MATHAÏOS 9:8 - KA BAIBL

⁸ Ki paidbah te haba ki la ïohi ïa kata, ki la ïakyndit, bad ki la ïaroh ïa U Blei, uba la ai bor kum kata ha ki briew.

Khasi CL Bible (BSI)

⁸ Haba ki briew ki la ïohi ïa kata, ki la sheptieng, bad ki la ïaroh ïa U Blei uba la ai kum kata ka iktiar ha ki briew.

MATHAÏOS 9:8 ပူးပေါင်းရင်းမြစ်များ

MATHAÏOS 12:23

Te kita ki paidbah baroh ki la ïasngewkyndit eh, bad ki la ïa-ong, “Une um long u khun u Dabid?”

MATHAÏOS 15:31

Katba kita ki paidbah ki la sngewphylla, haba ki la ïohi ïa ki bymnangkren ba ki da kren, ïa ki bakynriang ba ki la khiah, ïa ki ba-dkoh ba ki da ïaid, ïa ki bamatlah ruh ba ki da ïohi, ki la ïaroh ruh ïa U Blei ki Israel.

MATHAÏOS 28:18

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

MATHAÏOS 5:16

To pynshai kumta ïa ka jingshai jong phi ha khmat ki briew, ba kin ïohi ïa ki jingleh babha jong phi bad ïoh ïaroh ruh ïa U Kpa jong phi uba ha ki bneng.”

MATHAÏOS 9:7

Te haba u la ïeng, u la leit sha la ïing.

MARKOS 2:12

Te kumne kumne ruh, u la ïeng, bad u la rah noh ïa kata ka jingthiah, u la mih noh de ha khmat jong ki baroh; katba ki la kyndit noh baroh, bad ki la ïaroh ïa U Blei, ki da ong, “Mynno mynno ruh ngim ju ïohi kat kane!”

MARKOS 7:37

Te ki la sngewkyndit bym lah ong shuh, ki da ong, “Ka bha baroh kat kaba U la leh; naba U pynlong ïa ki bakyllut ban sngew, bad ïa ki bymnangkren ban kren.”

LOUKAS 13:13

U la buh ruh ïa la ki kti ha ka, bad kumne kumne ruh la pynïeng beit ïa ka, te ka la pyndonburom ïa U Blei.

LOUKAS 17:15

Uwei te na ki, haba u la ïohi ba la pynkhiah ïa u, u la wan phai, u da ïaroh pyndonburom ïa U Blei da ka ktien bajam;

LOUKAS 17:18

Ym shym la shem kiba la wan phai ban ai burom ïa U Blei, hynrei, tang une u nongwei?”

LOUKAS 18:43

Te kumne kumne ruh u la ïoh imat, bad u la bud ïa U da kaba ïaroh pyndonburom ïa U Blei. Uta u paidlang baroh ruh haba u la ïohi, u la ai ka jingïaroh ha U Blei.

LOUKAS 2:20

Kita ki nongaplangbrot te ki la leit wan noh, da kaba burom bad da kaba ïaroh ïa U Blei namar kiei kiei baroh ïa kiba ki la lah ïohsngew, bad ba ki la lah ïohi, kumba la ïathuh ha ki.

LOUKAS 23:47

Te haba u rangbah shispah u la ïohi ïa kaei ba la leh, u la ïaroh ïa U Blei, u da ong, “Da shisha une u briew u la long u bahok.”

LOUKAS 7:16

Ka jingsheptieng te ka la ngat ha ki baroh; bad ki la ïaroh ïa U Blei, ki da ong, “U nongïathuhlypa u bakhraw u la mih hapdeng jong ngi, bad U Blei u la wan-i ïa la ki briew.”

ÏOANNIS 15:8

Ha kane la pyndonburom ïa U Kpa jong nga, ba phi sei soh shibun; kumta, phin long ki synran jong nga.

KI KAM 11:18

Te haba ki la ïohsngew ïa kine kiei kiei, ki la ïasngap jar, bad ki la ïa-pyndonburom ïa U Blei, ki da ong, “Kumta te ha ki Jentil ruh U Blei u la ai ïa ka jingkylla-ka-bamut sha ka jingim.”

KI KAM 21:20

Ki te haba ki la ïohsngew, ki la pyndonburom ïa U Blei, bad ki la ong ha u, “Me ïohi, ko para, katno phew hajar ki Jiw ki don kiba la ngeit, baroh ruh ki ïalong kiba sngew-shitrhem shaphang ka hukum.

KI KAM 4:21

Kumta, ki, haba ki la nang byrngem shuh ïa ki, ki la pyllait noh ïa ki; ba kim shem lad ban pynshitom ïa ki, namar uta u paidlang, naba ki briew baroh ki la ïa-pyndonburom ïa U Blei na ka bynta kata kaba la leh.

2 KORINTH 9:13

namar da ka jingtynjuh ïa phi da kane ka jingïasam ki da pyndonburom ïa U Blei, namar kata ka jingkohnguh ka jingphla jong phi ïa ka gospel U Khrist, bad namar ka jingkylluid ka jingïasynñiang sbai jong phi sha ki bad sha ki briew baroh;

GALATIA 1:24

Bad ki la ïa-pyndonburom ïa U Blei ha nga.

1 PETROS 2:12

da kaba ïaibat ïa ka jinglong jingim jong phi ka babha hapdeng ki Jentil; ba ha kata kaba ki ïakren sniew ïa phi kum ki nongleh basniew, ki lah na kita ki jingleh babha jong phi, ïa kiba ki ïohi, ban pyndonburom ïa U Blei ha ka sngi ka jingwan-i.