MATHAÏOS 7:11 - KA BAIBL

¹¹ Namar kata, lada phi, kiba long bymman, phi tip ïa ka ban ai ïa ki jingai babha ha ki khun jong phi, kaba katno tam ba U Kpa jong phi uba ha bneng un ai ïa kiei kiei ruh ki babha ha kita kiba pan na u?

Khasi CL Bible (BSI)

¹¹ Phi kiba sniew eh, phi tip kumno ban ai kiei kiei kiba bha ïa ki khun jong phi. Kaba katno tam keiñ, ba U Kpa jong phi uba ha bneng un ai kiei kiei kiba bha ha kito kiba pan na u!

MATHAÏOS 7:11 ပူးပေါင်းရင်းမြစ်များ

JENESIS 6:5

Te U Trai u la ïohi ba ka jingleh bymman jong u briew ka la khraw eh ha ka pyrthei, bad ba ka jingthmu baroh ki jingpyrkhat ka dohnud jong u ki la long bymman ha la ka sngi.

JENESIS 8:21

Te U Trai u la iw ïa ka jingiw baiwbih; bad U Trai u la ong ha la ka dohnud, “Ngan ym tim shuh ïa ka khyndew pat na ka bynta u briew; la ka jingpyrkhat ka dohnud u briew ka basniew naduh myndanglong samla jong u; bad ngan ym shoh ïap pat shuh ïa ki kynja ba-im baroh, kumba nga la leh.

2 SAMUEL 7:19

Bad kane ka la long pynban ka barit ha khmat jong me, A Trai U Blei; hynrei, me la kren shaphang ka ïing u shakri jong me sha ka ban slem eh ruh; bad kane ruh kat kum ka rukom briew, A Trai U Blei!

Ka Kitab U Job 15:16

Sa katno uta uba ijli bad uba pyut lei lei, u briew keiñ, uba dih ïa ka jingbymhok kum ka um?

SALM 84:11

Naba U Trai U Blei u long ka sngi bad ka stieh: U Trai un ai ka jingaiei bad ka burom: ïa kaei kaei ka jingbha un ym khang na kita kiba ïaid beit.

SALM 85:12

U Trai ruh un ai ïa ka babha; bad ka ri jong ngi kan pynmih ïa la ka jingmih.

SALM 86:15

Hynrei, me, A Trai, me long U Blei uba dap ka jingisynei bad ka jingaiei, uba jynsur ïa ka jingbitar, bad uba kynrei ka jingisynei bad ka jingshisha.

SALM 86:5

Naba me, A Trai, me long u babha, bad uba kloi ban map, bad uba kyrhai ka jingisynei ïa kita baroh kiba khot kyrpad ïa me.

ISAÏAH 49:15

“Hato ka briew ka lah ban klet ïa la i khun ba dang buiñ, ba kan ym isynei ïa i khun ka kpoh jong ka? Shisha, kine ki lah ban klet, pynban nga, ngan ym klet ïa pha.

ISAÏAH 63:7

Ngan pynkynmaw ïa ki jingleh ieit jong U Trai, bad ïa ki jingïaroh jong U Trai, katba kum ïa kata baroh ba U Trai u la ai ha ngi; bad ka jingbha bakhraw sha ka ïing Israel, ïa kaba u la ai ha ki katba kum ki jingisynei jong u, bad katba kum shibun ki jingleh ieit jong u.

JEREMAÏAH 17:9

Ka dohnud ka kham shukor ban ïa kiei kiei baroh, bad ka long ka basniew khlem jingkyrmen: uei uba lah ban ithuh ïa ka?

JEREMAÏAH 33:14

“ ‘Ha khmih, ki sngi kin sa poi,’ ong U Trai, ‘ba ngan sa pyndep ïa kata ka ktien ka babha ïa kaba nga la kren shaphang ka ïing Israel bad shaphang ka ïing Judah.

HOSIA 14:2

Shim ki ktien bad phi, to phai ruh sha U Trai: ong ha u, “To shim noh ïa ka jingbymhok baroh, bad to pdiang ïa kata ka babha: te ngin ai kum ki masi kyrtong ïa ki jingainguh ki rmiang shyntur jong ngi.

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

MALAKHI 1:6

“U khun u burom ïa la u kpa, bad u shakri ïa la u kynrad: te lada nga long u kpa, hangno ka burom jong nga? bad lada nga long u kynrad, hangno ka jingsheptieng ïa nga?” ong U Trai ki paid ha phi, “ko ki lyngdoh, kiba ibeiñ ïa ka kyrteng jong nga.” Phi te phi ong, “Ha kaba kumno ngi la ibeiñ ïa ka kyrteng jong me?”

MATHAÏOS 23:9

Wat khot ruh ‘u kpa jong phi’ ïano ïano ruh uba ha ka khyndew: naba uwei u long U Kpa jong phi, uba ha bneng.

MATHAÏOS 7:10

lane lada un pan ïa ka dohkha, un ai da u bseiñ ha u?

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

Ka Shithi U Paul Sha Ki Nong Rom 3:19

Te ngi ïatip biang ba ïa kiei kiei ruh, kat kiba ka hukum ka ong, ka kren ha kita keiñ, kiba hapoh kata ka hukum; ba kumta, yn ïoh pynsngap noh jar ïa ka shyntur baroh, bad ba ka pyrthei baroh kan long hapoh ka jingpynrem U Blei.

Ka Shithi U Paul Sha Ki Nong Rom 3:9

Kumno te? ka jinglong jong ngi ka kham sniew ban ïa ka jong ki? Em, haba da lei lei ruh: namar mynshuwa ngi la ong skhem ba ki Jiw ruh bad ki Grik ki long baroh hapoh ka pop.

Ka Shithi U Paul Sha Ki Nong Rom 8:32

Uta u bym shym la bynnud wat ïa la U Khun jong u hi, hynrei, u la aiti noh ïa u na ka bynta jong ngi baroh, kumno te un ym ai ei lem bad u ruh ïa kiei kiei baroh ha ngi?

GALATIA 3:22

Hynrei, Ka Jingthoh ka la khang khop ïa kiei kiei baroh hapoh ka pop, ba yn ïoh ai ïa kata ka jingkular kaba na ka jingngeit ha U Jisu Khrist ha kita kiba ngeit.

JAKOB 1:17

Ka jingai babha baroh, bad ka jingai bajanai baroh, ka long na jrong, kaba wan hiar na U Kpa ki jingshai, bad uba ym don ka jingkylla shuh, lymne ka syrngiew kaba shat da ka jingkylla.

1 ÏOANNIS 3:1

Ha khmih phi, kaba kumno ka jingieit uta U Kpa u la ai ha ngi, ba la khot ïa ngi “ki khun U Blei”: bad kumta ngi long. Namar kane keiñ, kata ka pyrthei kam ithuh ïa ngi, naba kam shym la ithuh ïa u.

1 ÏOANNIS 4:10

Ha kane ka long ka jingieit, ym naba ngi la ieit ma ngi ïa U Blei, hynrei, naba u la ieit ma u ïa ngi, bad ba u la phah ïa la U Khun ban long ka kuna na ka bynta ki pop jong ngi.