MIKAH 1:4 - KA BAIBL

⁴ Te ki lum kin um noh hapoh jong u, bad ki them kin pdang, kum ka bthing ha khmat ka ding, kum ki um ba la theh halor ka riat.

Khasi CL Bible (BSI)

⁴ Te ki lum kin um hapoh jong u kum ka bthing ha ka ding, kin noh sha ki jaka them kum ka um batuid arsut ïa u lumrit.

MIKAH 1:4 ပူးပေါင်းရင်းမြစ်များ

SALM 46:6

Ki jaid bynriew ki la khih bitar, ki hima ki la khihwin: u la pynmih ïa la ka ktien, ka khyndew ka la um noh.

SALM 68:2

Kumba beh noh ïa ka tdem, kumta to beh noh ïa ki; kumba ka bthing ka um noh hajan ka ding, kumta to ai ba ki bymman kin duh noh ha khmat U Blei.

SALM 97:5

Ki lum ki la um noh kum ka bthing ha khmat U Trai, ha khmat U Trai ka khyndew baroh.

AMOS 9:5

Naba U Trai, U Blei ki paid, u long uta uba ktah ïa ka ri te ka um noh, bad baroh kat kiba shong ha ka kin ïambriew; te kan shlei noh baroh kum kata ka Wah; bad kan them pat, kum ka Wah ka Ijipt.

NAHUM 1:5

Ki lum bah ki khynñiuh ha u, bad ki lum rit ki um noh; ïa ka khyndew la pyn-at phyllung ha khmat jong u, ïa ka pyrthei ruh, bad baroh kat kiba shong ha ka.

HABAKKUK 3:10

Ki lum ki la ïohi ïa me, bad ki la sheptieng; ka jingshlei ki um ka la ïaid lait noh: ka jingjylliew ka la pynmih la ka ktien, bad ka la rah sha jrong ïa la ki kti.

HABAKKUK 3:6

U la ïeng, te u la thew ïa ka khyndew; u la khmih, te u la pynsakma ïa ki jaid bynriew: bad ïa ki lum bah bymjukut la pynsaphred, ki la dem ngon ki lum kiba neh junom; ki lynti jong u ki long kumba mynbarim.

SEKHARAÏAH 14:4

Te ha kata ka sngi ki kjat jong u kin ïeng halor u lum Olib, uba ha pyrshah ka Jerusalem shaphang mihngi, bad u lum Olib un kad napdeng jong u shaphang mihngi bad shaphang sepngi, te kan don ka them kaba khraw; te shiliang u lum kan kynriah shaphang shatei, bad shiliang shaphang shathie.

JINGPYNPAW 20:11

Bad nga la ïohi ïa ka khet balieh bakhraw, bad ïa uta uba shong halor jong ka, na khmat jong u, ba ka khyndew bad ka bneng ki la ïaphet noh; te ïa ka jaka ym shym la shem shuh ïa ki.

NONGBISHAR 5:4

“A Trai, mynba me la mih noh na Seir, mynba me la ïaid na ka lyngkha Edom, ka khyndew ka la khynñiuh, bad ki bneng ki la jaw, ki lyoh ki la pynjaw ka um keiñ.