MIKAH 3:2 - KA BAIBL

² Kiba shun ïa ka babha, bad kiba ieit ïa ka basniew; kiba khoh ïa ka snep jong ki na ki, bad ïa ka doh jong ki na ki shyieng jong ki;

Khasi CL Bible (BSI)

² pynban phi isih ïa kaei kaba bha bad phi ieit ïa kaei kaba sniew. Phi khoh snieh im ïa ki briew jong nga bad phi tar ïa ka doh na ki shyieng jong ki.

MIKAH 3:2 ပူးပေါင်းရင်းမြစ်များ

1 SYIEM 21:20

U Ahab te u la ong ha u Elijah, “Me la shem ïa nga, ko nongshun jong nga?” U te u la ïathuh, “Nga la shem ïa me keiñ: namar me la die noh ïa lade ban leh ïa kata ka basniew ha khmat U Trai.

2 KHRONIKL 19:2

Te u Jehu u khun u Hanani u nongïohi, u la leit tan ïa u, bad u la ong ha u syiem Jehoshaphat, “Hato me dei ban ïarap ïa ki bymman, bad ban ieit ïa kita kiba shun ïa U Trai? Namar kane, ka jingbitar na khmat U Trai ka don halor jong me.

SALM 15:4

Uba u riewsniew u long ba la ibeiñ ha khmat jong u; hynrei, u burom ïa kita kiba sheptieng ïa U Trai. Uba smai ïa la ka jong ka jingpynsniew, bad um kylla shuh.

SALM 53:4

Hato baroh ki nongkam sniew kim don ka jingtip? kiba bam duh ïa ki briew jong nga kumba ki bam kpu, bad ki bymkhot kyrpad ïa U Blei.

PROBERB 28:4

Kita kiba iehnoh noh ïa ka hukum ki ïaroh ïa ki bymman: hynrei, kat kiba sumar ïa ka hukum, ki ïaleh ïa ki.

ISAÏAH 3:15

phi mut aïu ba phi kyrdem ïa u paidlang jong nga, bad ba phi tylliat ïa ka khmat ki baduk?” ong U Trai U Blei ki paid.

ISAÏAH 5:20

Kordit ïa kita kiba khot ka babha ïa ka basniew, bad ka basniew ïa ka babha; kiba buh ka ba-dum ïa ka bashai, bad ka bashai ïa ka ba-dum; kiba buh kaba kthang ïa kaba thiang, bad kaba thiang ïa kaba kthang.

ISAÏAH 57:12

Nga ngan pynbna ïa ka hok jong me; bad shaphang ki kam jong me, kin ym pynmyntoi ïa me.

ESEKIEL 11:7

Namar kata, kumne u ong U Trai U Blei: “Kita kiba la ïap mynsaw jong phi kiba phi la buh hapdeng jong ka, ki, ki long ka doh, bad kane ka nongbah ka long uta u dek: hynrei, ïa phi yn pynmih noh napdeng jong ka.

ESEKIEL 22:27

Ki rangbah jong ka hapdeng jong ka ki long kum ki suri kiba tar la ka jinglute; ban pynmih ïa ka snam, bad ban pynjot ïa ki mynsiem, ba kin ïoh ïa ka nong bymhok.

ESEKIEL 24:4

thep ïa ki lyngkhot jong ka ha u, ïa ki lyngkhot baroh keiñ ki babha, ïa ka lbong, bad ïa ka tyrpeng; pyndap ïa u da ki shyieng ki babha tam.

ESEKIEL 34:3

Phi bam ïa ka khleiñ, bad phi kup ïa lade da u 'saiwul, phi pynïap ïa ki basngaid; hynrei, phim bsa ïa ki langbrot.

AMOS 4:1

“To sngew ïa kane ka ktien, phi ki masi ka Bashan, kiba shong ha u lum Samaria, kiba lehbeiñ ïa u baduk, kiba khñiot ïa u bakyrduh, kiba ong ha ki trai jong ki, ‘Wallam, bad to ngin ïadih.’

AMOS 5:15

To shun ïa ka basniew, bad ieit ïa ka babha, bad to pynïeng ïa ka jingbishar ha ka khyrdop: lehse U Trai, U Blei ki paid, un leh isynei ïa kiba sah jong u Joseph.

MIKAH 2:8

Hynrei, mynhynnin u paidbah jong nga u la ïeng kum u nongshun: phi law noh ïa ka barandi na ka jingkup na kita kiba ïaid lait ha kaba suk kum ki bym kwah ïa ka thma.

MIKAH 7:2

Ki babha ki la duh noh na ka khyndew, te ym don u bahok hapdeng ki briew: baroh ki ïa-ap thap ïa ka snam; ki ïabeh mrad uwei uwei baroh ïa la u para da ka jar.

MIKAH 7:3

Ki kti jong ki, ki ha ka basniew ïa ka ban leh biang biang ïa ka; u syiem u pan, bad u nongbishar u kloi ban bamsap; bad u bakhraw batri u kren ïa ka bymman ha la ka mynsiem; kumne ki thain lang ïa ka.

SEPHANAÏAH 3:3

Ki syiem jong ka hapoh jong ka ki long ki sing kiba kyrhuh; ki nongbishar jong ka ki long ki suri mynmiet; kim pynsah ei ei haduh lashai.

LOUKAS 19:14

Hynrei, ki raïot jong u ki la shun ïa u, bad ki la ïaphah ïa ki nonglam-ktien nadien jong u ki da ong, ‘Ngim mon ïa une ban synshar halor jong ngi.’

ÏOANNIS 18:40

Ynda kumta, baroh ki la ïapyrta pat, ki da ong, “Ym ïa une u briew! hynrei, ïa uta u Barabbas!” Te uta u Barabbas u la long u nongpynïap briew.

ÏOANNIS 7:7

Ka pyrthei kam lah ban shun ïa phi, hynrei, ka shun ïa nga, namar ba nga phla shaphang jong ka, ba ki jingleh jong ka ki long bymman.

Ka Shithi U Paul Sha Ki Nong Rom 1:32

kiba haba ki la ïatip biang ïa kata ka jingbuh hukum ka jong U Blei, ba kita kiba ïai-leh kat kita kiei kiei ruh, ka dei ïa ki, ban ïap, pynban, ym tang ba ki shu leh ïa ki, hynrei, ki ïasngewbha lem ruh bad kita kiba ïai-leh ïa ki.

Ka Shithi U Paul Sha Ki Nong Rom 12:9

To ka jingieit kan long kaba khlem arsap. To kiar noh sngewtriem na kata ka basniew, to snoh ha kata ka babha.

2 TIMOTHI 3:3

kiba khlem ieit ïa la ka kynja, kiba khlem map, kiba kren siar, ki bymsuidñiew, kiba runar, ki bymieit ïa ka babha,