MATHAÏOS 8:20 - KA BAIBL

²⁰ U Jisu te u la ong ha u, “Ki myrsiang ki don ki thliew, bad ki sim bneng ki jaka rieh: hynrei, U Khun u briew um don jaka ban buh ïa la ka khlieh.”

Khasi CL Bible (BSI)

²⁰ U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

MATHAÏOS 8:20 ပူးပေါင်းရင်းမြစ်များ

SALM 104:12

Hajan jong ki, ki sim ka suiñ ki don la ka jaka shong, ki ïapah hapdeng ki tnat.

SALM 104:17

ha kiba ki sim ki thaw la ki skum: ki dieng Kseh ki long ka ïing jong ka puka.

SALM 109:22

Naba nga long u baduk bad u barangli, bad ka dohnud jong nga ka la mong hapoh jong nga.

SALM 40:17

Hynrei, nga long u baduk bad u bakyrduh; pynban, U Trai u pyrkhat ïa nga: me long ka jingïarap jong nga bad u nongpyllait jong nga; wat pyntud shuh, A U Blei jong nga.

SALM 69:29

Hynrei, nga long u baduk bad u basngewsih: to ai ba ka jingpynim jong me, A U Blei, kan pynkyntiew ïa nga sha jrong.

SALM 84:3

Wat u sim ïing ruh u la shem ïing ha lade, bad ka lyntait ïa ka skum ha lade, ha kaba kan buh ïa la ki khun, wat ïa ki duwan jong me, A Trai ki paid, U Syiem jong nga, bad U Blei jong nga.

DANIEL 7:13

“Nga la ïohi ha ki jingithuhpaw mynmiet, “bad ha khmih, u la wan uwei da ki lyoh bneng kum u khun u briew, bad u la wan sha uta uba na mynhyndai kulong, bad ki la wallam ïa u hajan jong u.

MATHAÏOS 12:32

Bad uno uno ruh uba krenbeiñ ïa U Khun u briew, ïa uta lah ban map; hynrei, uno uno ruh uba krenbeiñ ïa U Mynsiem Bakhuid, ïa u yn ym map, ha kane ka pyrthei lymne ha kata ka ban sa wan.”

MATHAÏOS 12:40

Naba kumba u Jonah u la shong lai sngi bad lai miet ha ka kpoh u dohkha khraw, kumta ruh U Khun u briew un shong lai sngi bad lai miet ha ka kpoh ka khyndew.

MATHAÏOS 12:8

Naba U Khun u briew, u long U Trai ka Sabbaton.”

MATHAÏOS 13:37

U te u la ïathuh bad u la ong ha ki: “Uta uba bet ïa u symbai babha, u long U Khun u briew;

MATHAÏOS 16:13

Haba U Jisu u la wan sha ki phang ka Kaisaria Philippi, u la kylli ïa ki synran jong u, u da ong, “Ki briew ki ong uei ïa nga, U Khun u briew?”

MATHAÏOS 16:27

Naba U Khun u briew un sa wan ha ka burom U Kpa jong u lem bad ki angel jong u, ynda kumta, un ai ha uwei pa uwei katba kum ka jingleh jong u.

MATHAÏOS 17:9

Haba ki dang ïahiar te na uta u lum, U Jisu u la hukum ïa ki, u da ong, “Wat ïathuh hano hano ruh ïa kata ka jingithuhpaw, tad ynda U Khun u briew u la mihpat na ki baïap.”

MATHAÏOS 19:28

U Jisu te u la ong ha ki: “Shisha nga ong ha phi, ba phi kiba la ïabud ïa nga, ha ka jingpynthymmai ynda U Khun u briew un shong ha ka khet ka burom jong u, phi ruh phin shong ha ki khat-ar ki khet, ban bishar ïa ki khat-ar ki jaid Israel.

MARKOS 8:38

naba uno uno ruh u ban sngewlehrain ïa nga bad ïa ki ktien jong nga, ha kane ka pateng bynriew baklim bad bapop, U Khun u briew ruh un lehrain ïa uta, haba u wan ha ka burom U Kpa jong u, lem bad ki angel bakhuid.”

LOUKAS 12:8

Nga ong ruh ha phi, “Uno uno baroh u ban phla ïa nga ha khmat ki briew, te ïa uta, U Khun u briew ruh un phla ha khmat ki angel U Blei.

LOUKAS 18:8

Nga ong ïa phi, ba un bishar hok ïa ki kumne kumne ruh. Hynrei, ynda wan U Khun u briew, un shem ne em ïa ka jingngeit ha ka pyrthei?”

LOUKAS 2:12

te kane kan long ka dak ïa phi; phin shem ïa u khunlung ba la sop da ki jaiñsop, u da thiah ha ka shyngoid.”

LOUKAS 2:16

Kumta, ki la ïawan kyrkieh, bad ki la shem ïa ka Mari bad ïa u Joseph, bad ïa uta u khunlung ba u thiah ha kata ka shyngoid.

LOUKAS 2:7

Te ka la kha ïa u khun u banyngkong jong ka, bad ka la sop ïa u da ki jaiñsop, bad ka la pynthiah ïa u ha ka shyngoid; naba ym don jaka ïa ki ha ka ïingbasa.

LOUKAS 21:36

Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

LOUKAS 8:3

bad ka Ïoanna ka tnga u Khusa, u rangbah u Herod, bad ka Susanna, bad shibun kiwei kiwei ruh, kiba la ju ïasumar sukher ïa u na ki jingdon jong ki.

LOUKAS 9:58

U Jisu te U la ong ha u, “Ki myrsiang ki don ki thliew, bad ki sim bneng ki jaka rieh tngen, hynrei, U Khun u briew um don jaka ban buh la ka khlieh.”

ÏOANNIS 1:51

U ong ruh ha u, “Shisha, shisha nga ong ha phi: phin sa ïohi ïa ka bneng ba la plie, bad ïa ki angel U Blei ba ki ïakiew bad ki ïahiar ha U Khun u briew.”

ÏOANNIS 12:34

Uta u paidbah u la ïathuh ha U, “Ngi, ngi la ïohsngew na Ka Hukum, ba uta U Khrist u ïaisah sha ka bymjukut; te kumno ba ong ma me, ka dei ba yn kyntiew ïa U Khun u briew? uei une U Khun u briew?”

ÏOANNIS 13:31

Namar kata, ynda u la leit noh, U Jisu u ong, “Mynta la pyndonburom ïa U Khun u briew, bad la pyndonburom ïa U Blei ha u.

ÏOANNIS 3:13

Te ym don uba la leit kiew sha bneng, hynrei, tang uta uba la wan hiar na bneng, U Khun u briew keiñ, uba don ha bneng.

ÏOANNIS 3:14

Kumba u Moses ruh u la kyntiew ïa uta u bseiñ ha ka ri khlaw, kumta ruh ka dei ba yn kyntiew ïa U Khun u briew:

ÏOANNIS 6:27

Wat trei minot ban ïoh ïa kata ka jingbam ka ban jot noh, hynrei, ïa kata ka jingbam kaba ïaisah sha ka jingim bymjukut, ïa kaba U Khun u briew un ai ha phi: namar ïa une, uta U Kpa, U Blei hi, u la pynskhem.”

ÏOANNIS 6:53

Namar kata, U Jisu u la ïathuh ha ki, “Shisha, shisha nga ong ha phi, lymda phi bam ïa ka doh jong U Khun u briew, bad ba phi dih ïa ka snam jong u, phim don ka jingim ha lade.

ÏOANNIS 6:62

Kumno te lada phin ïohi ïa uta U Khun u briew ba u leit kiew sha kaba u la don mynshuwa?

KI KAM 7:56

bad u la ong, “Ha khmih, nga ïohi ïa ki bneng ba la plie, bad ïa U Khun u briew ba U da ïeng sha ka kti kamon U Blei.”

2 KORINTH 8:9

Namar phi ithuh ïa ka jingaiei U Jisu Khrist uba U Trai jong ngi; ba la u la long u bariewspah, pynban, u la wan long duk na ka bynta jong phi, khnang ban pynriewspah ïa phi da kata ka jingduk jong u.