MATHAÏOS 7:12 - KA BAIBL

¹² “Namar kata, ïa kiei kiei baroh kiba phi ïamon ba ki briew kin leh ha phi, kumta, to leh ma phi ruh ha ki: naba kane ka long Ka Hukum bad Ki Nongïathuhlypa.

Khasi CL Bible (BSI)

¹² “Leh ïa kiwei ïa kaei kaba phi kwah ïa ki ba kin leh na ka bynta jong phi: Kane ka long ka jingmut jong ka Hukum u Moses bad jong ki jinghikai ki nongïathuhlypa.

MATHAÏOS 7:12 ပူးပေါင်းရင်းမြစ်များ

ESEKIEL 18:21

“Hynrei, lada u bymman u phai na la ki pop jong u baroh kiba u la leh, bad u sumar ïa ki aiñ jong nga baroh, bad u leh ïa kata kaba dei bad kaba hok, un im da shisha, un ym ïap.

LEBITIKOS 19:18

Men ym pynhiar kput, lymne bat nud pyrshah ïa la ki khun u paidlang jong me, hynrei, men ieit ïa la u paramarjan kumba ïa lade: Nga long U Trai keiñ.

MIKAH 6:8

U la pyni ha me, ko briew, kaei ka babha; te U Trai u wad aïu na me, hynrei, tang ban leh hok, bad ban ieit ïa ka jingisynei, bad ban ïaid leh rit bad U Blei jong me?

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

MATHAÏOS 5:17

“Wat mut ba nga la wan ïa ka ban pyndam noh ïa Ka Hukum lane ïa Ki Nongïathuhlypa: ngam shym la wan ïa ka ban pyndam noh, hynrei, ïa ka ban pynskhem.

LOUKAS 6:31

Kumba phi mon ruh ba ki briew kin leh ïa phi, to leh ma phi ruh kumjuh ïa ki.

1 TIMOTHI 1:5

Hynrei, ka jingthmu ka jong kata ka hukum ka long ka jingieit na ka dohnud bakhuid bad ka jingïatiplem babha bad ka jingngeit bakhlem arsap:

JAKOB 2:8

Hynrei, lada phi pyndep ïa ka hukum bakynja syiem, katba kum ka jingthoh, “Men ieit ïa u paramarjan jong me kumba ïa lade”, phi leh bha keiñ: