MATHAÏOS 9:15 - KA BAIBL

¹⁵ U Jisu te u la ïathuh ha ki, “Ki nong-on kurim ki lah ban sngewsih, haba u dang sah bad ki u nongleit-kurim? Hynrei, kin poi ki sngi, ynda yn shim noh na ki, ïa u nongleit-kurim, hangta te kin sa ïashah jingit.

Khasi CL Bible (BSI)

¹⁵ U Jisu u la jubab, “Hato phi khmih lynti ba kiba shah khot sngewbha sha ka jingkhawai shongkurim kin sngewsih katba u nongleitkurim u dang don lem bad ki? Em kam long kumta! Hynrei ka sngi kan poi haba ïa u nongleitkurim yn shim noh na ki, bad kumta keiñ kin sa shahjingit.

MATHAÏOS 9:15 ပူးပေါင်းရင်းမြစ်များ

ISAÏAH 22:12

Ha kata ka sngi ruh, U Trai, U Trai ki paid, u la khot ïa ka ban ïam, bad ïa ka ban ïam sngewsih, bad ïa ka ban pynlyndum khlieh, bad ïa ka ban panpoh jaiñ byrni:

MATHAÏOS 9:14

Ynda kumta, ki la ïawan ha u ki synran u Ïoannis, ki da ong, “Balei ba ngi bad ki Pharisi ngi ïashah jingit bunsien, ki synran jong me te kim ïashah jingit?”

MATHAÏOS 9:16

Ym don ruh uba suh syrdep ïa ka jaiñkup barim da ka jaiñ thymmai; naba kata ka jaiñsyrdep hi ka pynkad na ka jong kata ka jaiñkup, ka pynlong ruh ïa ka jingkad kaba kham khraw:

MARKOS 2:19

U Jisu te u la ong ha ki, “Ki nong-on kurim ki lah ban shah jingit, haba u nongleit-kurim u dang sah lem bad ki? katba ki dang don uta u nongleit-kurim lem bad ki, kim lah ban shah jingit:

MARKOS 2:20

hynrei, ki sngi kin poi, haba la shim noh ïa u nongleit-kurim na ki, ynda kumta te, ha kita ki sngi keiñ, kin sa ïashah jingit.

LOUKAS 17:22

Bad U la ong ha ki synran, “Ki sngi kin wan ynda phin kwah ban ïohi ïa kawei na ki sngi U Khun u briew, te phin ym ïohi keiñ.

LOUKAS 5:34

Bad U Jisu u la ïathuh ha ki, “Phi lah ban pynbor ïa ki nong-on kurim ban shah jingit, katba u nongleit-kurim u dang don bad ki?

LOUKAS 5:35

hynrei, ki sngi kin poi, ynda yn shim noh ïa u nongleit-kurim na ki; ynda kumta keiñ, ha kita ki sngi kin sa shah jingit.”

ÏOANNIS 16:6

Hynrei, namar ba nga la kren ïa kine kiei kiei ruh ha phi, ka jingsngewsih ka la pyndap ïa ka dohnud jong phi.

ÏOANNIS 3:29

U nongleit-kurim u long uta uba ïoh ïa ka nongleit-kurim: hynrei, u lok jong u nongleit-kurim, uba ïeng bad uba ïohsngew ïa u, u kmen shibun namar ka ktien uta u nongleit-kurim: namar kata, kane ka jingkmen ka jong nga ka la biang.

KI KAM 14:23

Te ynda ki la thung ha ki, ki tymmen basan ha la ka balang balang baroh, bad ba ki la ïaduwai lem bad ka jingshah jingit, ki la ïa-aiti ïa ki ha U Trai ha uba ki la lah ngeit.

1 KORINTH 7:5

Wat ïashukor phi shi tnga lymda na kaba ïakut lem shi por, khnang ba phin ïoh aiti ïa lade ha kaba duwai, te to ïapoi lem pat hajuh, ba u Soitan un ym ïoh pynshoi ïa phi namar ka jingkwah awria jong phi.

2 KORINTH 11:27

ha ka jingtrei minot bad ka jingtrei shitom, ha ki jingbymïohthiah bunsien, ha ka jingthngan bad ka jingsliang, ha ki jingshah jingit bunsien, ha ka pjah bad ka jinglyngkhuit,

JINGPYNPAW 19:9

Bad u ong ha nga, “To thoh: Suk kita ïa kiba la khot sha kata ka jingïakhawai miet ka jingshongkurim uta U Khun langbrot.” U ong ruh ha nga, “Kine ki long ki ktien bashisha ki jong U Blei.”

JINGPYNPAW 21:2

Bad nga la ïohi ïa ka nongbah ka bakhuid, ka Jerusalem bathymmai, ba ka da wan hiar na U Blei na bneng, ïa kaba la khreh kum ka nongleit-kurim ïa kaba la pynibha khnang ïa u tnga jong ka.