MATHAÏOS 8:15 - KA BAIBL

¹⁵ Bad U la ktah ïa ka kti jong ka, te kata ka khieshoh ka la iehnoh ïa ka; te ka la ïeng, bad ka la shakri ïa U.

Khasi CL Bible (BSI)

¹⁵ U la ktah ïa ka kti jong ka, ka jingshit ka la iehnoh ïa ka, bad ka la khie joit bad ka la sdang ban shakri ïa u.

MATHAÏOS 8:15 ပူးပေါင်းရင်းမြစ်များ

2 SYIEM 13:21

Te katba ki la dang ïatep ïa u briew, ha khmih, ki la ïohi ïa ka kynhun; bad ki la ïabred ïa uta u briew ha ka jingtep u Elisha: te tang ba uta u briew u shu dei ha ki shyieng u Elisha u la im pat, bad u la ïeng joit da la ki kjat.

ISAÏAH 6:7

bad u la ktah ïa ka shyntur jong nga da u, u la ong ruh, “Ha khmih, kane ka la ktah ïa ki rmiang shyntur jong me; te ïa ka jingbymhok jong me la weng noh, bad ïa ka pop jong me la pynkhuid noh.”

MATHAÏOS 14:36

bad ki la ïakyrpad ïa u ba kin shu ïoh ktah tang ïa ka rmiang ka jaiñkup jong u; te baroh kat kiba la ktah, ki la khiah phar.

MATHAÏOS 20:34

U Jisu te ba u la sngewsynei, u la ktah ïa ki khmat jong ki: te kumne kumne ruh ki khmat jong ki, ki la peit, bad ki la ïabud ïa u.

MATHAÏOS 8:14

Haba U Jisu u la wan ha ka ïing u Petros, U la ïohi ïa ka syngken kurim jong u ba ka da thiah, bad ba ka da khieshoh.

MATHAÏOS 8:16

Ynda la janmiet ruh, ki la ïawallam ha U shibun kiba shong ksuid; te U la beh noh ïa ki mynsiem da ka ktien, bad U la pynkhiah ïa ki bapang baroh:

MATHAÏOS 8:3

U Jisu te u la kner ïa la ka kti, bad U la ktah ïa u, U da ong, “Nga mon; to men long khuid.” Kumne kumne ruh la pynkhuid ïa u na kata ka pang 'ñiangthohlieh jong u.

MATHAÏOS 9:20

Ha khmih ruh, ka briew kaba la pang mihsnam khat-ar snem, ka la wan hajan na shadien, bad ka la ktah ïa ka rmiang ka jaiñkup jong U;

MATHAÏOS 9:29

Ynda kumta, u la ktah ïa ki khmat jong ki, u da ong, “Katba kum ka jingngeit jong phi kan long ha phi.”

MARKOS 1:29

Te kumne kumne ruh, haba ki la mih noh na kata ka synagog, ki la rung sha ka ïing u Simon bad u Andriw, lem bad u Jakob bad u Ïoannis ruh.

MARKOS 1:41

Te U Jisu haba U la sngewsynei, U la kner ïa la ka kti bad U la ktah ïa u, bad U ong ha u, “Nga mon; to men long khuid.”

LOUKAS 8:54

Hynrei, U, haba U la pynmih noh ïa ki baroh shabar, bad haba U la bat ïa ka na ka kti, U la pyrta, U da ong, “Ko khynnah, to ïeng.”