MIKAH 2:1 - KA BAIBL

¹ Kordit ïa kita kiba shet ïa ka jingsniew bad bathaw ïa ka jingbymman halor la ki jingthiah! haba ka la shai mynstep, ki pyndep ïa kata, namar ba ka shong ha ka bor jong ki.

Khasi CL Bible (BSI)

¹ Katno kaba sngewtriem kan long ïa kito kiba peitmat bad thmu ïa kaba sniew! Haba poi ka step, mar ïa-ïoh ïa ka kabu, ki leh ïa kaba sniew kaba ki la thmu.

MIKAH 2:1 ပူးပေါင်းရင်းမြစ်များ

JENESIS 31:29

Ka long ha ka kti jong nga ban pynsniew ïa phi: hynrei, U Blei u kpa jong phi u la kren ha nga mynhynne mynmiet, u da ong, ‘To sumar ïa lade ba men ym kren ei ei ruh ha u Jakob ka babha ne ka basniew.’

1 SYIEM 21:7

Te ka Jesebel ka tnga jong u ka la ong ha u, “Mem synshar ma me mynta ïa ka hima ki Israel? to khie, bad to bam jingbam, bad pynsngewbha ïa la ka dohnud: ngan ai ïa me ïa ka brisoh Waiñ u Naboth u nong Jesril.”

ESTHER 3:8

Te u Haman u la ong ha u Ahasueros syiem, “Don kawei ka jaid bynriew ba saphred bad ba phriang hapdeng ki jaid bynriew ha ki shnat baroh jong ka hima jong me; bad ki aiñ jong ki, ki pher na ki jong ki briew baroh; lymne kim sumar ïa ki aiñ u syiem: namar kata, kam long ka jingmyntoi ïa u syiem ban shah ïa ki.

ESTHER 5:14

Ynda kumta, ka la ong ka Seres ka tnga jong u bad ki lok jong u baroh ha u, “Ai ba yn thaw ïa ka dieng phasi kaba sanphew pruh ka jingjrong, bad ha kaba mynstep to kren ma me ha u syiem ba yn phasi ïa u Mordekai ha kata; ynda kumta, to leit shapoh, da kaba kmen ryngkat bad u syiem sha kata ka jingkhawai.” Bad kane ka la pynsngewbha ïa u Haman; bad u la phah thaw ïa ka dieng phasi.

ESTHER 9:25

hynrei, haba kata ka la wan ha khmat u syiem, u la hukum da ki shithi ba kata ka jingpyrkhat sniew, ïa kaba u la pyrkhat ïa ki Jiw, kan phai kylla halor ka khlieh jong u hi: bad ba yn phasi ïa u bad ïa ki khun jong u ha ki dieng phasi.

Ka Kitab U Job 15:35

Ki seng ïa ka jingsniew, bad ki kha ïa ka jingbymhok, bad ka kpoh jong ki ka khreh ïa ka jingshukor.”

Ka Kitab U Job 24:14

U nongshohnoh u khie ryngkat bad ka jingshai, u pynïap ïa u baduk bad u bakyrduh; bad mynmiet u long kum u nongtuh.

SALM 36:4

U pyrkhat ïa ka jingbymhok halor la ka jingthiah; u buh ïa lade ha ka lynti ka bymbha; um isih ïa ka jingsniew.

SALM 36:5

Ka jingleh isynei jong me, A Trai, ka long ha ki bneng; bad ka jingshisha jong me ka kot haduh ka suiñbneng.

SALM 58:3

Ki bymman ki ïabakla naduh ka kpoh: ki ïasakma la dang kha ïa ki, ki da ïakren lamler.

PROBERB 12:2

U briew u babha un ïoh isynei na U Trai: hynrei, ïa u briew uba don ki buit bymman un pynrem.

PROBERB 14:22

Hato kita kim bakla kiba pyrkhat ïa ka basniew? hynrei, ka jingisynei bad ka jingshisha kin long ïa kita kiba pyrkhat ïa ka babha.

PROBERB 3:27

Wat khang ïa ka babha na kita kiba dei ban ïoh ïa ka, haba ka shong ha ka bor ka kti jong me ban leh ïa kata.

PROBERB 4:16

Naba kin ym thiah noh, lymda ki la leh sniew; bad ka jingïohthiah jong ki ka la duh noh, tad ynda ki la pynkyllon ïano ïano.

ISAÏAH 29:20

Namar ïa uta uba shyrkhei la pynlong uba lehnohei, bad u nongkrenbeiñ u duh noh, bad ïa kita baroh kiba thap ban leh bymhok la ot noh:

ISAÏAH 3:14

U Trai un bsut sha ka jingbishar bad ki tymmen basan bad ki nongïalam u paidlang: “Phi keiñ kiba la bam duh ïa ka brisoh; ka jinglute ïa ki baduk ka don ha ki ïing jong phi;

ISAÏAH 32:7

Ki tiar jong u bukhir ruh ki long ki basniew: u thaw ki buit bymman ban pynjot ïa ki bajemnud da ki ktien lamler, wat haba u bakyrduh u kren beit.

ISAÏAH 5:8

Kordit ïa kita kiba pynïasoh ïa ka ïing sha ka ïing, kiba pynbteng ïa ka lyngkha sha ka lyngkha, haduh bymdon jaka shuh, bad ba la pynshong marwei ïa phi hapdeng ka ri!

ISAÏAH 59:3

Namar ïa ki kti jong phi la pynsang da ka snam, bad ïa ki shynriah'ti jong phi da ka bymhok; ki rmiang shyntur jong phi ki la kren lamler, u thylliej jong phi u la kren blom blom ïa ka jingbymman.

JEREMAÏAH 18:18

Ynda kumta, ki la ong, “Ïa, to ngin ïathaw ki buit ban ïaleh ïa u Jeremaïah; naba ka hukum kan ym duh na u lyngdoh, lymne ka jingpyrkhat na uba stad, lymne ka ktien na u nongïathuhlypa, ïa ngin shoh ïa u da u thylliej, bad to ngin ym shahshkor ïa kino kino ki ktien jong u.”

ESEKIEL 11:2

Bad u la ong ha nga, “Ko khun u briew, kine keiñ ki long kita ki briew kiba pyrkhat ïa ka jingbymhok, bad kiba ai ka buit bymman ha kane ka nongbah:

ESEKIEL 33:26

Phi ïeng ha ka waitlam jong phi, phi leh ïa kiba ijli, bad phi pynbit-tngit uwei pa uwei ïa ka tnga u paramarjan jong u: te da ma phi phin ïoh ïa ka ri?’

ESEKIEL 38:10

Kumne u ong U Trai U Blei: “Ha kata kajuh hi ka sngi, kiei kiei kin jia ha ka jingmut jong me, bad men pyrkhat ïa ka buit basniew:

ESEKIEL 46:18

Ruh u nongsynshar un ym shim ïa ka jingïoh bynta u paidbah, ban beh noh ïa ki na ka ri kynti jong ki; un ai ïa ka jingïoh bynta ha ki khun shynrang jong u na ka ri kynti jong u hi: khnang ba ki briew jong nga kin ym sakma uwei uwei baroh na ka ri kynti jong u.”

MIKAH 6:12

Naba kita ki bariewspah jong ka ki dap da ka jingleh-jubor, bad kita kiba shong ha ka ki la kren ïa ka lamler, bad u thylliej jong ki u long uba shukor ha ka shyntur jong ki.

NAHUM 1:11

Don uwei uba la mih noh na pha, uba pun ïa ka jingsniew pyrshah ïa U Trai, uba pyrkhat ïa ka jingbymman.

SEKHARAÏAH 7:10

bad wat banbeiñ ïa ka riewkynthei, lymne ïa u khunswet, ïa u nongwei, lymne ïa u baduk; bad mano mano ruh wat tharai sniew ha la ka dohnud ïa la u para.’

MARKOS 15:1

Te kumne kumne ruh, ynda ka la shai, kita ki rangbah lyngdoh ki la ïasylla bad kita ki tymmen basan bad kita ki nongthoh bad kata ka dorbar baroh ruh; haba ki la khum ïa U Jisu, ki la ïalam noh ïa u, bad ki la ai noh ha u Pilat.

LOUKAS 20:19

Kita ki rangbah lyngdoh bad kita ki nongthoh te ki la ïawad dong ban kem ïa U ha kata ka por, hynrei, ki la ïasheptieng ïa u paidlang; naba ki la sngewthuh ba dei ïa ki ba U la kren ïa kane ka pharshi.

ÏOANNIS 19:11

U Jisu u la ïathuh, “Mem shym don ka bor satia halor jong nga, lymda la long ba la ai ha me na jrong; namar kata, uta uba la aiti noh ïa nga ha me, u don ka pop kaba kham khraw.”

KI KAM 23:12

Te ynda la mih ka sngi, kiba na ki Jiw haba ki la ïasylla lang, ki la ïateh jingsmai paralok hi ki da ïakut ban ym bam lymne dih haduh ba kin da ïoh pynïap noh ïa u Paul.

KI KAM 23:15

Mynta, namar kata, ma phi lem bad ka dorbar to phin ïaphah ktien ha uta u rangbah shihajar, ba un ïalam noh arsut ïa u ha phi, kumba phin sa bishar kham bniah ïa ka kam jong u. Ngi te katba um pat poi hajan, ngi la ïakloi lypa ïa ka ban pynïap noh ïa u.”

Ka Shithi U Paul Sha Ki Nong Rom 1:30

ki nongkrensiar pasiaw, ki nongkrensiar blab blab, ki nongshun ïa U Blei, kiba lehbeiñ eh, kiba leh khraw eh, kiba kren sarong eh, ki nongthaw buit ïa kiei kiei ki basniew, ki bymkohnguh ïa la ki kmie ki kpa,

DEUTERONOMI 28:32

“Ïa ki khun jong me, shynrang bad kynthei, yn ai ha kiwei pat ki kynja bynriew, te men shu khmih da la ki khmat, bad men nang tlot ngai da ka jingkwah hir hir ïa ki baroh shi sngi: te men ym don bor shuh ha la ka kti.