MATHAÏOS 9:29 - KA BAIBL

²⁹ Ynda kumta, u la ktah ïa ki khmat jong ki, u da ong, “Katba kum ka jingngeit jong phi kan long ha phi.”

Khasi CL Bible (BSI)

²⁹ Nangta U Jisu u la ktah ïa ki khmat jong ki bad u la ong, “Ai ba kan jia long, te, kumba phi ngeit!” —

MATHAÏOS 9:29 ပူးပေါင်းရင်းမြစ်များ

MATHAÏOS 15:28

Ynda kumta, U Jisu u la ïathuh bad u la ong ha ka, “Ko kynthei, kaba khraw ka jingngeit jong pha; to kan long ïa pha kumba pha mon.” Ka khun jong ka, ka la khiah te naduh kata ka por.

MATHAÏOS 20:34

U Jisu te ba u la sngewsynei, u la ktah ïa ki khmat jong ki: te kumne kumne ruh ki khmat jong ki, ki la peit, bad ki la ïabud ïa u.

MATHAÏOS 8:13

Bad U Jisu u la ong ha uta u rangbah shispah, “To khie leit noh; kat kumba me la ngeit, kan long ruh ïa me.” Te ha kata hi ka por la pynkhiah ïa u shakri jong u.

MATHAÏOS 9:22

U Jisu te haba u la phai, bad u la ïohi ïa ka, u la ong, “To kyrmen, ko ka khun; ka jingngeit jong pha ka la pynkhiah ïa pha.” Kata ka kynthei te ka la khiah naduh kata ka por.

MATHAÏOS 9:28

Haba u la wan hapoh ïing te, kita ki bamatlah ki la ïawan ha u; te U Jisu u la ong ha ki, “Phi ngeit ba nga lah ban leh ïa kane?” Ki la ong ha u, “Ho-oid, ko Trai.”

MARKOS 10:52

U Jisu u la ong te ha u, “To khie leit noh, kata ka jingngeit jong me ka la pynkhiah ïa me;” te kumne kumne ruh, u la ïoh imat, bad u la bud ïa U ha kata ka lynti.