MATHAÏOS 9:36 - KA BAIBL

³⁶ Bad haba u la ïohi ïa ki paidbah, u la sngewsynei namar jong ki, naba ki long kiba la sakma bad kiba la saphred ruh, kum ki langbrot ki bymdon u nongsharai.

Khasi CL Bible (BSI)

³⁶ Haba u la ïohi ïa ki paidbah, la pyndap ïa ka dohnud jong u da ka jingsngewsynei na ka bynta jong ki, namar ki la khuslai bad kim lah ban leh ei ei, kum ki langbrot khlem u nongsharai.

MATHAÏOS 9:36 ပူးပေါင်းရင်းမြစ်များ

1 SYIEM 22:17

U te u la ong, “Nga la ïohi ïa ki Israel baroh ba ki la sakma ha ki lum, kum ki langbrot bymdon nongap; te U Trai u la ong, ‘Kine kim don kynrad; to kin leit phai pat uwei uwei sha la ïing ha kaba suk.’ ”

2 KHRONIKL 18:16

U te u la ong, “Nga la ïohi ïa ki Israel baroh ba ki la sakma halor ki lum, kum ki langbrot ki bymdon nongsharai: bad U Trai u la ong, ‘Kine kim don kynrad; to kin leit phai noh uwei uwei baroh sha la ïing ha kaba suk.’ ”

ISAÏAH 13:14

Te kan jia, ba kum ka khiat ba la beh, bad kum ki langbrot bymdon ba ïalum, kin phai man u briew sha la ki jong ki briew, bad man u briew un phet sha la ka jong ka ri.

JEREMAÏAH 50:6

“Ki briew jong nga ki la long ki langbrot ba la jah noh: ki nongaplangbrot jong ki, ki la pynsakma ïa ki, ki la pyllait lyngkar ïa ki ha ki lum: ki la leit na u lum bah sha u lum rit, ki la klet ïa la ka jaka dem.

SEKHARAÏAH 10:2

Naba ki teraph ki la kren ka jingthala, bad ki nongkren byrtong ki la ïohi ïa ka lamler; bad ki la ïathuh ïa ki jingphohsniew kiba shukor, ki pyntngen lehnohei: namar kata, ki la leit la ka lynti kum ki langbrot, la pynjynjar ïa ki, namar bymdon u nongsharai.

SEKHARAÏAH 11:16

Naba ha khmih, ngan pynmih ïa u nongsharai ha ka ri, u ban ym khmih ïa kita kiba la pynduh noh, lymne un ym wad ïa kiba la pynsakma, lymne pynkhiah ïa kata kaba la mong; lymne un ym bsa ïa kata kaba sahkut, hynrei, un bam ïa ka doh jong ki basngaid, bad un pynlwet ïa ki khnap jong ki.

JINGKHEIÑ 27:17

u ban leit shabar ha shuwa jong ki, bad u ban wan shapoh ha shuwa jong ki, bad uba lah ban ïalam shabar ïa ki, bad uba lah ban ïalam shapoh ïa ki; ba u paidlang jong U Trai un ym long kum ki langbrot ki bymdon u nongsharai.”

MATHAÏOS 10:6

Hynrei, phin kham ïaleit ha kita ki langbrot kiba la jah noh na ka ïing Israel.

MATHAÏOS 14:14

Haba U Jisu ruh u la mih noh, u la ïohi ïa u paidbah babun, bad u la sngewsynei ïa ki bad u la pynkhiah ïa ki bapang jong ki.

MATHAÏOS 15:24

U da ïathuh u la ong te, “Ym shym la phah ïa nga, hynrei, tang ha kita ki langbrot kiba la jah noh na ka ïing Israel.”

MATHAÏOS 15:32

Haba U Jisu te u la khot ha lade ïa ki synran jong u, u la ong, “Nga sngewsynei ïa u paidbah; naba ki la ïaishong bad nga mynta la lai sngi, bad kim don ei ei ruh ban bam; te ngam mon ban phah noh jingit ïa ki, ba ïoh ki ïapler ha lynti.”

MARKOS 6:34

Haba U Jisu te u la mih noh, u la ïohi ïa u paidbah babun, bad u la sngewsynei ïa ki, naba ki long kum ki langbrot khlem u nongsharai; te u la sdang ban hikai bun kiei kiei ruh ïa ki.

MARKOS 8:2

“Nga sngewsynei ïa u paidbah; naba mynta la lai sngi ki la ïashong bad nga, bad kim don shuh ei ei ruh ban bam:

HEBRU 4:15

Namar ngim don u Rangbah lyngdoh u bym lah ban ïasngewlem bad ki jingtlot jong ngi; hynrei, ïa uba la pynshoi ha kiei kiei baroh syriem ïa ngi, hynrei, khlem pop.

HEBRU 5:2

uba lah ban shah jem bad kita ki bymtip bad kiba bakla; naba ïa u hi ruh, la ker sawdong da ka jingtlot.