MATHAÏOS 9:31 - KA BAIBL

³¹ Hynrei, haba ki la ïaleit noh, ki la ïa-pynbna ïa u ha kata ka ri baroh.

Khasi CL Bible (BSI)

³¹ Hynrei ki la leit noh bad pynphriang ïa ka khubor shaphang U Jisu ha kylleng jong kata ka bynta jong ka ri.

MATHAÏOS 9:31 ပူးပေါင်းရင်းမြစ်များ

MATHAÏOS 14:1

Mynkata u Herod uba u Tetrark u la ïohsngew ïa ka jingbna shaphang U Jisu,

MATHAÏOS 28:15

Kumta, haba ki la shim ïa u sbai, ki la leh kumba la hikai ïa ki; te ïa kane ka ktien la pynbna hapdeng ki Jiw haduh mynta.

MATHAÏOS 4:24

Te ka nam jong u ka la phriang ïa ka Syria baroh: bad ki la ïawallam ha u baroh kiba la pang, ïa kiba la ngat da ki bun jait ki jingpang bad ki jingkordit, bad ïa kiba shong ksuid, bad ïa ki bapang bhur, bad ïa ki bapang ïapshiliang de: te u la pynkhiah ïa ki.

MATHAÏOS 9:26

Ka jingbna ïa kata te ka la leit kylleng ha kata ka ri baroh.

MARKOS 1:28

Te shen shen ruh, ka jingbna shaphang jong U ka la phriang kylleng sawdong kata ka ri Galilaïa baroh.

MARKOS 7:36

U la hukum te ïa ki, ba kin ym ïathuh hano hano ruh, hynrei, katba U la nang adong ïa ki, katta ki la nang ïa-pynbna kham tam pynban.

LOUKAS 4:14

Ynda kumta, U Jisu u la wan phai pat ha ka bor U Mynsiem sha Galilaïa: te ka nam shaphang jong u ka la phriang baroh sawdong kata ka ri.

LOUKAS 4:37

Ka jingbna te shaphang jong U ka la leit sha man ka jaka jong kata ka ri kylleng sawdong.

LOUKAS 5:15

Hynrei, ka ktien shaphang jong U ka la nang kham phriang pynban; bad ki paidbah babun ki la ïawan lang ban ïohsngew, bad ban ïoh pynkhiah na ki jingpang jong ki.

LOUKAS 7:17

Te kane ka jingbna shaphang jong U ka la phriang noh kylleng ka Judia baroh, bad kylleng kata ka ri kaba baroh sawdong.