MATHAÏOS 9:22 - KA BAIBL

²² U Jisu te haba u la phai, bad u la ïohi ïa ka, u la ong, “To kyrmen, ko ka khun; ka jingngeit jong pha ka la pynkhiah ïa pha.” Kata ka kynthei te ka la khiah naduh kata ka por.

Khasi CL Bible (BSI)

²² U Jisu u la phai sawdong bad u la ïohi ïa ka, bad u la ong, “To long shlur, ko ka khun jong nga! Ka jingngeit jong pha ka la pynkoit ïa pha.” Ha kata ka khyllipmat ka kynthei ka la koit.

MATHAÏOS 9:22 ပူးပေါင်းရင်းမြစ်များ

MATHAÏOS 15:28

Ynda kumta, U Jisu u la ïathuh bad u la ong ha ka, “Ko kynthei, kaba khraw ka jingngeit jong pha; to kan long ïa pha kumba pha mon.” Ka khun jong ka, ka la khiah te naduh kata ka por.

MATHAÏOS 17:18

Te U Jisu u la sneng ïa uta u ksuid, u ruh u la mih noh na u; te uta u khynnah u la khiah naduh kata ka por.

MATHAÏOS 8:13

Bad U Jisu u la ong ha uta u rangbah shispah, “To khie leit noh; kat kumba me la ngeit, kan long ruh ïa me.” Te ha kata hi ka por la pynkhiah ïa u shakri jong u.

MATHAÏOS 9:2

Ha khmih ruh, ki la ïawallam ha u ïa u bapang ïapshiliang, uba thiah ha ka jingthiah: te haba U Jisu u la ïohi ïa ka jingngeit jong ki, u la ong ha uta u bapang ïapshiliang, “To kyrmen, ko khun; la map noh ïa me ïa ki pop jong me.”

MATHAÏOS 9:29

Ynda kumta, u la ktah ïa ki khmat jong ki, u da ong, “Katba kum ka jingngeit jong phi kan long ha phi.”

MARKOS 10:52

U Jisu u la ong te ha u, “To khie leit noh, kata ka jingngeit jong me ka la pynkhiah ïa me;” te kumne kumne ruh, u la ïoh imat, bad u la bud ïa U ha kata ka lynti.

MARKOS 5:34

U la ong te ha ka, “Ko khun, ka jingngeit jong pha ka la pynkhiah ïa pha; to khie leit ha kaba suk, bad to long kaba la khiah bha na ka jingpang shitom jong pha.”

LOUKAS 17:19

Te U la ong ha u, “To ïeng joit, khie leit noh ruh: ka jingngeit jong me ka la pynkhiah ïa me.”

LOUKAS 18:42

U Jisu u la ong te ha u, “To men ïoh imat, ka jingngeit jong me ka la pynkhiah ïa me.”

LOUKAS 7:50

Te U la ong ha kata ka briew, “Ka jingngeit jong pha ka la pynim ïa pha; to khie leit ha kaba suk.”

LOUKAS 8:48

Te U la ong ha ka, “To kyrmen, ko khun, ka jingngeit jong pha ka la pynkhiah ïa pha; to khie leit ha kaba suk.”

ÏOANNIS 4:53

Kumta, uta u kpa u la tip ba ka la long ha kata ka por hi, ha kaba U Jisu u la ong ha u, “U khun jong me u la im:” te u hi u la ngeit, bad ka ïing jong u baroh kawei.

KI KAM 14:9

Une u la ïohsngew ïa u Paul ba u kren; uba haba u la khmih shaiñ ïa u, bad ba u la ïohi ba u don ka jingngeit ïa ka ban ïoh khiah,

KI KAM 16:18

Ïa kane te ka la leh bun sngi. Hynrei, u Paul, haba u la sngewsatia eh, u la phai dien, bad u la ong ha uta u ksuid, “Nga hukum ïa me ha ka kyrteng U Jisu Khrist ban mih noh na ka.” Bad ha kata kajuh ka por u la mih noh.

HEBRU 4:2

Namar shisha, ha ngi ruh la ïalap ïa ka gospel kumba ha kita ruh; hynrei, kata ka ktien ba la ïohsngew kam shym pynmyntoi ïa ki, namar ym shym la khñiot lang ïa ka bad ka jingngeit ha kita kiba la ïohsngew.