MATHAÏOS 8:13 - KA BAIBL

¹³ Bad U Jisu u la ong ha uta u rangbah shispah, “To khie leit noh; kat kumba me la ngeit, kan long ruh ïa me.” Te ha kata hi ka por la pynkhiah ïa u shakri jong u.

Khasi CL Bible (BSI)

¹³ Nangta U Jisu u la ong ha u rangbah pynïaidkam, “Khie leit noh sha ïing, bad ïa kaei kaba me ngeit yn sa leh na ka bynta jong me.” Bad ïa u shakri jong u rangbah pynïaidkam la pynkhiah ha kata hi ka khyllipmat.

MATHAÏOS 8:13 ပူးပေါင်းရင်းမြစ်များ

EKLESIASTIS 9:7

To khie me, bam la u kpu da kaba kmen, bad dih la ka Waiñ da ka dohnud basngewkmen; namar U Blei u la pdiang lypa ïa ki kam jong me.

MATHAÏOS 15:28

Ynda kumta, U Jisu u la ïathuh bad u la ong ha ka, “Ko kynthei, kaba khraw ka jingngeit jong pha; to kan long ïa pha kumba pha mon.” Ka khun jong ka, ka la khiah te naduh kata ka por.

MATHAÏOS 17:20

U Jisu te u la ïathuh ha ki, “Namar ka jingbymngeit jong phi: naba shisha nga ong ha phi, lada phi don ka jingngeit kaba kat iwei i symbai tyrso, phin ong ha une u lum, ‘To leit noh nangne hangtai’, te un leit noh keiñ; bad ym don kaei kaei ruh ïa kaba phin ym lah leh.

MATHAÏOS 8:4

U Jisu u la ong ruh ha u, “To sumar wat ïathuh hano hano ruh; hynrei, khie leit noh, to pyni ïa lade ha u lyngdoh, to ainguh ruh ïa ka jingai ïa kaba u Moses u la hukum, ïa ka ban long ka jingphla ïa ki.”

MATHAÏOS 9:22

U Jisu te haba u la phai, bad u la ïohi ïa ka, u la ong, “To kyrmen, ko ka khun; ka jingngeit jong pha ka la pynkhiah ïa pha.” Kata ka kynthei te ka la khiah naduh kata ka por.

MARKOS 7:29

U la ong te ha ka, “Namar kane ka jingong, to khie leit noh; uta u ksuid u la mih noh na ka khun jong pha.”

MARKOS 9:23

U Jisu u la ong ha u te, “Lada me lah ban ngeit! Kiei kiei baroh ki long kiba lah ïa uta uba ngeit.”

ÏOANNIS 4:50

U Jisu u la ïathuh ha u, “To khie leit noh; u khun jong me u la im.” Uta u briew u la ngeit ïa kata ka ktien kaba U Jisu u la ong ha u, bad u la leit noh.