MATHAÏOS 7:25 - KA BAIBL

²⁵ te u slap u la hap, bad ki wah ki la ïashlei, bad ki lyer ki la ïabeh, bad ki la shoh ïa kata ka ïing; te kam shym la kyllon noh: naba la pynshong nongrim ïa ka halor u mawsiang.

Khasi CL Bible (BSI)

²⁵ U slap u la hap, ki wah ki la shlei, bad ka lyer ka la beh jur pyrshah ïa kata ka ïing. Hynrei kam shym la khyllem, namar la tei ïa ka halor u mawsiang.

MATHAÏOS 7:25 ပူးပေါင်းရင်းမြစ်များ

PROBERB 10:25

Haba ka lyer langthari ka ïaid, u bymman um don shuh: hynrei, u bahok u long ka nongrim kaba junom.

MALAKHI 3:3

bad un shong kum u nongpynphrang bad u nongpynkhuid rupa, bad un pynkhuid ïa ki khun u Lebi, bad un pynphrang ïa ki, kum ïa ka ksiar bad ka rupa; te kin ainguh ha U Trai ïa ki jingainguh ha ka hok.

MATHAÏOS 16:18

Nga ruh nga ong ha me, ba me long u Petros, bad halor une u mawsiang ngan tei ïa ka balang jong nga; te ki khyrdop ka dujok kin ym lah ïa ka.

MATHAÏOS 7:24

“Te mano mano baroh uba sngew ïa kine ki ktien jong nga, bad uba leh ïa ki, ngan tharai ïa u kum u briew u bastad, uba la tei ïa ka ïing jong u halor u mawsiang:

MATHAÏOS 7:26

Hynrei, mano mano baroh uba sngew ïa kine ki ktien jong nga, bad u bymleh ïa ki, yn tharai ïa u kum u briew ba-bieit, uba la tei ïa ka ïing jong u halor u shyiap:

MATHAÏOS 7:27

u slap te u la hap, bad ki wah ki la ïashlei, bad ki lyer ki la ïabeh, bad ki la shoh ïa kata ka ïing; te ka la kyllon: bad ka jingkyllon jong ka, ka la long kaba khraw.”

KI KAM 14:22

ki da pynskhem ïa ki mynsiem jong ki synran, da kaba sneng ïa ki ban ïaineh ha kata ka jingngeit, bad ba ka dei ïa ngi ban bsut shapoh ka hima U Blei lyngba shibun ki jynjar.

EPHESOS 3:17

ba U Khrist un shong da ka jingngeit ha ki dohnud jong phi;

KOLOSSAI 2:7

ba la pynsuh thied ïa phi bad ba la ïaitei ïa phi ha u, bad ba la pynneh skhem ïa phi ha ka jingngeit, kumba la hikai ïa phi keiñ, phi da roi kyrhai ha ka, da ka jingainguh.

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

1 PETROS 1:5

ïa kiba la sumar da ka bor U Blei da ka jingngeit khnang ïa ka jingpynim, ïa kaba la khreh ban pynpaw ha ka Ïa ka bakhatduh.

1 PETROS 1:7

khnang ba kata kaba phrang ïa ka jingngeit jong phi, kaba kham kordor ïa ka ksiar kaba jot noh, la la phrang ruh ïa ka da ka ding, yn ïoh shem ïa ka ha ka jingïaroh bad ka burom bad ka jinglong burom, ha ka jingpynpaw U Jisu Khrist:

1 ÏOANNIS 2:19

Ki la leit mih noh napdeng jong ngi, hynrei, kim shym la long na ngi; namar lada ki la long na ngi, kin da la sah lem bad ngi: hynrei, ki la leit mih noh khnang ban ïoh pynpaw ïa ki, ba baroh kim long na ngi.