MATHAÏOS 9:2 - KA BAIBL

² Ha khmih ruh, ki la ïawallam ha u ïa u bapang ïapshiliang, uba thiah ha ka jingthiah: te haba U Jisu u la ïohi ïa ka jingngeit jong ki, u la ong ha uta u bapang ïapshiliang, “To kyrmen, ko khun; la map noh ïa me ïa ki pop jong me.”

Khasi CL Bible (BSI)

² ha kaba katto katne ki briew ki la wallam sha u ïa u briew uba ïapshiliang, uba thiah ha ka jingthiah. Haba U Jisu u la ïohi haduh katno ka jingngeit ki don, u la ong ha u briew uba ïapshiliang, “To long shlur, ko khun jong nga! Ïa ki pop jong me la map.”

MATHAÏOS 9:2 ပူးပေါင်းရင်းမြစ်များ

EKLESIASTIS 9:7

To khie me, bam la u kpu da kaba kmen, bad dih la ka Waiñ da ka dohnud basngewkmen; namar U Blei u la pdiang lypa ïa ki kam jong me.

ISAÏAH 44:22

Nga la pyndam noh ïa ki jingpalat jong me, kiba kum u lyoh barben, bad ïa ki pop jong me, kiba kum u lyoh: to phai sha nga; namar nga la siewspah ïa me.

MATHAÏOS 14:27

Hynrei, U Jisu kumne kumne ruh u la kren ha ki, u da ong, “To sngewshlur; dei ma nga; to wat sheptieng.”

MATHAÏOS 4:24

Te ka nam jong u ka la phriang ïa ka Syria baroh: bad ki la ïawallam ha u baroh kiba la pang, ïa kiba la ngat da ki bun jait ki jingpang bad ki jingkordit, bad ïa kiba shong ksuid, bad ïa ki bapang bhur, bad ïa ki bapang ïapshiliang de: te u la pynkhiah ïa ki.

MATHAÏOS 6:12

To map ruh ïa ngi ïa ki ryngkang jong ngi, kumba ngi ruh ngi map ïa kiba leh sniew ïa ngi.

MATHAÏOS 8:10

Te haba U Jisu u la ïohsngew, u la kyndit, bad u la ong ha kita kiba bud, “Shisha nga ong ha phi, wat ha Israel, ngam shym la shem kat kane ka jingngeit.

MATHAÏOS 8:16

Ynda la janmiet ruh, ki la ïawallam ha U shibun kiba shong ksuid; te U la beh noh ïa ki mynsiem da ka ktien, bad U la pynkhiah ïa ki bapang baroh:

MATHAÏOS 9:22

U Jisu te haba u la phai, bad u la ïohi ïa ka, u la ong, “To kyrmen, ko ka khun; ka jingngeit jong pha ka la pynkhiah ïa pha.” Kata ka kynthei te ka la khiah naduh kata ka por.

MATHAÏOS 9:5

naba kano kaba kham jem, ban ong, ‘La map ïa ki pop jong me;’ lane ban ong, ‘To ïeng, to ïaid ruh?’

MATHAÏOS 9:6

Hynrei, ba phin ïoh tip ba U Khun u briew u don bor ha ka khyndew ban map ïa ki pop,” (hangta u la ong ha uta u bapang ïapshiliang), “To ïeng, to rah noh ïa la ka jingthiah, to khie leit ruh sha la ïing.”

MARKOS 1:32

Ynda la janmiet te, haba la sep ka sngi, ki la wallam ha u ïa ki bapang baroh, bad ïa kita kiba shong ksuid ruh.

MARKOS 10:49

U Jisu haba U la ïeng te, U la ong, “To khot ïa u.” Bad ki khot ïa uta u bamatlah, ki da ong ha u, “To kyrmen, to ïeng ruh, U khot ïa me.”

MARKOS 5:34

U la ong te ha ka, “Ko khun, ka jingngeit jong pha ka la pynkhiah ïa pha; to khie leit ha kaba suk, bad to long kaba la khiah bha na ka jingpang shitom jong pha.”

MARKOS 6:50

naba baroh ki la ïohi ïa u, bad ki ïasngewkyiuh eh. Hynrei, kumne kumne ruh, u la kren ha ki, bad u ong ha ki, “To long shlur, dei ma nga, to wat sheptieng.”

ÏOANNIS 16:33

Nga la kren ïa kine kiei kiei ruh ha phi, ba phin ïoh ka jingsuk ha nga; ha kata ka pyrthei phin ïoh ka jynjar, hynrei, to long shlur phi! nga, nga la jop ïa kata ka pyrthei.”

ÏOANNIS 2:25

bad um da donkam ba uno uno ruh un phla shaphang u briew: naba u hi u la tip kaei kaba la don ha u briew.

ÏOANNIS 21:5

Ynda kumta, U Jisu u ong ha ki, “Ko khynraw, phi don ka jingbam ei ei?” ki la ïathuh ha u, “Em.”

KI KAM 14:9

Une u la ïohsngew ïa u Paul ba u kren; uba haba u la khmih shaiñ ïa u, bad ba u la ïohi ba u don ka jingngeit ïa ka ban ïoh khiah,

KI KAM 19:12

kat haduh ba ki la leit lam ha ki bapang ïa ki rumar lane ki jaiñ kyrshah na ka met jong u, ki jingpang te ki la jah noh na ki, bad ki mynsiem bymman ki la mih noh.

KI KAM 23:11

Te kum lashai mynmiet, U Trai u la ïeng hajan jong u, u la ong ruh, “To sngewshlur! Namar kumba me la phla shaphang jong nga ha Jerusalem, kumjuh ka dei ïa me ban phla ha Rom ruh.”

Ka Shithi U Paul Sha Ki Nong Rom 5:11

Bad ym tang kumta, hynrei, ngi sngewkmen ruh ha U Blei hi da U Trai jong ngi U Jisu Khrist, da u, ba mynta ngi la ïoh pdiang ïa kane ka jingpynïasuk.

JAKOB 2:18

Hynrei, don u ban ong, “Me, me don ka jingngeit, nga ruh nga don ki jingleh: to pyni ha nga ïa kata ka jingngeit jong me khlem kita ki jingleh jong me, nga ruh ngan pyni ha me na kita ki jingleh jong nga ïa ka jingngeit jong nga.”