MATHAÏOS 9:24 - KA BAIBL

²⁴ u la ong ha ki, “To kynriah noh; naba ka khynnah kam shym la ïap, hynrei, ka ïohthiah.” Ki te, ki la rkhiebeiñ ïa u.

Khasi CL Bible (BSI)

²⁴ u la ong, “To ïamihnoh shabar baroh! Ka khynnah rit kam shym ïap — ka shu ïohthiah!” Te ki baroh ki la ïa-rkhie ïa u.

MATHAÏOS 9:24 ပူးပေါင်းရင်းမြစ်များ

Ka Kitab U Job 12:4

Nga long kum ïa uba la rkhiebeiñ da u paramarjan, uba la duwai ha U Blei, bad u la phai ktien ruh ïa u: u bahok, uba janai u long ïa uba la rkhiebeiñ.

ISAÏAH 49:7

Kumne u ong U Trai, u nongsiewspah ki Israel, uta U Bakhuid jong u, ha uta uba ki briew ki ibeiñ, ha uta uba ka jaid bynriew ka isih, ha u shakri jong ki nongsynshar: “Ki syiem kin ïohi te kin ïeng; ki bakhraw batri, te kin dem; namar U Trai uba ïaineh U Bakhuid ki Israel keiñ, uba la jied ïa me.”

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

MARKOS 5:40

Ki te ki la rkhiebeiñ ïa U. Hynrei, haba U la pynmih noh ïa ki baroh, U shim lem ïa u kpa bad ïa ka kmie jong kata ka khynnah, bad ïa kita kiba don lem bad U, bad U la leit hapoh, sha kaba don kata ka khynnah.

LOUKAS 8:53

Ki te ki la ïarkhiebeiñ ïa U, ba ki da tip ba ka la ïap.

ÏOANNIS 11:4

Haba U Jisu te U la ïohsngew, U la ong, “Kane ka jingpang kam long sha ka ban ïap, hynrei, na ka bynta ka burom U Blei, ba yn pyndonburom ïa U Khun U Blei da ka.”

KI KAM 20:10

U Paul te ynda u la leit hiar u la dem halor jong u, bad haba u la kynthup ïa u, u la ong, “Phi wat khuslai, namar ka mynsiem jong u ka don ha u.”

KI KAM 9:40

Hynrei, u Petros, u la pynmih noh shabar ïa ki baroh, bad u la dem khohsiew, bad u la duwai; bad haba u la phai sha kata ka met, u la ong, “Ko Tabitha, to ïeng.” Te ka la khyllie ïa la ki khmat; bad haba ka la ïohi ïa u Petros, ka la khie shong.