MIKAH 1:7 - KA BAIBL

⁷ Bad ïa ki durblei jong ka baroh yn lympat lyngkhot lyngkhai, bad ïa ki nong jong ka baroh yn thang ha ding, bad ïa ki bleithaw jong ka baroh ngan ai ban pynjot noh: naba ka la lum ïa ki, na ka nong jong ka nuti, bad sha ka nong jong ka nuti kin phai pat.”

Khasi CL Bible (BSI)

⁷ Ïa ki bleithaw bakordor jong ka baroh yn pynpait lyngkhot, baroh kaba la ai sha ki nuti ka templ yn pynjot ha ka ding, bad ki durblei jong ka baroh kin long ka kynton ba la shu ieh. Ka Samaria ka la lum ïa kine kiei kiei na ka bynta ki jinglehniam ba pynseisoh, bad mynta ki nongshun jong ka kin rah noh ïa ki na ka bynta ki nuti ka templ shawei pat.”

MIKAH 1:7 ပူးပေါင်းရင်းမြစ်များ

DEUTERONOMI 23:18

Men ym wallam ïa ka bainong jong ka nuti, lane ïa ka dor u ksew, sha ïing U Trai uba U Blei jong me ha kano kano ka jingkular niam: naba kine baroh ar, ki long kiba ijli ha khmat U Trai uba U Blei jong me.

HOSIA 2:12

Bad ngan pynlong khlaw ïa ki dieng Waiñ jong ka bad ïa ki dieng Dumbur jong ka, ïa kiba ka la ong, ‘Kine ki long ki bainong jong nga ba ki ba-ieit jong nga ki la ai ïa nga:’ te ngan pynlong khlaw ïa ki bad ki mrad khlaw kin bam ïa ki.

JINGPYNPAW 18:3

Naba da ka Waiñ ka jingkhih bitar ka jingklim sih jong ka, la pynkyllon ïa ki kynja bynriew baroh; bad kita ki syiem jong kata ka khyndew ki la ïaklim sih bad ka, bad ki nongkhaïi jong kata ka khyndew ki la ïaman riewbha da ka bor ka jingleh pahuh jong ka.”

HOSIA 8:6

Namar na Israel ka leit long kane ruh; u bania u la thaw ïa ka, te kam long Blei: shisha keiñ, ïa u khun masi ka Samaria yn pynkheiñ lyngkhot lyngkhot.

JINGPYNPAW 18:9

Te kita ki syiem jong kata ka khyndew, kiba la ïaklim sih bad kiba la ïa-im pahuh hai bad ka, kin ïaïam, bad kin ïalynñiar lympat na ka bynta jong ka, ynda kin ïakhmih ïa ka tdem ka jingpluh jong ka,

JOEL 3:3

Te ki la ïakhalai ïa ki briew jong nga: ki la ai da u khynnah ïa ka nuti, bad ki la die ïa ka khynnah namar ka Waiñ, ba kin ïoh dih.

HOSIA 2:5

Namar ka kmie jong ki ka la leh nuti: kata kaba la pun ïa ki, ka la leh khlem rain: namar ka la ong, ‘Ngan leit bud ïa ki ba-ieit jong nga, kiba ai ïa nga la u kpu bad la ka um, la u 'saiwul bad la u 'saihon, la ka umphniang bad la ki jingdih.’

ISAÏAH 27:9

Namar kata, da kane, ïa ka jingbymhok u Jakob yn pynkhuid, bad kane baroh ka long u soh kaba map noh ïa ka pop jong u; haba u pynlong ïa ki maw ka duwan baroh kum ki mawshun ba la shoh lyngkhot lyngkhai, ba kumta ki Asherah bad ki dur sngi kin ym ïeng shuh.

2 KHRONIKL 31:1

Te haba ïa kane baroh la pyndep, baroh ki Israel kiba ïadon ki la leit noh sha ki shnong Judah, bad ki la pyntwa ïa ki mawbynna, bad ki la pynngat ïa ki Asherah, bad ki la pynduh ïa ki jaka bajrong bad ïa ki duwan na Judah bad Benjamin baroh, ha Ephraim ruh bad Manasseh, haduh ba ki la pynjot ïa ki baroh. Hadien kata, ki khun Israel baroh ki la leit wan noh, uwei uwei baroh sha la ka bynta, sha la ki jong ki shnong.

DEUTERONOMI 9:21

Ïa ka pop jong phi ruh, ïa kata ka dur khun masi keiñ ïa kaba phi la lah ïathaw, nga la shim, bad nga la thang ha ding, bad nga la shoh ïa ka, bad nga la pynlwet jin, tad ynda ka la long ni kat u shyiap: bad nga la ber de ïa uta u shyiap ksiar ha kata ka wah duid kaba hiar na uta u lum.

LEBITIKOS 26:30

Ïa ki jaka bajrong jong phi ruh ngan pynjot noh thiaw, bad ngan pynkheiñ ïa ki bleithaw jong phi, bad ngan buh ïa ki metïap jong phi halor ki metïap ki bleithaw jong phi; ka mynsiem jong nga ruh kan ijli ïa phi.

1 SAMUEL 5:4

Ha kaba lashai pat ki la khie la dang step, te ha khmih, u Dagon u la kyllon da pyrkup ha ka khyndew ha khmat kata ka synduk U Trai; bad ka khlieh u Dagon bad baroh ar ki slakti jong u ki la don ha ka jingryngkang, ba ki la lah dkut noh; ka la sah sa tang ka met hi ha u Dagon.

ISAÏAH 2:18

Bad ki bleithaw kin jah noh phar.

ISAÏAH 23:17

Kan jia ruh ynda kut hynñiewphew snem, ba U Trai un wan jngoh ïa ka Tyros, kan wan phai ruh sha la ka bainong, kan leh nuti ruh bad ki hima ka pyrthei baroh halor ka sla jong ka khyndew.

ESEKIEL 6:6

Ïa ki nongbah, yn pynsah khlaw noh ha ki jaka shong jong phi baroh, bad kita ki jaka bajrong kin kynjah; khnang ba yn pynsah khlaw bad ba yn pynkynjah ïa ki duwan jong phi, khnang ba yn pynkheiñ ïa ki bleithaw jong phi bad ba kin duh noh, bad ba yn pynlwet ïa ki durblei sngi jong phi, bad ba yn pynduh noh ïa ki jingtrei jong phi.

HOSIA 2:14

“Namar kata, ha khmih, ngan ring pah ïa ka, bad ngan wallam ïa ka sha ka ri kynjah, ngan kren sngewbha ruh ha ka.

HOSIA 8:5

U la bred noh ïa u khun masi jong phi, ko Samaria; ka jingbitar jong nga ka la meh pyrshah ïa ki: tad lano ba kin lah ban poi sha ka jinglui lui?