MATHAÏOS 8:17 - KA BAIBL

¹⁷ ba kumta yn pyndep ïa kata ba la ong da u Isaïah u nongïathuhlypa, u da ong, “U hi u la shimti ïa ki jingkhrew jong ngi, bad u la bah noh ïa ki jingpang jong ngi.”

Khasi CL Bible (BSI)

¹⁷ U la leh ïa kane ban pynurlong shisha ïa kaei kaba u Isaïah u nongïathuhlypa u la lah ong, “Ma u da lade hi u la shim ïa ki jingshitom jong ngi bad u la bah noh ïa ki jingpang jong ngi.”

MATHAÏOS 8:17 ပူးပေါင်းရင်းမြစ်များ

JENESIS 22:6

Ynda kumta, u Abraham u la shim ïa kita ki dieng ka jingainguh thang, bad u la buh ïa ki halor u Isaak u khun jong u; hynrei, ïa ka ding, bad ïa ka tari, u la shim ha la ka kti hi; kumta, ki la ïaleit baroh ar ngut ryngkat.

ISAÏAH 53:4

Shisha u la bah ïa ki jingkhuslai jong ngi, bad u la kit ïa ki jingsngewsih jong ngi: pynban, ngi la ñiew ïa u ba la pynmong, ba la shoh da U Blei, bad ba la pynjynjar.

MATHAÏOS 1:22

La leh ïa kane baroh te, ba kumta yn pyndep ïa kata ba la ong U Trai da u nongïathuhlypa, u da ong,

MATHAÏOS 2:15

bad u la shong hangta haduh ka jingïap u Herod: ba kumta yn pyndep ïa kata ba la ong U Trai da u nongïathuhlypa, u da ong, “Na Ijipt nga la khot ïa u khun jong nga.”

MATHAÏOS 2:23

Haba u la poi ruh, u la shong duh ha ka shnong ba la khot “ka Nasaret”: ba kumta yn pyndep ïa kata ba la ong da ki nongïathuhlypa, “Ba yn khot ‘u nong Nasaret’ ïa u.”

MARKOS 1:32

Ynda la janmiet te, haba la sep ka sngi, ki la wallam ha u ïa ki bapang baroh, bad ïa kita kiba shong ksuid ruh.

LOUKAS 4:40

Te haba la sep ka sngi, baroh kat kiba don ki bapang da ki bun jaid ki jingpang, ki la wallam ïa ki ha u; te u la buh ïa la ki kti halor uwei pa uwei na ki, bad u la pynkhiah ïa ki.

2 KORINTH 12:10

Naba kumta, nga sngewbha ha ki jingtlot, ha ki jinglehbeiñ, ha ki jingkyrduh, ha ki jingbehbeiñ, ha ki jingshipa, na ka bynta U Khrist; namar haba nga sngewtlot, hangta nga long u bakhlaiñ.

1 PETROS 2:24

uba da lade hi u la bah noh ïa ki pop jong ngi ha ka met jong u halor kata ka dieng, ba, haba la ïap noh sha kita ki pop ngin ïoh im sha ka hok; uba da ki jingjngem snam jong u, la pynkhiah ïa phi.