïohi:” namar uta ïa uba khot mynta “u Nongïathuhlypa” la ju khot mynno mynno “u Nongïohi”).