MIKAH 2:4 - KA BAIBL

⁴ Ha kata ka sngi, kin ïathaw ka pharshi pyrshah ïa phi, bad kin ïambriew da ka jingïambriew ba sngewsynei, kin ong, ‘La pynjot noh khoit ïa ngi: u pynkylla ïa ka bynta u paidlang jong nga: kumno keiñ u shim noh ïa ka na nga! ha ki nongïaleh pyrshah u ïasam ïa ki lyngkha jong ngi.’

Khasi CL Bible (BSI)

⁴ Haba kata ka por ka poi, ki briew kin pyndonkam ïa ka jingïathuhkhana jong phi kum ka nuksa ïa ka jingpynjot, bad kin rwai ïa kane ka jingrwai sngewsih ïa ka jingshem jong phi: “La pynjot thiaw ïa ngi! U Trai u la shim noh ïa ka ri jong ngi bad u la ai ïa ka sha kito kiba la ring koidi ïa ngi.”

MIKAH 2:4 ပူးပေါင်းရင်းမြစ်များ

2 SAMUEL 1:17

Bad u Dabid u la rwai da kane ka jingrwai sngewsynei namar u Saul bad namar u Jonathan u khun jong u:

2 KHRONIKL 35:25

Bad u Jeremaïah u la rwai sngewsynei ïa u Josaïah, bad baroh ki nongrwai shynrang bad kynthei ki la kren shaphang u Josaïah ha ki jingrwai sngewsynei jong ki, haduh kane ka sngi; bad ki la pynlong rukom ïa ki ha Israel: te ha khmih, la thoh ïa ki ha Ki Jingrwai Sngewsynei.

Ka Kitab U Job 27:1

Te u Job u la shim pat ïa la ka pharshi, bad u la ong,

ISAÏAH 14:4

ba men phawar pyrshah ïa u syiem ka Babilon, bad men ong, “A kumno u nongbanbor u la duh noh! Ka shnong ksiar ka la duh noh!

ISAÏAH 24:3

Ïa ka khyndew yn pynsuda khoit, bad yn lute khoit; namar U Trai u la kren ïa kane ka ktien.

ISAÏAH 6:11

Te nga la ong, “Haduh lano, ko Trai?” Bad u la ong, “Tad ynda ki shnong ki la long kynjah khlem nongshong, bad ki ïing khlem shong briew, bad ka ri ka la kynjah noh phar,

JEREMAÏAH 14:18

Lada nga leit mih sha madan, ha khmih hangta ïa kiba la pynïap da ka waitlam! Bad lada nga rung shapoh shnong, ha khmih hangta ki bapang namar ka 'nemsniew! Naba u nongïathuhlypa bad u lyngdoh ki ïa-ïaid kylleng ha ka ri, te kim don ka jingtip satia.”

JEREMAÏAH 4:13

Ha khmih, un wan kiew kum ki lyoh, bad ki kali jong u kum ki lyer langthari: ki kulai jong u ki long kham stet ban ïa ki pukni. Kordit ïa ngi! naba la lute ïa ngi.

JEREMAÏAH 6:12

Bad ïa ki ïing jong ki yn aiti ha kiwei, ïa ki lyngkha jong ki bad ïa ki tnga jong ki lang: naba ngan kner ïa la ka kti halor kiba shong ha kata ka ri,” ong U Trai.

JEREMAÏAH 8:10

Namar kata, ïa ki tnga jong ki ngan ai ha kiwei, bad ïa ki lyngkha jong ki ha kita ki ban ïoh ïa ki: naba uwei uwei baroh, naduh u barit tam haduh u bakhraw tam u la aiti ïa lade ha ka jingkwah lalot, naduh u prophet keiñ haduh u lyngdoh, uwei uwei baroh u leh shukor.

JEREMAÏAH 9:10

“Na ka bynta ki lum bah ngan pynlong ka jingïam bad ka jinglynñiar, bad ïa ka jingsngewsih na ka bynta ki jaka bam phlang ka ri khlaw, naba la wiang duh ïa ki, katba ym don ba ïaid nangta shuh lymne ki briew kim lah ban ïohsngew shuh ïa ka jingpah ki jingri; u sim bneng bad u mrad ruh ki la ïaphet ïap, ki la leit noh.

JEREMAÏAH 9:16

Ngan pynsaphred ruh ïa ki hapdeng ki jaid bynriew, kiba kim shym la ithuh lymne ki kpa jong ki hi ruh: bad ngan phah ïa ka waitlam hadien jong ki, tad ynda nga la bam duh ïa ki.”

ESEKIEL 16:44

“ ‘Ha khmih, uno uno baroh uba ju kren ïa ki proberb un pyndonkam ïa kane ka proberb pyrshah ïa pha, un ong, “Kumba long ka kmie, kumta ruh ka long ka khun jong ka.”

ESEKIEL 2:10

te u la plied ïa ka ha khmat jong nga; bad la thoh ïa ka na shapoh bad na shalor: te la thoh hangta ïa ki jingïambriew, ïa ka jingsngewsih, bad ïa ka jingkordit.

JOEL 1:13

“To panpoh ïa lade da ki jaiñ byrni, bad to ïam sngewsih, phi ki lyngdoh; to lynñiar, phi ki shakri ka duwan; ale, to thiah baroh shi miet ha ka jaiñ byrni, phi ki shakri U Blei jong nga; naba ïa ka jingainguh bam bad ka jingainguh dih la bat noh na ka ïing U Blei jong phi.

JOEL 1:8

“To ïambriew kum ka theisotti ba la panpoh da ka jaiñ byrni namar u tnga khynnah jong ka.

AMOS 5:1

To sngew ïa kane ka ktien kaba nga shim ban long ka jingïambriew pyrshah ïa phi, A ka ïing Israel.

AMOS 5:17

Bad ha ki brisoh Waiñ baroh kan long ka jingïam: naba ngan ïaid lyngba napdeng jong me,” ong U Trai.

MIKAH 1:15

Pynban, ngan wallam ha pha, ko nong Mareshah, ïa uta u ban ïoh kynti ïa pha: ka burom Israel kan wan jin haduh Adullam.

MIKAH 1:8

Namar kane, ngan ïam bad ngan lynñiar, ngan leit lymboit bad lyngkhuit: ngan pynlong ka jinglynñiar kum ki Ksar, bad ka jingïam sngewsih kum ki Ostrits.

MIKAH 2:10

To ïeng, bad khie leit noh; naba kane, kam long ka jingjahthait jong phi: namar ka jingbymkhuid kaba pynjot, da ka jingpynjot sat keiñ.

HABAKKUK 2:6

“Hato kine baroh kin ym ïathaw pharshi pyrshah ïa u, bad ka jingkyntip krenbeiñ ïa u, bad kin ong, “Kordit ïa uta uba pynkhraw ïa kata ka bymdei ka jong u! slem katno? bad uba pynkit ha lade da ki mar ba la bynda!”

SEPHANAÏAH 1:2

“Ngan pynjot noh phar ïa kiei kiei baroh na ka khmat ha khyndew,” ong U Trai.

JINGKHEIÑ 23:18

U te u la shim ïa la ka pharshi, u la ong ruh, “To ïeng, ko Balak; to sngap ruh; ko khun u Sippor, to shahshkor ïa nga:

JINGKHEIÑ 23:7

Te u la shim ïa la ka pharshi, bad u la ong, “U Balak u syiem Moab u la wallam ïa nga na Aram, na ki lum mihngi; u ong, ‘Ale, to tim noh ïa u Jakob na ka bynta jong nga, to ale ruh, to beiñ ïa ki Israel.’

JINGKHEIÑ 24:15

Bad u la shim ïa la ka pharshi, bad u la ong, “U Balaam u khun u Beor u la ong, bad uta u briew uba la khap ïa la ki khmat, u la ong:

JINGKHEIÑ 24:3

Bad u la shim ïa la ka pharshi, bad u la ong, “U Balaam u khun u Beor u la ong, bad uta u briew uba la khap ïa la ki khmat u la ong:

MARKOS 12:12

Ki la ïawad dong te ban kem ïa U; hynrei, ki la sheptieng ïa u paidbah; naba ki la tip ba U la kren ïa kata ka pharshi pyrshah ïa ki. Kumta, haba ki la iehnoh ïa U, ki la leit noh.

DEUTERONOMI 28:29

te men shu par ha kaba mynsngi, kumba par u bamatlah ha ka ba-dum, bad men ym roi ha ki lynti jong me: hynrei, men long tang uba la banbeiñ bad uba la shah lute ha la ka rta, bad yn ym don u briew ruh u ban pyllait ïa me.