MATHAÏOS 7:7 - KA BAIBL

⁷ “To pan, te yn sa ai ha phi; to wad, te phin sa shem; to tied, te yn sa plie ïa phi.

Khasi CL Bible (BSI)

⁷ “To pan, bad phin ïohpdiang; to wad, bad phin shem; to tied, bad ïa ka jingkhang yn plie ïa phi.

MATHAÏOS 7:7 ပူးပေါင်းရင်းမြစ်များ

JENESIS 26:32

Ka la jia ruh ha kata kajuh ka sngi, ba ki shakri u Isaak ki la wan ïathuh ha u shaphang ka pukri ïa kaba ki la lah ïatih, bad ki la ong ruh ha u, “Ngi la shem ïa ka um.”

1 SYIEM 3:5

Ha Gibeon U Trai u la paw ha u Solomon ha ka jingphohsniew mynmiet: bad U Blei u la ong, “To pan kaei ngan ai ha me.”

SALM 10:17

A Trai, me la ïohsngew ïa ka jingkwah jong ki bajemnud; men pynkhreh ïa ki dohnud jong ki, men pynsngew ïa la ka shkor:

SALM 10:4

U bymman, ha ka jingsarong ka khmat jong u, u ong, “Un ym wad.” Ki jingmut jong u baroh ki long, “Ym don U Blei keiñ.”

SALM 119:12

A Trai, me long ïa uba la kyrkhu: to hikai ha nga ïa ki aiñ jong me.

SALM 27:8

Haba me la ong, “To wad ïa ka khmat jong nga;” ka dohnud jong nga ka la ong ha me, “Ïa ka khmat jong me, A Trai, ngan wad.”

SALM 34:4

Nga la wad ïa U Trai, bad u la phai ktien ïa nga, bad u la pyllait ïa nga na ki jingsheptieng jong nga baroh.

SALM 37:4

To pynsngewbha ïa lade ruh ha U Trai; te un ai ha me ïa ki jingkwah ka dohnud jong me.

SALM 50:15

bad to khot kyrpad ha nga ha ka sngi ka jingjynjar: ngan pyllait ïa me, te men pyndonburom ïa nga.

SALM 69:32

Ki bajemnud ki la ïohi ïa ka, bad ki sngewkmen: phi kiba wad ïa U Blei, to kan im ka dohnud jong phi.

SALM 70:4

To ai ïa kita baroh kiba wad ïa me ba kin shadkmen bad sngewkmen ha me; bad to ai ba kita kiba ieit ïa ka jingpynim jong me kin ong ha la ka sngi, “To ai ban pynkhraw ïa U Blei.”

SALM 86:5

Naba me, A Trai, me long u babha, bad uba kloi ban map, bad uba kyrhai ka jingisynei ïa kita baroh kiba khot kyrpad ïa me.

PROBERB 8:17

Nga ieit ïa kita kiba ieit ïa nga; bad kita kiba wad biang biang ïa nga kin shem ïa nga.

JINGRWAI SOLOMON 3:2

Nga la ong, “Ngan ïeng joit mynta, bad ngan leit kylleng sawdong ka nongbah, ha ki lynti shnong bad ha ki lynti bah, ngan wad ïa uta uba ka mynsiem jong nga ka ieit: nga la wad ïa u, hynrei, ngam shem.”

ISAÏAH 30:19

Namar u paidlang un shong ha Seïon ha Jerusalem: men ym ïam shuh; da shisha un leh sbun ïa me ha ka jingsawa ka jingkyang jong me; ynda u ïohsngew, un phai ktien ïa me.

JEREMAÏAH 33:3

‘To khot ïa nga, te ngan phai ktien ïa me, bad ngan pyni ruh ha me ïa kiei kiei ki bakhraw, bad kiba eh, ïa kiba mem tip.’

AMOS 5:4

Naba kumne u ong U Trai ha ka ïing Israel, “To wad phi ïa nga, te phin im:

MATHAÏOS 18:19

Pat nga ong ha phi, ba lada ar ngut na phi kin ïakut lem ha ka khyndew shaphang kaei kaei ruh ïa kaba kin ïapan, kan long ïa ki na U Kpa jong nga uba ha bneng.

MATHAÏOS 21:22

Bad ïa kiei kiei baroh kat kiba phin pan ha ka jingduwai da kaba ngeit, phin pdiang.”

MATHAÏOS 6:33

Hynrei, phin ïawad shuwa ïa ka hima U Blei, bad ïa ka hok jong u: te ïa kine kiei kiei baroh, yn sa ai lang tam ha phi.

MATHAÏOS 7:11

Namar kata, lada phi, kiba long bymman, phi tip ïa ka ban ai ïa ki jingai babha ha ki khun jong phi, kaba katno tam ba U Kpa jong phi uba ha bneng un ai ïa kiei kiei ruh ki babha ha kita kiba pan na u?

MATHAÏOS 7:8

Naba baroh uba pan, u pdiang; bad uba wad, u shem; bad ïa uba tied, yn plie.

MARKOS 11:24

Namar kata, nga ong ha phi, ba kiei kiei baroh kat kiba phi pan, haba phi kyrpad, to ngeit ba phi pdiang ïa kita, te phin sa ïoh.

LOUKAS 13:25

Te haba shi sien ba u trai ïing u la ïeng, bad u la khang ïa ka jingkhang, bad ba phin sdang ban ïeng shabar bad ban tied ïa ka jingkhang, phi da ong, ‘A Trai, A Trai, to plie ïa ngi’; u te un ïathuh un ong ha phi, ‘Ïa phi ngam ithuh, phi nangno.’

LOUKAS 18:1

Te u la kren ka pharshi ha ki shaphang ba ka dei ïa ki ban ïaiduwai, bad ban ym man thait shuh.

ÏOANNIS 15:16

Phi, phim shym la jied ïa nga, hynrei, nga, nga la jied ïa phi, bad nga la thung ïa phi, ba phi phin ïoh ïai-leit bad sei soh, bad ba u soh jong phi un ïoh ïaineh; ba kaei kaei ruh ba phin pan na uta U Kpa ha ka kyrteng jong nga, un ai ha phi.

ÏOANNIS 15:7

Lada phi ïaineh ha nga, bad ki ktien jong nga ki ïaineh ha phi, ïa kaei kaei ruh ba phi mon, phin pan, te kan long ïa phi.

ÏOANNIS 4:10

U Jisu u la ïathuh bad u la ong ha ka, “Lada pha la ithuh ïa ka jingaiei ka jong U Blei, bad uei u long uta uba ong ha pha, ‘To ai ha nga ban dih’, pha hi phan da la pan na u keiñ, u te un da la ai ha pha ïa ka um kaba im.”

Ka Shithi U Paul Sha Ki Nong Rom 2:7

ha kita keiñ, kiba da ka jingïaineh minot ha kaba leh babha, ki wad sliang ïa ka jinglong burom bad ïa ka burom bad ïa ka jingbymïap, un ai ka jingim bymjukut:

Ka Shithi U Paul Sha Ki Nong Rom 3:11

ym don uba shemphang, ym don keiñ uba wad ïa U Blei;

HEBRU 11:6

hynrei, khlem ka jingngeit, ym lah ban pynsngewbha ïa u: namar ka dei ïa uta uba wan hajan U Blei ban ngeit ba u don, bad ba u long uba ai nong ïa kita kiba wad ïa u.

JAKOB 5:15

te kata ka jingduwai ka jong ka jingngeit kan pynkhiah ïa uta u bapang, bad U Trai un pynïeng ïa u; bad lada u la leh ïa ki pop, ïa kita yn map noh ïa u.

1 ÏOANNIS 3:22

Bad lada ngi pan ïa kaei kaei ruh, ngi pdiang na u, naba ngi sumar ïa ki hukum jong u, bad ngi ïai-leh ïa kita kiei kiei ruh ba pynsngewbha ha khmat jong u.