MATHAÏOS 8:16 - KA BAIBL

¹⁶ Ynda la janmiet ruh, ki la ïawallam ha U shibun kiba shong ksuid; te U la beh noh ïa ki mynsiem da ka ktien, bad U la pynkhiah ïa ki bapang baroh:

Khasi CL Bible (BSI)

¹⁶ Haba ka janmiet ka la poi, ki briew ki la wallam sha U Jisu shibun kiba la don ki ksuid hapoh jong ki. U Jisu u la beh noh ïa ki mynsiem bymkhuid da ka ktien bad u la pynkhiah ïa baroh kiba la shitom.

MATHAÏOS 8:16 ပူးပေါင်းရင်းမြစ်များ

EKSODOS 15:26

bad u la ong, “Lada men sngap biang biang ruh ïa ka ktien jong U Trai U Blei jong me, bad lada men leh ruh ïa kata kaba dei ha khmat jong u, bad men shahshkor ruh ïa ki hukum jong u, da kaba rakhe ïa ki niam ki rukom jong u baroh, ngan ym da buh ha me kawei ruh keiñ na kita ki jingpang ïa kiba nga la wallam halor ki Ijipt: naba ma nga, nga long U Trai uba pynim ïa me.”

MATHAÏOS 12:22

Ynda kumta, la wallam ha U ïa uba shong ksuid u bamatlah bad u bymnangkren; bad U la pynkhiah ïa u, kat haduh ba uta u bamatlah bad u bymnangkren u la ïohi bad u la kren ruh.

MATHAÏOS 14:14

Haba U Jisu ruh u la mih noh, u la ïohi ïa u paidbah babun, bad u la sngewsynei ïa ki bad u la pynkhiah ïa ki bapang jong ki.

MATHAÏOS 8:15

Bad U la ktah ïa ka kti jong ka, te kata ka khieshoh ka la iehnoh ïa ka; te ka la ïeng, bad ka la shakri ïa U.

MATHAÏOS 8:33

Te kita kiba ïa-ap ïa ki, ki la ïaphet noh; bad haba ki la ïapoi ha kata ka shnong, ki la ïathuh ïa kiei kiei baroh, bad ïa kaba la jia ha kita kiba shong ksuid ruh.

MATHAÏOS 9:2

Ha khmih ruh, ki la ïawallam ha u ïa u bapang ïapshiliang, uba thiah ha ka jingthiah: te haba U Jisu u la ïohi ïa ka jingngeit jong ki, u la ong ha uta u bapang ïapshiliang, “To kyrmen, ko khun; la map noh ïa me ïa ki pop jong me.”

MARKOS 2:3

Ki wan ruh ha U kiba wallam ïa uwei u bapang ïapshiliang, ïa uba ki bah saw ngut.

MARKOS 5:8

(Naba U la lah ong ha u, “Me mynsiem bymkhuid, to mih noh na une u briew.”)

MARKOS 9:25

Te haba U Jisu u la ïohi ba u paidbah u ïaphet lang sha U, U la sneng ïa uta u mynsiem bymkhuid, U da ong ha u, “Ko mynsiem bymnangkren bad bakyllut, nga hukum ïa me, ‘To mih noh na u, wat leit bsut shuh ruh ha u.’ ”

LOUKAS 13:12

Haba U Jisu te u la ïohi ïa ka, u la khot ïa ka, bad u la ong ha ka, “Ko kynthei, la pyllait noh ïa pha na ka jingkhrew jong pha.”

LOUKAS 4:40

Te haba la sep ka sngi, baroh kat kiba don ki bapang da ki bun jaid ki jingpang, ki la wallam ïa ki ha u; te u la buh ïa la ki kti halor uwei pa uwei na ki, bad u la pynkhiah ïa ki.

LOUKAS 4:41

Ki ksuid ruh de ki la mih noh na kiba bun, ki da pyrta jam, ki da ong ruh, “Me long U Khrist U Khun U Blei.” Hynrei, haba u la sneng ïa ki, um shah ïa ki ban kren, naba ki la tip ba u long U Khrist.

KI KAM 5:15

kat ban bah shabar ïa ki bapang khrew ha ki lynti shnong, bad ban buh ïa ki ha ki palong bad ha ki khalti, ba ynda u Petros u wan ïaid, kan shu ïoh kah wat tang ka syrngiew jong u halor kiba na ki.