MIKAH 2:3 - KA BAIBL

³ Namar kata, U Trai u ong kumne: “Ha khmih, nga thaw ïa ka jingsniew pyrshah ïa kane ka ïing, na kaba phin ym ïoh pynkynriah ïa la ki ryndang, lymne phin ym ïaid sarong; naba ka long ka por ka basniew.

Khasi CL Bible (BSI)

³ Bad kumta U Trai u ong, “Nga dang thmu ban wallam ïa ka jingjot ha phi, bad phin ym lah ban lait na ka. Phin sa shem ïa lade ha ka jingeh, bad nangta phin ym ïaid sngewsarong shuh.

MIKAH 2:3 ပူးပေါင်းရင်းမြစ်များ

ISAÏAH 29:20

Namar ïa uta uba shyrkhei la pynlong uba lehnohei, bad u nongkrenbeiñ u duh noh, bad ïa kita baroh kiba thap ban leh bymhok la ot noh:

ISAÏAH 3:16

Te U Trai u la ong ruh, “Namar ba ki khun kynthei ka Seïon ki leh sarong, bad ki ïaid pynjrong ryndang bad ki khmat leh jyllieb, ki ïaid kynjih haba ki leit, bad ki pynriew shaw shaw da la ki kjat:

ISAÏAH 5:19

kiba ong, “To un pynkloi, un pynstet ïa ka kam jong u, ba ngin ïohi ïa ka: bad to ka jingsylla jong uta U Bakhuid ki Israel kan nang jan, bad kan wan, ba ngin tip!”

JEREMAÏAH 18:11

Namar kata, to khie leit, to kren ïa ki rangbah Judah, bad ïa kiba shong ha Jerusalem, to ong, ‘Kumne u ong U Trai: “Ha khmih, nga khreh ïa ka basniew ïa phi, bad nga thaw ïa ka buit ban ïaleh ïa phi: to phai noh phi mynta uwei uwei baroh na la ka lynti basniew, bad to pynbeit ïa la ki lynti bad ïa la ki jingleh.”

JEREMAÏAH 27:12

Bad nga la kren ha u Sedekaïah u syiem ka Judah katba kum kine ki ktien baroh, nga da ong, “To ai la ka ryndang hapoh ka lyngkor u syiem ka Babilon, bad to shakri ïa u bad ïa ki briew jong u, bad to im.

JEREMAÏAH 34:17

Namar kata, kumne u ong U Trai: “Phim shym sngap ïa nga ban pynbna ïa ka jingpyllait, uwei uwei baroh ïa la u para, bad uwei uwei baroh ïa la u paramarjan: ha khmih, nga pynbna ha phi ïa ka jingpyllait,” ong U Trai, “ïa ka waitlam, ïa ka jingïapkhlam, bad ïa ka 'nemsniew; bad ngan pynshat ïa phi kylleng ki hima ka pyrthei.

JEREMAÏAH 36:23

Bad haba u Jehudi u la pule lai ne saw sla, u syiem u la ot ïa ka da ka shaku, bad u la bred ïa ka ha ka ding kaba don ha uta u khiew buh ding, haduh ba ïa kata ka kot bakli baroh la thang ha kata ka ding kaba don ha uta u khiew buh ding.

JEREMAÏAH 43:2

ynda kumta, u Asariah u khun u Hoshaïah, bad u Johanan u khun u Kariah, bad baroh ki briew basarong ki la kren, ki ïa-ong ha u Jeremaïah, “Me kren lamler: U Trai U Blei jong ngi um shym la phah ïa me ban ong, ‘Phin ym leit sha Ijipt ban shong hangta:’

JEREMAÏAH 8:3

Yn kham jied ïa ka jingïap ban ïa ka jingim da kiba dang sah baroh kiba sah tam na kane ka jaid bymman, kiba dang sah ha ki jaka baroh sha kiba nga la beh ïa ki,” ong U Trai ki paid.

SNGEWSYNEI 1:14

“Ïa ka lyngkor ki jingpalat jong nga la teh da ka kti jong u; la pynïadait lang ïa ki, ki la wan halor ka ryndang jong nga; u la pynduh ïa ka bor jong nga: U Trai u la ai noh ïa nga ha ki kti jong kita kiba ngam lah ban ïeng ïaleh ïa ki.

SNGEWSYNEI 2:17

U Trai u la leh ïa kata kaba u la pun; u la pyndep ïa la ka ktien kaba u la hukum ha ki sngi mynbarim; u la pynkyllon, bad um shym isynei: u la pynrisa ïa u nongshun halor jong pha, u la kyntiew ïa ka reng ki nongïaleh pyrshah jong pha.

SNGEWSYNEI 5:5

Ki nongbeh ïa ngi ki ha ki ryndang jong ngi; ngi la thait, te ngim ïoh kaba jahthait.

DANIEL 4:37

Mynta, nga, u Nebukhadnessar, nga ïaroh bad kyntiew nam bad pyndonburom ïa uta u syiem jong ka bneng; namar ki kam jong u baroh, ki long ka jingshisha, bad ki lynti jong u, ka jingbishar: bad ïa kiba ïaid ha ka jingsarong, u lah ban pynpoh.”

AMOS 2:14

Bad ka bor phet noh kan duh noh na uba stet, bad uba khlaiñ un ym ïoh pynkhlaiñ ïa la ka bor, lymne uba shait un ym pynim ïa la ka mynsiem:

AMOS 3:1

To sngew ïa kane ka ktien ba U Trai u la kren pyrshah ïa phi, A ki khun Israel, pyrshah ïa kata ka ïing baroh kaba nga la wallam noh na ka ri Ijipt, u da ong,

AMOS 3:2

“Tang ma phi keiñ nga la ithuh na ki kur baroh ka pyrthei: namar kata, ngan pynwan phai halor jong phi ïa ki jingleh bymhok jong phi baroh.

AMOS 5:13

Namar kata, uta u basian un sngap jar kum ha kata ka por; naba ka long ka por ka basniew.

MIKAH 2:1

Kordit ïa kita kiba shet ïa ka jingsniew bad bathaw ïa ka jingbymman halor la ki jingthiah! haba ka la shai mynstep, ki pyndep ïa kata, namar ba ka shong ha ka bor jong ki.

Ka Shithi U Paul Sha Ki Nong Rom 16:4

kiba la ïa-pynshah ïa la ki jong ki ryndang na ka bynta ka jingim jong nga; ha kiba nga ainguh ym tang ma nga hi, hynrei, kita ki balang baroh ki jong ki Jentil ruh.

EPHESOS 5:16

da kaba siewspah ïa ka por, naba kine ki sngi ki long ki basniew.

DEUTERONOMI 28:48

Namar kata, men shakri ïa ki nongshun jong me ïa kiba U Trai un phah pyrshah ïa me, ha ka jingthngan, bad ha ka jingsliang, bad ha ka jinglyngkhuit, bad ha ka jingkyrduh ïa kiei kiei baroh: bad un buh ka lyngkor nar ha ka ryndang jong me, ha ban da u la pynjot noh thiaw ïa me.

JAKOB 2:13

Namar ka jingpynrem ba khlem leh isynei kan long ha uta u bym ju la leh isynei; hynrei, ka jingisynei ka leh risa halor ka jingbishar.