MATHAÏOS 8:4 - KA BAIBL

⁴ U Jisu u la ong ruh ha u, “To sumar wat ïathuh hano hano ruh; hynrei, khie leit noh, to pyni ïa lade ha u lyngdoh, to ainguh ruh ïa ka jingai ïa kaba u Moses u la hukum, ïa ka ban long ka jingphla ïa ki.”

Khasi CL Bible (BSI)

⁴ Nangta U Jisu u la ong ha u, “To shahshkor! Wat ïathuh hano hano, hynrei khie leit beit beit sha u lyngdoh bad ai un khmih bniah ïa me; te khnang ban pynshisha ha uwei uwei baroh ba me la khiah, ai ïa ka jingkñia kaba u Moses u la hukum.”

MATHAÏOS 8:4 ပူးပေါင်းရင်းမြစ်များ

ISAÏAH 42:21

Ka la pynsngewbha ïa U Trai, na ka bynta ka hok jong u, ban pynkhraw ïa ka hukum, bad ban pyndonburom ïa ka.

LEBITIKOS 13:49

lada u pyrshen u long uba lam jyrngam lane uba lam saw ha kata ka jaiñ, lane ha kata ka snieh, lane ha u ksai lynter, lane ha u ksai pyngkiang, lane ha kaei kaei ba la thaw da ka snieh; ka long ka jingpang 'ñiangthohlieh, bad ka dei ban pyni ïa kata ha u lyngdoh.

MATHAÏOS 10:18

yn ïalam ruh ïa phi ha khmat ki lyngskor bad ki syiem na ka bynta jong nga, ïa ka ban long ka jingphla ha ki bad ha ki Jentil.

MATHAÏOS 16:20

Ynda kumta, u la adong ïa ki synran jong u ban ym ïathuh hano hano ruh ba u long uta U Khrist.

MATHAÏOS 17:9

Haba ki dang ïahiar te na uta u lum, U Jisu u la hukum ïa ki, u da ong, “Wat ïathuh hano hano ruh ïa kata ka jingithuhpaw, tad ynda U Khun u briew u la mihpat na ki baïap.”

MATHAÏOS 3:15

U Jisu te u la ïathuh bad U la ong ha u, “To shah mynta: naba kumne keiñ ka long kaba dei ïa ngi ban pyndep ïa ka hok baroh.” Ynda kumta, u la shah ïa u.

MATHAÏOS 5:17

“Wat mut ba nga la wan ïa ka ban pyndam noh ïa Ka Hukum lane ïa Ki Nongïathuhlypa: ngam shym la wan ïa ka ban pyndam noh, hynrei, ïa ka ban pynskhem.

MATHAÏOS 6:1

“To sumar ban ym leh ïa ka babha jong phi ha khmat ki briew, khnang ba kin khmih ïa phi: lymda kumta, phim don nong ha U Kpa jong phi uba ha bneng.

MATHAÏOS 9:30

Ïa ki khmat jong ki te la pynpeit. U Jisu te u la maham ïa ki, u da ong, “To sumar ban ym tip mano mano ruh.”

MARKOS 13:9

“Hynrei, to sumar ïa lade; naba kin ai noh ïa phi ha ki jingbishar, bad ha ki synagog yn sympat ïa phi, bad yn pynïeng ïa phi ha khmat ki lyngskor bad ki syiem na ka bynta ka kyrteng jong nga, ïa ka ban long ka jingphla ïa ki.

MARKOS 3:12

U te u la hukum skhem ïa ki, ba kin ym pynbna ïa u.

MARKOS 5:43

Te U la hukum skhem ïa ki, ba uno uno ruh un ym tip ïa kane: U la hukum ruh ban ai ei ei ïa ka, ban bam.

MARKOS 6:11

te ha kano kano ruh ka jaka ka ban ym pdiang ïa phi, bad kim sngew ïa phi, haba phi mih noh nangta, to kynther noh ïa ka 'dewmet na ki poh'jat jong phi, ïa ka ban long ka jingphla ïa ki. Shisha nga ong ha phi, ba kan long kham jem ïa ka Sodom bad ïa ka Gomorra ha ka sngi bishar, ban ïa kaba ïa kata ka shnong.”

MARKOS 7:36

U la hukum te ïa ki, ba kin ym ïathuh hano hano ruh, hynrei, katba U la nang adong ïa ki, katta ki la nang ïa-pynbna kham tam pynban.

MARKOS 8:30

U la hukum skhem te ïa ki, ba kin ym ïathuh hano hano ruh shaphang jong u.

MARKOS 9:9

Te haba ki dang hiar na uta u lum, u la hukum skhem ïa ki, ba kin ym ïathuh hano hano ruh ïa kiei kiei ruh ïa kiba ki la ïohi, tad ynda U Khun u briew u la mihpat na ki baïap.

LOUKAS 17:14

Te haba u la ïohi ïa ki, u la ong ïa ki, “Khie leit pyni ïa lade ha ki lyngdoh.” Ka la jia te, ba katba ki dang ïaleit, la pynkhuid ïa ki.

LOUKAS 21:13

Hynrei, kan pynjia lad ïa phi ïa ka ban long ka jingïaphla.

LOUKAS 4:41

Ki ksuid ruh de ki la mih noh na kiba bun, ki da pyrta jam, ki da ong ruh, “Me long U Khrist U Khun U Blei.” Hynrei, haba u la sneng ïa ki, um shah ïa ki ban kren, naba ki la tip ba u long U Khrist.

LOUKAS 5:14

Te U la hukum ïa u ban ym ïathuh hano hano ruh; hynrei, “khie leit noh, to pyni ïa lade ha u lyngdoh, to ainguh ruh na ka bynta ka jingpynkhuid jong me, kat kumba u Moses u la hukum, ïa ka ban long ka jingphla ïa ki.”

LOUKAS 8:56

Te ki kmie ki kpa jong ka ki la sngewkyndit, hynrei, U la hukum skhem ïa ki ban ym ïathuh hano hano ruh ïa kaba la leh.

LOUKAS 9:21

Hynrei, u la maham ïa ki, bad u la hukum ban ym ïathuh ïa kata hano hano ruh;

ÏOANNIS 5:41

Ngam pdiang ïa ka burom na ki briew.

ÏOANNIS 7:18

jar uba kren na lade, u wad ïa la ka jong ka burom: hynrei, jar uba wad ïa ka burom jong uta uba la phah ïa u, uta u long uba shisha, bad ka jingbymhok kam don ha u.

ÏOANNIS 8:50

Nga te ngam wad ïa ka burom ka jong nga hi; don uba wad ïa ka, bad uba bishar.