MATHAÏOS 6:9 - KA BAIBL

⁹ Namar kata, phin duwai kumne: “Ko Kpa jong ngi uba ha bneng, long bakhuid ka kyrteng jong me.

Khasi CL Bible (BSI)

⁹ Kane keiñ, ka long kumno phi dei ban duwai: “ ‘Ko Kpa jong ngi uba ha bneng: Ai ba ka kyrteng bakhuid jong me kan long kaba la pyndonburom;

MATHAÏOS 6:9 ပူးပေါင်းရင်းမြစ်များ

2 SAMUEL 7:26

Bad to ai ba ka kyrteng jong me kan long ïa kaba la pynkhraw junom, da kaba ong, ‘U Trai ki paid u long U Blei halor ki Israel:’ bad to ai ba ka ïing u Dabid u shakri jong me kan long ïa kaba la pynskhem ha khmat jong me.

1 SYIEM 8:43

to sngew ma me ha bneng ka jaka shongneh jong me, bad to leh baroh katba kum ka jingkyrpad uta u nongwei ha me; ba ki kynja bynriew ka pyrthei baroh kin tip ïa ka kyrteng jong me, ban sheptieng ïa me, kumba leh ki briew jong me ki Israel, bad ba kin tip ba ïa kane ka ïing kaba nga la tei la khot da ka kyrteng jong me.

1 KHRONIKL 17:24

Bad to ai ba ka kyrteng jong me kan long ba la pynskhem bad ban pynkhraw ïa ka ha la ka rta, da kaba ong, ‘U Trai ki paid u long U Blei ki Israel, U Blei keiñ ha ki Israel:’ bad ïa ka ïing u Dabid u shakri jong me, la pynskhem ha khmat jong me.

2 KHRONIKL 20:6

bad u la ong, “A Trai, U Blei ki kpa jong ngi, me mem long U Blei ha bneng? Bad me mem long u nongsynshar halor ki hima ki jaid bynriew baroh? Bad ha ka kti jong me ka long ka bor bad ka jinglah, kumta ba ym don ba lah ban ïeng pyrshah ïa me.

NEHEMAÏAH 9:5

Te ki Lebi, u Jeshua, u Kadmiel, u Bani, u Hashabneïah, bad u Sherebiah, u Hodiah, u Shebaniah, bad u Pethahiah, ki la ong, “To ïeng joit bad kyrkhu ïa U Trai U Blei jong phi na ka bymjukut sha ka bymjukut: bad long ba la kyrkhu ïa ka kyrteng ba-donburom jong me, ïa kaba la kyntiew halor ka jingkyrkhu bad ka jingïaroh baroh.

SALM 111:9

U la phah ïa ka jingpynim ïa la ki briew; u la hukum ïa la ka jutang junom: ka bakhuid bad kaba itieng long ka kyrteng jong u.

SALM 115:3

Hynrei, U Blei jong ngi u don ha ki bneng: u la leh ïa kaei kaei baroh katba u mon.

SALM 72:18

To long ba la kyrkhu ïa U Trai U Blei, U Blei u Israel, uba tang ma u, uba leh ïa kiei kiei ki baphylla:

ISAÏAH 37:20

Te mynta, A Trai U Blei jong ngi, to pynim ïa ngi na ka kti jong u, ba ki hima ka pyrthei baroh kin ïoh tip ba me long U Trai, tang ma me hi keiñ.”

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 6:3

Te uwei u la pyrta ha uwei pat, bad u la ong, “U Bakhuid, U Bakhuid, U Bakhuid, U Trai ki paid: ka khyndew baroh ka dap da ka burom jong u.”

ISAÏAH 63:16

Namar me long u kpa jong ngi, la u Abraham um ithuh ïa ngi, bad u Israel um phla ïa ngi; me, ko Trai, me long U Kpa jong ngi; U Nongsiewspah jong ngi naduh bymjukut long ka kyrteng jong me.

ISAÏAH 64:8

Hynrei mynta, A Trai, me long U Kpa jong ngi; ngi long ka 'dewbyrtha, bad me u nongthaw khiew jong ngi; te ngi baroh ngi long ka kam ka kti jong me.

ISAÏAH 66:1

Kumne u ong U Trai, “Ka bneng ka long ka khet jong nga, bad ka khyndew ka jingïuh kjat jong nga: kaba kumno ka ïing phin tei ïa nga? Bad kaba kumno ka jaka ka jingshongthait jong nga?

ESEKIEL 36:23

Te ngan pynkyntang ïa ka kyrteng bakhraw jong nga, ïa kaba la pyntngit sang hapdeng ki jaid bynriew, ïa kaba phi keiñ phi la pyntngit sang hapdeng jong ki; bad kita ki jaid bynriew kin ïoh tip ba nga long U Trai, haba la pynkyntang ïa nga ha phi ha khmat jong ki,’ ong U Trai U Blei.

ESEKIEL 38:23

Bad ngan pynkhraw ïa lade, bad ngan pynkyntang ïa lade, bad ngan pynbna nam ïa lade ha khmat kiba bun ki jaid bynriew: te kin ïoh tip ba nga long U Trai.”

LEBITIKOS 10:3

Te u Moses u la ong ha u Aaron, “Kane ïa kaba U Trai u la kren, u da ong, ‘Yn pynkyntang ïa nga ha kita kiba wan hajan jong nga, bad yn pyndonburom ïa nga ha khmat u paidlang baroh.’ ” U Aaron te u la sngap.

HABAKKUK 2:14

Naba ïa ka khyndew yn pyndap da ka jingtip ka burom U Trai, kumba ki tap ki um ïa ka duriaw.

SEKHARAÏAH 14:9

Bad U Trai un long u syiem halor ka khyndew baroh: ha kata ka sngi, U Trai un long uwei, bad ka kyrteng jong u kawei.

MALAKHI 1:11

Naba na kaba mih ka sngi jin haduh kaba sep jong ka, ka kyrteng jong nga ka long kaba khraw hapdeng ki Jentil; bad ha ka jaka baroh la ainguh da ka jingainguh baiwbih ha ka kyrteng jong nga, bad da ka jingainguh ka bakhuid: naba ka kyrteng jong nga ka long kaba khraw hapdeng ki Jentil,” ong U Trai ki paid.

MATHAÏOS 10:29

Kim ju die ar peisa ïa ki ar tylli ki sim ïing? hynrei, na kita, kawei kam hap ha khyndew khlem U Kpa jong phi.

MATHAÏOS 23:9

Wat khot ruh ‘u kpa jong phi’ ïano ïano ruh uba ha ka khyndew: naba uwei u long U Kpa jong phi, uba ha bneng.

MATHAÏOS 26:29

Nga ong ruh ha phi, ba ngan ym dih shuh naduh mynta na kane ka umsoh u dieng Waiñ, tad ynda kata ka sngi ba ngan dih thymmai ïa ka lem bad phi ha ka hima U Kpa jong nga.”

MATHAÏOS 26:42

Te ha ka ba-ar sien pat u la leit noh, bad u la duwai, u da ong, “Ko Kpa jong nga, lada ym don lad ïa kane ka khuri ban lait noh na nga lymda nga dih ïa ka, to long ka mon jong me.”

MATHAÏOS 5:16

To pynshai kumta ïa ka jingshai jong phi ha khmat ki briew, ba kin ïohi ïa ki jingleh babha jong phi bad ïoh ïaroh ruh ïa U Kpa jong phi uba ha ki bneng.”

MATHAÏOS 5:48

Namar kata, phin ïalong kiba janai, kumba U Kpa jong phi uba ha bneng u long uba janai.”

MATHAÏOS 6:14

“Naba lada phi map ïa ki briew ïa ki ryngkang jong ki, U Kpa jong phi uba ha bneng un map ruh ïa phi:

MATHAÏOS 6:6

Hynrei, me, haba me duwai, to leit rung sha la ka pulit, bad haba me la khang ïa la ka jingkhang, to kyrpad ïa U Kpa jong me uba ha kaba rieh; te U Kpa jong me uba ïohi ha kaba rieh un ai nong ha me ha kaba paw.

MATHAÏOS 7:11

Namar kata, lada phi, kiba long bymman, phi tip ïa ka ban ai ïa ki jingai babha ha ki khun jong phi, kaba katno tam ba U Kpa jong phi uba ha bneng un ai ïa kiei kiei ruh ki babha ha kita kiba pan na u?

LOUKAS 15:18

Ngan ïeng joit, bad ngan leit sha la u kpa, bad ngan ong ha u: “Ko Pa, nga la leh pop ïa ka bneng, bad ha khmat jong me;

LOUKAS 15:21

Te uta u khun u la ong ïa u, ‘Ko Pa, nga la leh pop ïa ka bneng, bad ha khmat jong me, te ngam long shuh uba dei ba yn khot u khun jong me.’

LOUKAS 2:14

“Ka burom ha U Blei ha kiba jrong tam eh, bad ha ka pyrthei ka jingsuk hapdeng ki briew ha kiba U sngewbha eh.”

ÏOANNIS 20:17

U Jisu u ong ha ka, “To wat ktah ïa nga; namar ngam pat leit kiew sha la U Kpa; hynrei, to khie leit sha ki para jong nga, bad to ong ha ki: Ngan sa leit kiew sha U Kpa jong nga, bad U Kpa jong phi, bad U Blei jong nga, bad U Blei jong phi.”

Ka Shithi U Paul Sha Ki Nong Rom 1:7

Ha kita baroh kiba ha Rom kiba ieit ki jong U Blei, ba la khot ban long ki riewkhuid: Long ka jingaiei ha phi bad ka jingsuk na U Blei uba U Kpa jong ngi bad na U Jisu Khrist U Trai.

Ka Shithi U Paul Sha Ki Nong Rom 8:15

Namar phim shym la pdiang ïa ka mynsiem ka jinglongmraw pat ïa ka ban sheptieng; hynrei, phi la pdiang ïa U Mynsiem ka jingtingkhun, da uba ngi ïaïam kyrpad, Abba! ko Pa!

GALATIA 1:1

U Paul, u apostol (ym na ki briew, lymne da u briew, hynrei, da U Jisu Khrist, bad U Blei uba U Kpa, uba la pynmih pat ïa u na ki baïap),

GALATIA 4:6

Te naba phi long ki khun, U Blei u la phah ïa U Mynsiem U Khun jong u ha ki dohnud jong ngi, u da kyang, “Abba, ko pa!”

1 TIMOTHI 6:16

uba tang ma u hi uba don ka jingbymïap, uba shong ha ka jingshai bym lah kot; ïa uba ym don briew uba la ïohi, lane ba lah ban ïohi; ha uba to long ka burom bad ka borbah bymjukut: Amen.

1 PETROS 1:17

Bad haba phi khot “U Kpa” ïa uta uba khlem ñiew shiliang khmat u bishar katba kum ka jingleh jong uwei pa uwei baroh, to pynleit ïa ka por shong basa jong phi ha ka jingsheptieng;

JINGPYNPAW 4:11

“Me long uba dei, A Trai bad U Blei jong ngi, ban pdiang ïa kata ka burom bad ïa kata ka jingpyndonburom bad ïa kata ka bor, naba me la thaw ma me ïa kiei kiei baroh, bad namar kata ka mon jong me ki ïalong, bad la thaw ïa ki.”

JINGPYNPAW 5:12

ki da ong da ka ktien bajam, “U long uba dei uta U Khun langbrot, ïa uba la pynïap, ban ïoh pdiang ïa kata ka bor, bad ïa ka jingkynrei spah, bad ïa ka jingstad, bad ïa ka jinglah, bad ïa ka jingpyndonburom bad ïa ka burom, bad ïa ka jingkyrkhu.”