MATHAÏOS 8:34 - KA BAIBL

³⁴ Ha khmih ruh, kata ka shnong baroh ka la mih ïa ka ban shem ïa U Jisu; te haba ki la ïohi ïa u, ki la ïaduwai ba un leit noh na ki phang jong ki.

Khasi CL Bible (BSI)

³⁴ Kumta uwei uwei baroh na ka shnong ki la ïamih ban ïakynduh ïa U Jisu; bad haba ki la ïohi ïa u, ki la kyrpad ïa u ba un leit noh na ka thain jong ki.

MATHAÏOS 8:34 ပူးပေါင်းရင်းမြစ်များ

1 SYIEM 17:18

Bad ka la ong ha u Elijah, “Nga dei aïu ïa me, A me u briew U Blei? pleng me la wan ha nga ban pynkynmaw ïa ka pop jong nga, bad ban pynïap ïa u khun jong nga!”

1 SYIEM 18:17

Te ynda u Ahab u la ïohi ïa u Elijah, u Ahab u la ong ïa u, “Long ma me, me u nongpynshitom ki Israel?”

Ka Kitab U Job 21:14

Pynban, ki la ong ha U Blei, khie leit noh na ngi; naba ngim kwah ban tip ïa ki lynti jong me.

Ka Kitab U Job 22:17

kiba la ong ha U Blei, ‘Khie leit noh na ngi; bad U Badonbor Baroh un lah leh aïu ïa ngi?’

AMOS 7:12

U Amasaïah u la ong ha u Amos ruh, “A me u nongïohi, khie leit, phet ïap noh me sha ka ri Judah, bad to bam kpu hangta, bad to ïathuhlypa hangta:

MATHAÏOS 8:29

Ha khmih ruh, ki la ïapyrta noh, ki da ong, “Me donkam aïu bad ngi, ko Jisu, U Khun U Blei? me la wan shane mynshuwa ka aïom ban pynkordit ïa ngi?”

LOUKAS 5:8

Te u Simon Petros haba u la ïohi ïa kane, u la dem khrup ha ki khohsiew U Jisu, u da ong, “To khie leit noh na nga; naba nga long u briew u bapop, A Trai.”

LOUKAS 8:28

Te haba u la ïohi ïa U Jisu, u la kyang, bad u la dem khrup ha khmat jong U, bad u la ong da ka ktien bajam, “Nga donkam aïu bad me, Jisu, Me U Khun U Blei U Bahakhlieh Tam Eh? Me nga kyrpad ïa me, wat pynshitom ïa nga!”

KI KAM 16:39

bad ki la wan bad ki la ïakyrpad noh ïa ki; bad haba ki la ïalam noh ïa ki shabar, ki la ïakyrpad ïa ki ban leit noh na kata ka shnong.

DEUTERONOMI 5:25

Te namar kata, balei ngin da ïap? namar kane ka ding kaba khraw kan bam duh ïa ngi: lada ngin nang ïohsngew shuh ïa ka jingsawa ktien U Trai uba U Blei jong ngi, te ngin sa ïap noh.

1 SAMUEL 16:4

Bad u Samuel u la leh ïa kata kaba la kren U Trai bad u la wan sha Bethlehem. Te kita ki tymmen basan kata ka shnong ki la sheptieng shikatdei haba ki la ïashem bad u, bad ki la ong, “Me wan ïa kaba suk?”