MATHAÏOS 9:6 - KA BAIBL

⁶ Hynrei, ba phin ïoh tip ba U Khun u briew u don bor ha ka khyndew ban map ïa ki pop,” (hangta u la ong ha uta u bapang ïapshiliang), “To ïeng, to rah noh ïa la ka jingthiah, to khie leit ruh sha la ïing.”

Khasi CL Bible (BSI)

⁶ Ngan pynshisha ha phi, te, ba U Khun U Briew u don ka iktiar ha ka khyndew ban map ïa ki pop.” Kumta u la ong ha u briew uba ïapshiliang, “To ïeng joit, to rah ïa la ka jingthiah, bad leit sha ïing!”

MATHAÏOS 9:6 ပူးပေါင်းရင်းမြစ်များ

ISAÏAH 43:25

“Nga, ma nga hi, nga long uta uba pyndam noh ïa ki jingryngkang jong me na ka bynta ïa lade hi; bad ngan ym kynmaw ïa ki pop jong me.

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

MATHAÏOS 4:24

Te ka nam jong u ka la phriang ïa ka Syria baroh: bad ki la ïawallam ha u baroh kiba la pang, ïa kiba la ngat da ki bun jait ki jingpang bad ki jingkordit, bad ïa kiba shong ksuid, bad ïa ki bapang bhur, bad ïa ki bapang ïapshiliang de: te u la pynkhiah ïa ki.

MATHAÏOS 8:20

U Jisu te u la ong ha u, “Ki myrsiang ki don ki thliew, bad ki sim bneng ki jaka rieh: hynrei, U Khun u briew um don jaka ban buh ïa la ka khlieh.”

MATHAÏOS 9:2

Ha khmih ruh, ki la ïawallam ha u ïa u bapang ïapshiliang, uba thiah ha ka jingthiah: te haba U Jisu u la ïohi ïa ka jingngeit jong ki, u la ong ha uta u bapang ïapshiliang, “To kyrmen, ko khun; la map noh ïa me ïa ki pop jong me.”

MATHAÏOS 9:5

naba kano kaba kham jem, ban ong, ‘La map ïa ki pop jong me;’ lane ban ong, ‘To ïeng, to ïaid ruh?’

MATHAÏOS 9:7

Te haba u la ïeng, u la leit sha la ïing.

MARKOS 2:10

hynrei, ba phin ïoh tip ba U Khun u briew u don bor ha ka khyndew ban map ïa ki pop”, (U ong ha uta u bapang ïapshiliang),

MARKOS 2:7

“Balei ba une u kren kaba beiñ blei kumne? uei uba lah ban map ïa ki pop, hynrei, tang U Blei hi?”

LOUKAS 5:21

Ki nongthoh bad ki Pharisi ki la ïasdang ban ïapyrkhat te, ki da ong, “Uei une uba kren ïa ki jingkrenbeiñ Blei? uei ba lah ban map noh ïa ki pop, hynrei, tang U Blei hi?”

ÏOANNIS 10:28

ma nga te nga ai ha ki, ïa ka jingim bymjukut: bad kin ym ïajot shuh lano lano ruh, lymne uei uei ruh un ym knieh kynthet ïa ki na ka kti jong nga.

ÏOANNIS 17:2

kumba me la ai ha u ka bor halor ka doh baroh, ba ïa kita baroh kiba me la ai ha u, un ai ha ki ka jingim bymjukut.

ÏOANNIS 5:27

bad u la ai ruh ha u ka bor ïa ka ban bishar, naba u long U Khun u briew.

ÏOANNIS 5:8

U Jisu u ong ha u, “To ïeng, rah ïa la ka jingthiah, to ïaid ruh.”

KI KAM 5:31

Ïa une, U Blei u la kyntiew sha ka kti kamon jong u, ban long U Syiem bad U Nongpynim, ïa ka ban ai ka jingkylla-ka-bamut ha u Israel, bad ka jingmap ki pop.

KI KAM 9:34

Te u Petros u la ong ha u, “Ko Inias, U Jisu Khrist u pynkhiah ïa me; to ïeng joit, bad shna ïa la ka jingthiah.” Te kumne kumne ruh u la ïeng joit.

2 KORINTH 2:10

Hynrei, ïa uba phi ïamap ïa kaei kaei ruh, nga ruh nga map; namar lada nga la map ma nga ruh kaei kaei ruh, ïa uba nga la map, na ka bynta jong phi nga la map ïa kata ha U Khrist;

2 KORINTH 5:20

Namar kata, ngi long ki nongkit-'tien syiem na ka bynta U Khrist, la kumba U Blei u kyrpad ïa phi da ngi; ngi duwai hir hir na ka bynta U Khrist: To long phi ïa kiba la pynïasuk bad U Blei.

EPHESOS 4:32

bad to phin long ruh kiba leh sbun paralok, kiba jemnud, kiba ïamap paralok, kumba U Blei ruh ha U Khrist u la map ïa phi.

KOLOSSAI 3:13

da kaba ïaishah paralok, bad da kaba ïamap paralok, lada uno uno u don ka jingmudui ïano ïano; kumba U Trai u la map ïa phi, kumta ruh, to leh ma phi;