MIKAH 3:4 - KA BAIBL

⁴ “Ynda kumta, kin ïam ha U Trai, hynrei, un ym phai ktien ïa ki: un buhrieh ïa la ka khmat na ki, pynban, ha kata ka por, kat kumba ki la leh sniew ha ki jingleh jong ki.

Khasi CL Bible (BSI)

⁴ Ka por kan poi haba phin kyang sha U Trai, hynrei un ym jubab ïa phi. Un ym sngap ïa ki jingduwai jong phi, naba phi la leh ïa kaba sniew.

MIKAH 3:4 ပူးပေါင်းရင်းမြစ်များ

Ka Kitab U Job 27:9

Hato U Blei un sngew ïa ka jinglynñiar jong u, haba ka jynjar ka wan halor jong u?

Ka Kitab U Job 35:13

Shisha U Blei un ym sngap ïa ka jingthala, lymne U Badonbor Baroh un ym ñiew ïa ka.

SALM 18:41

Ki la kyang, hynrei, ym don u ban pynim: ha U Trai keiñ, hynrei, um shym phai ktien ïa ki.

PROBERB 1:28

Hangta kin khot kyrpad ha nga, hynrei, ngan ym phai ktien; kin wad biang biang ïa nga, hynrei, kin ym shem ïa nga:

PROBERB 28:9

Uba phai noh ïa la ka shkor na kaba ïohsngew ïa ka hukum, wat ka jingduwai jong uta ka long ka jingijli.

ISAÏAH 1:15

Te haba phi kner la ki kti, ngan buhrieh la ki khmat na phi: shisha keiñ, haba phi pynlong shibun ki jingduwai, ngan ym sngap: ki kti jong phi ki dap da ka snam.

ISAÏAH 3:11

Kordit ïa u bymman! u un sniew; namar ïa ka bainong ki kti jong u yn ai ha u.

JEREMAÏAH 11:11

Namar kata, kumne u ong U Trai, “Ha khmih, ngan wallam ïa ka jingsniew halor jong ki, kaba kin ym lah ban lait na ka; te kin lynñiar ha nga, hynrei, ngan ym sngap ïa ki.

JEREMAÏAH 14:12

Haba ki shah jingit, ngan ym sngap ïa ka jinglynñiar jong ki; bad haba ki ainguh da ka jingainguh thang bad ka jingainguh bam, ngan ym pdiang sngewbha ïa ki: hynrei, ngan bam duh ïa ki da ka waitlam, bad da ka 'nemsniew, bad da ka jingïapkhlam.”

JEREMAÏAH 33:5

‘Ki wan ban ïaleh ïa ki Khaldi, hynrei, ka long ban pyndap ïa ki da ki metïap jong kita ki briew, ïa kiba nga la pynïap ha ka jingbitar jong nga bad ha ka jingkhih shla jong nga, bad kiba namar baroh ka jingbymman jong ki nga la buhrieh la ka khmat na kane ka nongbah.

JEREMAÏAH 5:31

ki nongïathuhlypa ki ïathuhlypa lamler, bad ki lyngdoh ki synshar da la ka buit; bad u paidbah jong nga u sngewbha ba ka long kumta: te phin leh kumno ha ka jingkut jong ka?

ESEKIEL 8:18

Namar kata, nga ruh ngan leh ha ka jingbitar shla; ka khmat jong nga kan ym riej, lymne ngan ym isynei: bad la ki lynñiar ha ki shkor jong nga da ka sur kaba jam, pynban, ngan ym sngap ïa ki.”

MIKAH 3:7

Te ki nongïohi kin lehrain, bad ki nongkhan kin dum buit; shisha, baroh kin tap ïa la ki rmiang shyntur: namar ym don ka jingphai ktien na U Blei.

MIKAH 7:13

La kumta, ka ri kan long kaba kynjah namar kita kiba shong ha ka, namar u soh ki jingleh jong ki.

SEKHARAÏAH 7:13

Te ka la jia, ba kumba u la pyrta, bad ki kim sngap; kumta, ki kin pyrta, nga de ngan ym sngap,” la ong U Trai ki paid;

MATHAÏOS 7:22

Shibun kin ïa-ong ha nga ha kata ka sngi, ‘A Trai, A Trai, ngi ngim shym la ïalap ha ka kyrteng jong me? Ngi ngim shym la beh noh ïa ki ksuid ha ka kyrteng jong me? Ngi ngim shym la leh shibun ki kambah ruh ha ka kyrteng jong me?’

LOUKAS 13:25

Te haba shi sien ba u trai ïing u la ïeng, bad u la khang ïa ka jingkhang, bad ba phin sdang ban ïeng shabar bad ban tied ïa ka jingkhang, phi da ong, ‘A Trai, A Trai, to plie ïa ngi’; u te un ïathuh un ong ha phi, ‘Ïa phi ngam ithuh, phi nangno.’

ÏOANNIS 9:31

Hynrei, ngi ïatip biang ba U Blei um sngew ïa ki bapop; hynrei, lada uno uno ruh u long uba mane ïa U Blei, bad uba leh ïa ka mon jong u, ïa uta keiñ u sngew.

JAKOB 2:13

Namar ka jingpynrem ba khlem leh isynei kan long ha uta u bym ju la leh isynei; hynrei, ka jingisynei ka leh risa halor ka jingbishar.

1 SAMUEL 8:18

Te ha kata ka sngi phin lynñiar noh namar uta u syiem jong phi uba phi la jied; bad U Trai un ym shahshkor ïa phi ha kata ka sngi.”